Génesis 16:3 - Bible in Tzeltal de Oxchuc y Tenejapa

³ Jich yu'un te Sarai la yic' tel te Agar, te scriada ja' te egipcia-antse, la yac'bey yinamin te Abram, ja' te smamlale. C'axix lajuneb ja'wil a te bit'il nainem ta sq'uinal Canaán te Abrame.

Bible in Tzeltal Bachajón

³ Ha yu'un te Sarai, te yihnam Abram, la yic' tal te Agar, te scriada egipcia-ants, la ya'be yic' te Abram te smamalale.

Génesis 16:3 Referans Kwoze

Génesis 16:5

Jich yu'un te Sarai la yalbey te Abram: —Ja'at me ta awenta te bit'il ay jwocol. La cac'bat ajoin ta wayel te jcriada; ja'uc me to, te bit'il yic'ojix yal, ma'yuc jc'oplal ta yo'tan. Dios me ya yac' ta na'el stojol mach'a smul, teme ja'ate, o teme jo'one —xi'.

Gálatas 4:25

Melel te Agare ja' pajal soc te wits Sinaí te ay ta bay sq'uinal Arabia. Ja' sc'oplalic uuc te muc'ul lum Jerusalén, te ayic ta mosoile.

1 Reyes 11:3

Ay jo'lajunwinic xcha'bajc' (700) ta jtul te mero la yinamine, soc jo'lajunwinic (300) ta jtul yantic antsetic yu'un. Te antsetic yantesbot yo'tan yu'un te Salomón.

2 Samuel 5:13

Te c'alal c'ot ta Jerusalén te David te jajch' ta Hebrón, c'o sle xan yantic yinam soc yantic antsetic yu'un tey a. Ja'ic te antsetic te la yac' xan yal-snich'an soc, ay queremetic soc ach'ixetic.

Génesis 35:22

Jalaj ta nainel tey a te Israele. Jich yorail bajt' Rubén ta wayel soc te ants yic'oj yinamin stat, te Bilhá sbiile. La yaiy stojol te Israel, jich bayal ilin yu'un. Ay lajchayeb snich'nab te Jacob.

Génesis 32:22

Ta ajc'ubal jajch' te Jacob, la yac' c'axuc bael ta muc'ja' xchebal te yinam, soc xchebal te scriada, soc te buluchtul snich'nab, ta bay jay te ja'e.

Génesis 30:9

Te Lea la sna' te bit'il comen ta alajele, jich yu'un la yic' tel te scriada te Zilpa sbiile, la yac'bey yinamin te Jacob.

Génesis 30:4

Jich te Raquel la yac'bey yinamin te scriada, ja' te Bilhá.

Génesis 28:9

Jich yu'un te Esaú loc' bael, ba sc'opon te Ismael te snich'an Abraham. La yic'bey yinamin te yantsil-nich'ane, ja' te Mahalat sbiil, te yijts'in Nebaiot, soc yic'oj nix te yantic antsetique.

Génesis 25:6

Yan te yalatac te yan antsetic la yic' yinamin te Abraham, ja' nax la yac'bey smajt'anic stuquelic, jich la sticun bael ta stojol sloq'uib c'aal te c'alal cuxul to a. Ma la yac' sjoin sba soc Isaac te yantic snich'nabe.

Génesis 16:4

Jich la sjoin ta wayel te Agar, la yic' yal. C'alal la sna' stojol te bit'il yic'ojix yal, la stoy sba ta stojol te Sarai.

Génesis 16:16

Ay waqueb yo'winic (86) ya'wilal a te Abram c'alal ayin yal te Agar, te Ismael sbiile.

Génesis 21:21

Tey nain a ta jochol taquin q'uinal ta Parán. Te Agar la slebey yinam ta Egipto te yale.