Génesis 15:6 - Bible in Tzeltal de Oxchuc y Tenejapa

⁶ Jich te Abram la xch'uun yo'tan te bila albot yu'un te Cajwaltique, jich bit'il toj yo'tan ilot yu'un Dios te Abrame.

Bible in Tzeltal Bachajón

⁶ Te Abram la sch'uhun te Jehová, ha ac'ot ta cuenta yu'un te toj ay.

Génesis 15:6 Referans Kwoze

Santiago 2:23

Jich c'ot ta pasel te bila ts'ibubil jilel ta Sjun te Diose: “Te Abrahame la xch'uun te Diose, jich toj a c'ot ta stojol Dios yu'un”, te xie. Soc jich c'ot sc'oplal te Abrahame te ja' mero sjoy sba soc te Diose.

Romanos 4:9

¿Ja' bal bin nax yutsilic te mach'atic yich'ojic te circuncisione? ¿Ma bal jichuc uuc te mach'atic ma ba yich'ojic te circuncisione? Yu'un la caltiquix te ja' toj ilot yu'un Dios te Abraham ta swenta nax te xch'uunjel yo'tane.

Hebreos 11:8

Ta swenta xch'uunjel yo'tan te Abrahame, la xch'uunbey smandal Dios te c'alal la yich' iq'uel yu'une. Jich loc' tel ta slumal, bajt' ta banti q'uinal te ya x'ac'bot yu'unin yu'un te Diose. Ja'uc me to, ma ba sna'oj stojol te banti ya xc'ot te c'alal jajch' loq'uel ta slumale.

Salmos 106:31

Te Dios la yich'bey ta wenta ta cajalcaj bael ta spisil ora te bila toj la spase.

Romanos 4:11

La yich' te circuncisión ta swenta seña soc ja' sello yu'un te bit'il toj ilotix yu'un Dios ta swenta nax xch'uunjel yo'tan, te c'alal ma to ba yich'oj a te circuncisione. Ja' swentail te ja' tatil yu'un spisil te mach'atic xch'uunejic Dios te ma ba yich'ojic circuncisione. Jich yu'un te mach'atic ya yac' xch'uunjel yo'tanique, toj ya x'ilotic yu'un te Diose.

2 Corintios 5:19

Ja' bi, ja' te Dios ya yac' te ya xjunaj yo'tan sbaic soc te mach'atic ayic ta balumilal ta swenta Cristo. Ma ba ya sna'bey smulic te ants-winiquetique. Soc ja' yac'ojbotiquix cat'eltic ta xcholel te bit'il ya xjunaj yo'tan sbaic soque.

Nehemías 9:8

La awil te ja'at smuc'ulinejat yo'tane, la achap ac'op soc, la awalbey te ya awac'bey sq'uinalin te sts'umbal te slum-sq'uinal cananeoetic, hititaetic, amorreoetic, ferezeoetic, jebuseoetic, soc te gergeseoetique. La awac' c'otuc ta pasel te bila la awale, melel puersa ya awac' c'otuc ta pasel te bila ya awale.