Génesis 15:13 - Bible in Tzeltal de Oxchuc y Tenejapa

¹³ Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.

Bible in Tzeltal Bachajón

¹³ Hich te Jehová la yalbe te Abram: Na'a me te ya xnahin ats'umbal ta yan q'uinal, ya x'ochic ta mosohil tey a, jbahc' (400) ha'bil ya x'uts'inotic.

Génesis 15:13 Referans Kwoze

Éxodo 1:11

Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.

Hechos 7:17

“Te c'alal nopol yorail ya xc'ot ta pasel te bila jamal yaloj Dios ta stojol te Abrahame, te lume muc'ub soc esmajic ta sq'uinal Egipto.

Gálatas 3:17

Ja' ya cal in to: Te Dios la spas trato soc te Abrahame, ja' swentail te ma teyuc laj sc'oplal a te bit'il lajuneb xcha'winic xcha'bajc' (430) ja'wil ta patil, chicnaj te mandalile. Melel te mandalil te patil chicnaje, ma ja'uc la slajinbey sc'oplal te bila la yal Dios ta stojol te Abrahame.

Levítico 19:34

Jichuc me ta awo'tanic te bit'il ja'exe, c'ux me x'awaiy ta awo'tanic, melel ja' nix jich jyanlum ayex ta Egipto. Jo'on Ajwalilon, Dioson awu'unic.

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Deuteronomio 10:19

Ja' yu'un te ja'exe c'uxtayaic me te jyanlumetique, na'aic me te ja' nix jich jyanlumex c'axex ta Egipto.

Éxodo 23:9

“Ma me xawuts'inic te jyanlume, melel ayix ta awo'tanic te bi yaiyel ainel ta yan lumq'uinal, yu'un jich nix me jyanlum c'oex ta Egipto.

Éxodo 22:21

“Te jyanlum te nainem ta awolilic, ma me xawuts'inic, soc ma me xawaq'uic ta woclajel, melel jich nix me jyanlum c'oex ta Egipto.

Génesis 15:16

Ta xchancajal ats'umbal ya xcha'talic xan li'to, yu'un ma to sts'acaj jayeb smul te amorreoetique —xi' sc'oplal yu'un.

Génesis 47:4

Ja' talemotic yu'un te bit'il ya jc'antic xnainotic ta aq'uinal, yu'un bayal wi'nal ta sq'uinal Canaán soc ma'yuc swe'el te jchijtique. Jich yu'un ya caltic bayal wocol ta atojol te yacuc awac'botic permiso te ya xnainotic ta Gosén —xiic ta stojol faraón.

Éxodo 1:13

Te israeletic ochic ta woclajel ta tulan at'el yu'un te egipcioetique.

Éxodo 2:24

Te Dios la yaiybey te sc'opique, jich la sna' xan te ay trato spasoj soc Abraham, Isaac soc Jacob.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Éxodo 3:10

Jich yu'un ya me xbeenat te ja'ate, ya me jticunat bael ta stojol te faraón, ya me aloq'uesbon tel ta Egipto te lum cu'un, ja' te alumal Israele —xi' te Diose.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Deuteronomio 5:15

Na'a me te ja' nix jich c'axat ta mozoil ta Egipto, te tey la jloq'uesat tel a te Ajwalilon te Dioson awu'un ta swenta smuc'ul yip cu'el. Ja' yu'un te Ajwalilon te Dioson awu'une ya jpasat ta mandal te ya acanantay te sc'aalelal cux-o'tane.

Salmos 105:42

Melel tal ta yo'tan te xch'ul-c'op jc'axel yaloj soc te yabate, ja' te Abraham.

Éxodo 1:14

La yac'beyic swocol ta tulan at'el ta swots'el ajch'al ta spasel adobe, soc spasel spisil at'el ta q'uinal. Spisil te israeletic bayal xc'uxul la yaiyic te bitic pasbotique.

Números 20:15

Te antiguo me'il-tatil cu'untic bajt'ic ta Egipto, tey nainic bayal ja'wil. Ja'uc me to, te egipcioetic la yuts'inotic soc jich nix la spasbeyic te antiguo me'il-tatiletic cu'untique.