Génesis 15:8 - Bible in Tzeltal de Oxchuc y Tenejapa

⁸ La yal te Abrame: —Cajwal Dios ¿bit'il ya jna' stojol teme jo'on ya jq'uinalin te q'uinale? —xi'.

Bible in Tzeltal Bachajón

⁸ Hich la sjac' te Abram: Cajwal Jehová ¿bin ut'il ya jna' teme ya quich' te q'uinale? xchi.

Génesis 15:8 Referans Kwoze

San Lucas 1:18

Te Zacarías la yalbey te ch'ul abate: —¿Bit'il ya jna' stojol in to? Melel mamalonix soc me'elix te quiname —la yut.

San Lucas 1:34

Te María jich la yalbey te ch'ul abate: —¿Bit'il ay a te jich ya awalbone? Melel ma to ayuc jmamlal —xi'.

Isaías 7:11

—C'anbeya te Cajwaltic te Dios cu'untique, ac'a spas jchajp at'elil ta swenta señail ta atojol, chican teme alan ta mero yet'al balumilal, o ja' to ta mero toyol —xi'.

2 Reyes 20:8

Te Ezequías la sjojc'obey te Isaías: —¿Bi señail ya xju' ya yac'bon jna' te ya xch'aybon te jchamele, soc te li' ta oxeb c'aal ya xju' ya xboonix ta templo yu'un Cajwaltic a? —xi'.

Salmos 86:17

Ac'bon quil prueba te yutsil awo'tan ta jtojole, swenta yu'un ya me xq'uexawic te c'alal ya yilic te mach'atic xut'et slab yo'tanic cu'une. Ja'at Cajwal, ya awac'bon jcoltayel, soc ya awac'bon smuc'ul co'tan.

Génesis 15:9

Te Diose jich la yalbey: —Tsabon tel chambalametic te ox'oxeb ya'wilalique: jcojt' me' wacax, jcojt' tentsun soc jcojt' tat chij, soc lebon tel jcojt' puliwoc soc jcojt' stsumut te alal toe —xi' sc'oplal yu'un.

Génesis 28:4

Ac'a yac'bat soc jayeb ats'umbal te bendición la yalbey te Abraham, swenta yu'un jich me ya aq'uinalin te q'uinal ta bay nainemat te jich c'oemat te bit'il jyanlum li'to, melel la yal Dios te ya yac'bey te amam Abraham —xi'.

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

Jeremías 34:18

Te jtsobwanejetic yu'un Judá soc ta Jerusalén, soc te mach'atic abatetic ta palacio, soc te sacerdoteetic soc spisil te yantic winiquetic te la xchap sc'opic ta jtojole, ja' bi, olil la sjawic ta bojel te alal wacaxe, c'axic ta yolilal ta xcha'jawal. Ja'uc me to, la xc'axintayic te bila xchapojique, jich ma c'ot ta pasel yu'unic.