Génesis 15:17 - Bible in Tzeltal de Oxchuc y Tenejapa

¹⁷ Malix c'aal, ijc'ubix q'uinal a, la yil chicnaj yawil c'ajc' te ay xch'ailel, soc ay yan yac ta tilel tey a, c'axic ta yolil te chambalametic te jatbilic ta bojele.

Bible in Tzeltal Bachajón

¹⁷ Mahlix c'ahc'al, ihc'ubix q'uinal a, chicnaj tut yawil c'ahc' te yac ta loq'uel sch'ahilel, soc tuxul c'ahc', c'axic ta yohlil te chambahlametic te jaticlambil ta ohlil.

Génesis 15:17 Referans Kwoze

Jueces 6:21

te ch'ul abat la stij ta sni' sbastón te ti'bal soc te pane, jich loc' tel c'ajc' ta ton, laj ta c'ajq'uel te ti'bal soc te pane. Ora ch'ay ta sit te ch'ul abat yu'un te Cajwaltique.

Jeremías 11:4

Ja' te trato la jpas ta stojol te antiguo ame'-atatic c'alal la jloq'ues tel ta Egipto, ja' te nación te jich c'oem ta stojolic te bit'il horno yu'un te jten-taq'uine. La calbey: “Ch'uunbonic jc'op, pasaic spisil te bila mandal ya cal, ja'ex me lumex cu'un soc jo'on Dioson awu'unic.

1 Crónicas 21:26

Tey la spas a te scajtijib smajt'an te Cajwaltic, soc la yac'bey te chic'bil smajt'ane, soc te milbil smajt'an ta swenta seña te lamal-o'tanil. La sc'opon te Cajwaltic, aiybot sc'op yu'un, soc la sticun tel c'ajc' c'alal ta ch'ulchan, tey jul ta sba te scajtijib majt'anil te scojt'ol ya xc'ajq'ue.

Isaías 62:1

Ta scaj xc'uxul co'tan awu'un, Sión, ma ba ya xch'abon ta c'op; ta scaj xc'uxul co'tan awu'un, Jerusalén, ma ba ya jcux co'tan ja' to me c'alal ya xojobaj awu'un te tsalawe, jich bit'il ya sacub tel te q'uinale, soc yac ta tilel jichuc tuchbil c'ajc' te acolele.

2 Samuel 22:9

Loc' tel ch'ail ta sni', soc loc' tel c'ajc' ta ye swenta lajinwanej; xbuquet nax ta loq'uel tsajal ac'al ta ye.

Jueces 13:20

C'alal til moel c'ajc' ta scajtijib majt'anil, te Manoa soc te yinam la yilic te ch'ul abat yu'un Cajwaltic, mo bael ta ch'ulchan ta yolil te c'ajc' xpulpon nax ta tilele. Jich la stinan sbaic coel c'alal ta lum.

Deuteronomio 4:20

Te ja'exe la stsobex loq'uel tel ta Egipto te Cajwaltique, ta yutil horno yu'un yultesel taq'uin c'oem. Jich la yaq'uex te bit'il ayex ta ora in to: Ja'ex lumex yu'un stuquel.

Génesis 15:10

Jich la yic' tel spisil te bila albot yu'une. La sjat ta bojel. Te juju-jat juju-jchol la yac', jamal la yac' jilel te olilal. Yan te mutetique ma la sjat ta bojel stuquel.

Éxodo 19:18

Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

1 Reyes 18:38

Ta ora nax la yac' coel tel c'ajc' te Cajwaltic, la xchic' ta scojt'ol te milbil majt'anile, soc te si', soc nix te tonetic, te ts'ubil lum, soc la slajin te ja' ay ta sjoyobale.

Éxodo 20:18

Te israeletic la yaiyic t'om chawuquetic soc la yilic tsantsewaletic, la yaiyic stojol c'opoj xulubiletic, soc te bit'il potsot ta ch'ail te witse, xiw yo'tanic yu'un, q'uejel to la yac' sbaic.