Génesis 16:10 - Bible in Tzeltal de Oxchuc y Tenejapa

¹⁰ Te ch'ul abat yu'un te Cajwaltic jich la yalbey xan: —Ya me quesmantesbat ats'umbal ta patil, tsobol ya xc'ot, ma xju' ta ajtayel.

Bible in Tzeltal Bachajón

¹⁰ Hich halbot xan yu'un te ch'ul a'bat yu'un Jehová: Hich ya jp'ohltesbat ats'umbal te ma xhu' ta ahtayel yu'un yipal, xchi.

Génesis 16:10 Referans Kwoze

Génesis 17:20

Ja'uc me to, jich me ay sc'oplal cu'un stuquel te Ismael: Ya me cac'bey bendición uuc: ya me x'esmaj bayal. Te lajchaytul snich'nabe ajwaliletic ya xc'otic, buen muc'ul lum ya xc'ot cu'un.

Génesis 21:18

Jajch'an, ic'a jajch'el te quereme, tulan me x'atsacbey sc'ab, yu'un muc'ul lum ya xc'ot cu'un te sts'umbale —xi' sc'oplal yu'un.

Génesis 21:13

Te yal te acriadae, muc'ul lum ya xc'ot uuc, te melel ja'at nix anich'an —xi' sc'oplal yu'un te Diose.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Jueces 6:16

Te Cajwaltic la sjac': —Ya xju' awu'un spasel, melel ya joinat. Ya me atsal te madianetic, jich nax me ya xc'ot ta awo'tan te bit'il jtul nax winic —xi' sc'oplal.

Jueces 6:11

Ta patil te ch'ul abat yu'un Cajwaltic, la snajc'an sba ta yet'al jijte' te ay ta lum Ofra, te ay ta swenta Joás, ja' te sts'umbal Abiezer. Gedeón te snich'an Joás yac ta yic'uyel ta muquen te strigo ta yawil bay ya yich' pits'el ta teq'uel te ts'usube, swenta yu'un ma me xyilic te madianetique.

Génesis 21:16

Q'uejel ba snajc'an sba stuquel, yu'un jich la yal ta yo'tan: “Ma jc'an quilbey swocol ya xlaj te quereme”, xi'. Tey nacal a, jajch' ta oq'uel te quereme.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Génesis 13:16

Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Génesis 16:9

Albot yu'un te ch'ul abat yu'un te Cajwaltique: —Sujt'an bael ta stojol awajwal, ch'uuna mandal ta stojol —la yut.