Génesis 14:2 - Bible in Tzeltal de Oxchuc y Tenejapa

² Te chaneb muc' ajwaliletic la yac'beyic guerra te jo'eb muc' ajwaliletic, ja' te muc' ajwalil yu'un te lum Sodoma te Bera sbiil, soc te muc' ajwalil yu'un te lum Gomorra te Birsa sbiile, soc Sinab te muc' ajwalil yu'un lum Adma, soc Semeber te muc' ajwalil yu'un lum Zeboim soc te muc' ajwalil yu'un lum Bela, ja' te Zoar yan sbiile.

Bible in Tzeltal Bachajón

² la ya'beyic guerra te Bera ajwalil yu'un Sodoma, te Birsa ajwalil yu'un Gomorra, te Sinab ajwalil yu'un Adma, te Semeber ajwalil yu'un Zeboim, soc te ajwalil yu'un Bela, ha te Zoar.

Génesis 14:2 Referans Kwoze

Génesis 13:10

Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Deuteronomio 29:23

Ya me yilic ta spisil te lumq'uinale, ja' nax ya xchicnaj azufre, ats'am soc c'ajq'uem lum. Ma me ayuc bila ya xju' ta ts'unel tey a, soc ma'yuc bila ya yac' sit tey a, ni junuc wamal ya xch'i tey a, jich te bit'il ta Sodoma, Gomorra, Adma soc Zeboim, te la slajin te Cajwaltic ta swenta sc'ajc'al yo'tan soc yilimba.

Génesis 10:19

Jich ay te sts'ajc' sjoyobal te cananeoetique: tey jajch' ta Sidón, c'ot ta yelaw sq'uinal Gerar, ta yelaw sq'uinal Gaza, ta stojol ta bay Sodoma soc ta Gomorra, c'ot ta yelaw sq'uinal Adma, c'ot ta yelaw sq'uinal Zeboim, jul ta loq'uel ta yelaw sq'uinal Lasa.

Oseas 11:8

“¿Bit'il c'an quijq'uitayat ta co'tan, Efraín? ¿Bit'il c'an ch'ayucat ta co'tan, Israel? ¿Jich bal c'an jinat te bit'il la jin te lum Adma, jich bal ya jpasbat ta atojol te bit'il la jpasbey te lum Zeboim? Bayal ya xc'opoj co'tan awu'un; ta spisil co'tan ya jna'belat yo'bolil aba.

Isaías 15:5

Co'tan ya jc'anbey coltayel ta swenta Moab; te swinictac ya xloq'uic bael ta anel c'alal ta Zoar, soc c'alal ta Eglat-selisiya. Te bay moel q'uinal yu'un Luhit, ya xmoic bael ta oq'uel; ta sbelal bael Horonaim ya xjajch'ic ta aw yu'un xc'uxul ta stojol te tulan uts'inele.

Nehemías 11:34

Hadid, Seboim, Nebalat,

1 Samuel 13:18

yan bajt' ta Bet-horón, te yoxebale bajt' ta ch'in wits ta suclej yu'un Zeboim ta stojol muc' taquin q'uinal bael.

Deuteronomio 34:3

te Néguev, te ti'ti'ja' bael yu'un te muc'ja' Jordán soc te muc'ul spamlej yu'un Jericó, ja' te lum te banti ay bayal palmaetic, c'alal ta Zoar.

Jeremías 48:34

Te ants-winiquetic ta Hesbón ya x'awunic yu'un xc'uxul te ma'yuquix bi ay yu'unique. Te yawique ja' to ya xc'ot ta Eleale soc Jahaza, soc c'alal ta Zoar ja' to ta Horonaim soc Eglat-selisiya, melel te sloq'uibja'etic yu'un Nimrim taquejiquix.

Génesis 13:12

Te Abram tey jil ta nainel ta sq'uinal Canaán stuquel. Yan te Lot tey c'o nainuc ta lumetic ayic ta spamlej, nopol ay ta lum Sodoma.