Génesis 17:10 - Bible in Tzeltal de Oxchuc y Tenejapa

¹⁰ Jich ay te trato cu'un te ya awich'bon ta muc' ja'at soc jayeb ats'umbal ta patil: Ya me awich' circuncisión ta abaq'uetal soc spisil te winiquetic awu'une.

Bible in Tzeltal Bachajón

¹⁰ Ha ini te chapbil-c'op cu'un te yac ach'uhun spasel soc ats'umbal ta patil bahel: Spisil winiquetic ta awohlilic ya me yich'ic circuncisión.

Génesis 17:10 Referans Kwoze

Hechos 7:8

Te Diose la spas trato soc te Abrahame te ja' seña c'ot te circuncisione. Jich te Abraham te c'alal ayin te snich'ane, ja' te Isaaque, ta swaxaquebal c'aal yayinel a te la yac'bey yich' te circuncisione. Jich uuc te Isaaque la yac'bey yich' circuncisión te snich'ane, ja' te Jacobe. Soc jich nix uuc te Jacobe la yac'bey yich' circuncisión te snich'nabe, ja' te lajchaytul antiguo tatiletic cu'untique.

Filipenses 3:3

Yan te jo'otique quich'ojtic te mero circuncisione. Melel ta swenta nax te Espíritu te yacotic ta abatinel yu'un te Diose. Jich bayal sbujts' co'tantic ta swenta te Cristo Jesuse; ma ba ja' ya smuc'ulin co'tantic te bila ya yich' pasel ta jbaq'uetaltique.

Romanos 3:30

Melel jun nax te Diose. Ja' ya x'ac'awan ta libre yu'un mulil ta swenta xch'uunjel-o'tanil, chican teme yich'ojic circuncisión o teme ma ba yich'ojique.

Josué 5:2

Ja' yorail a te jich albot yu'un Cajwaltic te Josué: —Pasa cuchilloetic ta ton, swenta yu'un ya me xcha'jajch'ex xan ta spasel te circuncisión ta stojol te israeletique —xi'.

Génesis 17:11

Ja' me ya ajoybey loq'uel ta bojel snujc'ulel sjol te abaq'uetale, ja' me te circuncisión sbiile. Ja' seña ya xc'ot te trato albil cu'un ta atojolic.

Efesios 2:11

Jich yu'un juluc me ta awo'tanic te bit'il ayex ta neelal toe. Melel jyanlumex ta swenta nax te abaq'uetalique, ja' abiilinejic te ma ba awich'oj circuncisión yu'un te mach'atic yich'ojic circuncisión ta sbaq'uetalic te pasbil ta c'abale.

Gálatas 6:12

Spisil te mach'atic ya sc'anic te ya x'ich'ot ta muc' ta swenta sbaq'uetalic, ja' ya sujex ta yich'el te circuncisione, swenta yu'un ma'yuquic ta controinel yu'un te bit'il xch'uunejic te laj ta cruz te Cristoe.

Deuteronomio 30:6

Ya me yac'beyex ta awo'tanic smarcail te trato, soc nix te patil alnich'anetic awu'unique, swenta yu'un c'ux me ya awaiyic ta spisil awo'tanic soc ta spisil ach'ulelic. Jich me ya awich' acuxlejalic a.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Romanos 3:28

Ja' yu'un, jich me ya xc'ot ta loq'uel in to: Te ants-winique, ja' libre ya xc'ot yu'un smul ta swenta te xch'uunjel yo'tane, ma ja'uc ta swenta xch'uunel soc spasel te mandalile.

Romanos 3:25

Dios la yac' te ja' la jelolintic ta stojel jmultic te Cristo Jesuse, teme ya jch'uuntic te la smal xch'ich'el cu'untique. Jich chicnaj te stojil chajbanel yu'un te Diose, manchuc me ma la sna'bey smulic te ants-winiquetique soc la sts'icbey te smulic ta neelal toe.

Romanos 2:28

Chican ta jamal te ma ja'uc mero judio-winic te mach'a judio-winic ta ilele, soc ma ja'uc mero circuncisión te mach'a yich'oj nax ta sbaq'uetale.

San Juan 7:22

Te Moisés la spasex ta mandal te ya awac'bey yich'ic circuncisión te aquerem-nich'anique. (Manchuc teme ma ja'uc jajch' ta pasel ta swenta te Moisese; melel ja' jajch' ta pasel yu'un te namey q'uinal tatiletique.) Jich ya awac'beyic yich' circuncisión ta sc'aalelal cux-o'tan te anich'ane.

Jeremías 4:4

Ants-winiquetic ta Judá soc Jerusalén, ac'a abaic ta yich'el circuncisión soc na'bonic jba te Awajwalonique, ac'a ta awo'tanic te smarcail te tratoe. Ma me ta scajuc amen awat'elic te tey ya xtil jajch'el jichuc c'ajc' te quilimbae, ya me xtil te ma'yuc mach'a ya xju' yu'un stubele.

Josué 5:4

La sbojbey loq'uel snujc'ulel sjol sbaq'uetalic, melel spisil te winiquetic te staojix lec ya'wilalic a, te loq'uic tel ta Egipto, lajiquix jilel ta be stuquelic ta bay muc'ul jochol taquin q'uinal.

Deuteronomio 10:16

“Ac'a ta awo'tanic te smarcail te trato, ma me ja'uc nax chican awo'tanic te bila ya apasic baele.

Éxodo 12:48

Ja'uc me to, teme ay jyanlum winic nainem ta awolilique, teme ya sc'an spas te q'uin Pascua, te yu'un ya yich' ta muc' a te Cajwaltique, neel xawac'bey yich' circuncisión spisil winiquetic ta sna, jich me jun yo'tan ya xju' ya spas te q'uine, jich bit'il te mach'a mero israel-winique. Teme ma yich'ojuc circuncisión, ma me ayuc jich nax ya sti' te chambalame.

Éxodo 4:25

Jich yu'un te Séfora, ja' te yiname, la stsac tel ch'in ton ta ora te buen ay ye. La sbojbey loq'uel snujc'ulel sbaq'uetal a te yale. Te snujc'ulel sbaq'uetale la yac'bey ta yacan Moisés. Jich la yal: —Ta ora to ya calbat te ja'at, jmamlalat ta swenta ch'ich' —xi'.

Génesis 34:15

Pero ya xju' ya jc'uxtayticat teme ya ach'uunbotic te bila ya caltique: te jayeb winiquexe ya me awich'ic circuncisión.

Génesis 17:23

Jich yu'un te Abraham la yic' tel yac'bey circuncisión te snich'ane, ja' te Ismael, soc la yac'bey circuncisión spisil mach'a ayinemic ta sna soc spisil mach'a smanoj ta staq'uin. Spisil winiquetic te ay ta abatinel yu'un te Abraham, la yac'bey circuncisión ta ora nax, jich bit'il pasot ta mandal yu'un te Diose.

Génesis 17:27

Ja' nix jich spisil te winiquetic ta sna, ja' spisil te abatetic te ayinemic ta sna, soc spisil te abatetic smanoj ta staq'uin, pajal la yac'bey circuncisión.

Génesis 21:4

Swaxaquebal c'aal yayinel a te Isaac te la yac'bey circuncisión te Abraham, jich bit'il albot mandal yu'un te Diose.

Génesis 34:22

Ja'uc me to, ja' to ya xch'uunic te jun ya xc'ootic soc teme ya quich'tic circuncisión jo'otic te jayeb winicotique, jich bit'il yich'ojic circuncisión stuquelic.