Génesis 14:22 - Bible in Tzeltal de Oxchuc y Tenejapa

²² Te Abram la sujt'esbey sc'op te muc' ajwalil yu'un Sodoma: —Jc'axel la calix ta stojol Dios te toyol ay stuquele, te la spas te ch'ulchan balumilal,

Bible in Tzeltal Bachajón

²² Pero te Abram la sjac'be sc'op te ajwalil yu'un Sodoma: Jc'axel calojix ta jamal ta stojol Jehová te Dios te mero toyol ay, te la spas te ch'ulchan soc te bahlumilal,

Génesis 14:22 Referans Kwoze

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Daniel 4:34

La yal xan te Nabucodonosore: “C'alal ts'acaj te castigo ta jtojole, jo'on te Nabucodonosor la quil moel te ch'ulchane. Te c'alal la quil moele, la caiy te lecubon te bit'il boloben te jole. Jich la calbey yutsil sc'oplal te Dios mero toyole, jich la calbey ta xch'ul-tojol te Mach'a cuxul ta swenta sbajt'el q'uinale: ‘Sbajt'el q'uinal ay yip te yu'ele; sbajt'el q'uinal ay ta ajwalinel yu'un spisil ta cajalcaj mach'atic ya xc'axic ta q'uinal.

Salmos 83:18

Ac'a sna'ic te ja'at nax Ajwalilat, te ja'at nax te mero Toyolat, te atuquel ay ta awenta spamal te q'uinale.

Salmos 24:1

Te Cajwaltic ja' yu'un ta spamal te balumilale, ta spisil te bitic ay soc ta spisil te bitic cuxajtique.

Jueces 11:35

Jich yu'un te c'alal la yile, la xch'i' sc'u' yu'un mel-o'tan, jich la yal: —¡Ay, cantsil-nich'an, mero ya x'oc' co'tan awu'un! Ja'at ta awenta te bayalix ayon ta mel-o'tan awu'un. Yu'un ay bi la jchap ta stojol Cajwaltic, jich yu'un ya me xc'ot ta pasel cu'un yo'tic —la yut.

Deuteronomio 32:40

Ya jtoy moel jc'ab ta ch'ulchan, jc'axel ya cal: Jtalel ayon sbajt'el q'uinal.

Éxodo 6:8

Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.

Hageo 2:8

—Jo'on cu'un te oro, soc jo'on cu'un te plata.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

Génesis 21:33

Te Abraham la sts'un jpejt' tamarisco-te' ta Beerseba, tey la sc'opon a te Cajwaltic Dios te stalel cuxul sbajt'el q'uinale.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 14:21

Te Abram albot yu'un te muc' ajwalil yu'un Sodoma: —Ac'bon te ants-winiquetic, ja'at ya awich' te biluque —xi' sc'oplal te Abram.

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

2 Reyes 5:16

Pero jich albot yu'un te Eliseo: —Jc'axel ya cal ta jamal ta stojol te Cajwal te ya yilone, te ma ba ya jtsaque —xi'. Manchuc me la yac' puersa te Naamán, pero ma ba la sc'an te Eliseo.

Salmos 144:8

Ja'ic te mach'atic ya yalic lot; ja'ic te ya sjach swa'el sc'abic ta yalel ta lot te jc'axel mero melel ta sc'opic te bila ma meleluque.

Salmos 144:11

Ac'awon ta libre, ma me xyu'uninon te jyanlumetic. Ja'ic te mach'atic ya yalic lot, ja'ic te ya stoy swa'el sc'abic ta yalel ta lot te jc'axel mero melel ta sc'opic te bila ma meleluque.

Deuteronomio 10:14

Na'aic me te ja' yu'un te Cajwaltic Dios te ch'ulchan soc te mero stoyolile, te lumq'uinal soc spisil te bitic ay tey a.

2 Samuel 2:5

jich la sticun ta alel: “Ac'a yac'beyex bendición te Cajwaltic te la ac'uxtayic te Saúl te ajwalil cu'untic te bit'il la amuquique.

1 Crónicas 29:11

Cajwal, awu'un atuquel te ich'el ta muc', te awu'el, te xojobil awutsilal; atuquel ya xmandalajat soc atuquel ay awat'el. Melel spisil bitic ay ta ch'ulchan soc te bitic ay ta balumilal, ja'at awu'un. Atuquel ay awat'el ta mandalteswanej, cajalat yu'un spisil, Cajwal.