Génesis 16:2 - Bible in Tzeltal de Oxchuc y Tenejapa

² Jich yu'un te Sarai la yalbey te Abram: —Awiloj bit'il Dios ma xyac' te ya x'alajon. Jich yu'un wocoluc, joina ta wayel te jcriada, jich wan ay calatac ya jta ta swenta —xi'. Jich te Abram la xch'uunbey sc'op te Sarai.

Bible in Tzeltal Bachajón

² Ha yu'un te Sarai la yalbe te Abram: Awiloj te Jehová ma xyac' alajucon; ha yu'un awocoluc taha aba soc te jcriada, hich wan ay calatac ya jta ta scuenta, xchi. Te Abram la yich'be ta cuenta te sc'op te Sarai.

Génesis 16:2 Referans Kwoze

Éxodo 21:4

Yan teme ac'bot yinam yu'un te yajwale, te alaletic ya x'ayin yu'unique, ya me xjil soc sme' ta sna te yajwale, te abate stuquel me ya xbajt'.

Génesis 18:10

Albot yu'un te jtule: —Jamal ya calbat, ya to me xcha'talon xan quilat ta yan ja'wil. Ja' me yorail te ya x'alaj te Sara, ja' te awiname —xi'. Te Sara ay ta bay sti' nailpac' ta spatic, jich la yaiy stojol te bi la yich' alele.

Génesis 3:17

Yan te winique, jich albot yu'un te Cajwaltique: —Te bit'il la ach'uunbey sc'op te awinam te la alo'bey sit te te' te la calbate: “Ma me xalo'bey sit”, te la cutate, bolob me sc'oplal te lumq'uinal ta awenta, ay awocol ya xwe'at te jayeb c'aal ya xc'axat ta q'uinale.

Salmos 127:3

Te cal-jnich'antic ya x'ayinic, ja' jc'ulejaltic te ya yac'botic te Cajwaltique.

Rut 4:11

Te mamaletic soc spisil te mach'atic tey ayic a, la sjaq'uic: —Melel nix a, jo'otic testigootic awu'un. Te ants te ya x'och ta ana, jichuc me c'otuc yu'un Cajwaltic te bit'il Raquel soc Lea, te ja'ic jts'umbalinejtic jpisiltic jo'otic te israelotique. Ayuc me awip ta Efrata, muc'uc me ac'oplal ta Belén.

Génesis 30:22

Yan te Raquel na'ot yu'un uuc te Diose, aiybot sc'op yu'un, jich ac'bot yic' yal.

Génesis 25:21

Te Rebeca ma x'alaj, ja' yu'un te Isaac la sc'oponbey Dios te yiname. Tsacbot sc'op yu'un te Diose, jich la yic' yal te Rebeca.

Génesis 20:18

Melel te Cajwaltic ma la yac' alajuc te antsetic te ayic ta sna Abimelec ta scaj Sara te yinam Abraham.

Génesis 17:16

Ya me cac'bey bendición, soc ay me awal-anich'an ya xc'oat soc. Melel me xcal, ya me cac'bey bendición. Sme' bayal ta jchajp nacionetic ya xc'ot, ya xchicnaj ta swenta bayal ta jtul ajwaliletic —xi' sc'oplal.

Génesis 3:12

La sjac' te winique: —Ja' la yac'bon jlo' te ants te la awac'bon joine, jich la jlo'bey sit —xi'.

Génesis 30:6

Jich yu'un te Raquel la yal: “Te quereme, Dan ya xc'ot te sbiile, yu'un la yaiybonix jc'op te Diose. Melel la yilbon te jwocole, la spasbon te bila stojil ta jtojole. Jich la yac'bonix jtul jquerem-al”, xi'.

Génesis 19:31

Te wixile la yalbey te yijts'ine: —Mamalix te jtatique, soc ma'yuc winiquetic ta sjoylejal te ya xju' ya xnujbinotic soc, jich bit'il stalel spisil te ants-winiquetic ta balumilale.

Génesis 11:30

Ja'uc me to, ma x'alaj te Sarai, ma'yuc jtuluc yal.