Génesis 15:18 - Bible in Tzeltal de Oxchuc y Tenejapa18 Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates, Gade chapit laBible in Tzeltal Bachajón18 Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates; Gade chapit la |
Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.
La awil te ja'at smuc'ulinejat yo'tane, la achap ac'op soc, la awalbey te ya awac'bey sq'uinalin te sts'umbal te slum-sq'uinal cananeoetic, hititaetic, amorreoetic, ferezeoetic, jebuseoetic, soc te gergeseoetique. La awac' c'otuc ta pasel te bila la awale, melel puersa ya awac' c'otuc ta pasel te bila ya awale.
“Te Cajwaltic te Dios awu'unique ya me yiq'uex ochel ta lumq'uinal te ya yac'beyex awu'uninique. Ya xch'ojbeyex loq'uel ta asitic jucpam nacionetic te mero muq'uic soc te bayal yipique, te c'axem jich yipic a te bit'il ja'exe. Ja'ic te hititaetic, gergeseoetic, amorreoetic, cananeoetic, ferezeoetic, heveoetic soc te jebuseoetique.
Na'a me te abatetic awu'un, ja' te Abraham, Isaac soc Israel. Te melel ja'at nix jamal la awalbey ta stojolic: “Ya cac' esmajuc ta lec te ats'umbale, jich me ya xc'ot te bit'il eq'uetic ta ch'ulchan”, te xaate. Soc la awal xan: “Spisil te q'uinal calojbeyex, ya me cac'beyex, awu'unic me sbajt'el q'uinal”, melel xaat —xi' te Moisés.
Teme spisil ora ya apasic bael te bila ya yal te mandaliletic ya cac'beyex ta ora in to, ja' te c'ux ta awo'tanic te Cajwaltic te Dios cu'untique, soc te spisil ora ya at'unic te be yu'une, te Cajwaltic te Dios cu'untique, te ya yac'beyex spisil te q'uinale jich te bit'il la yalbey te antiguo ats'umbalique, ya me smuc'tesbeyex te aq'uinalique. Jich me ora ya aleic xan oxeb lumetic yu'un anjibaletic.
Melel ma ba ya xch'ay cu'un, ya me jna' te bila trato la jchap soc te antiguo ame'-atatique, te ja' la jchap soc te c'alal la quic' loq'uel tel ta Egipto ta comonsitil ta stojol te nacionetique, swenta yu'un jo'on Dioson yu'unic ya xc'oon. Jo'on te Ajwalilone.” Jich me ya xc'o awal ta stojolic —xi' te Cajwaltique.