Génesis 14:19 - Bible in Tzeltal de Oxchuc y Tenejapa

¹⁹ Te Abram c'anbot bendición, jich albot yu'un: —Ja'at Abram, ac'a yac'bat bendición te Dios te toyol ay stuquele, ja' te mach'a la spas te ch'ulchan balumilal.

Bible in Tzeltal Bachajón

¹⁹ soc la ya'be bendición te Abram, hich la yal: Bayeluc me yutsil sc'oblal te Abram yu'un te Dios te mero toyol ay, ha te mach'a la spas te ch'ulchan soc te bahlumilal:

Génesis 14:19 Referans Kwoze

Génesis 14:22

Te Abram la sujt'esbey sc'op te muc' ajwalil yu'un Sodoma: —Jc'axel la calix ta stojol Dios te toyol ay stuquele, te la spas te ch'ulchan balumilal,

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

Salmos 24:1

Te Cajwaltic ja' yu'un ta spamal te balumilale, ta spisil te bitic ay soc ta spisil te bitic cuxajtique.

Rut 3:10

La yal te Booz: —Ya me yac'bat bendición te Cajwaltique. Ta ora to la awac' ta ilel te jun awo'tan tel ta stojol te anima amamlale, melel ma ja'uc la ale te querem te jc'uleje soc ni ja'uc te me'bae.

Hechos 16:17

Te ach'ixe jajch' sts'aclinotic soc te Pablo. Jich yac ta yalel ta aw: —Ja' in winiquetic to, ja' abatetic yu'un Dios te toyol ay ta ch'ulchane. Ja' ya yalbeyex awaiyic te sbelal te colele —xi' ta aw.

San Lucas 10:21

Jich ora te ay bayal sbujts' yo'tan Jesús ta swenta te Ch'ul Espiritue. Jich la yal: —Jtat, te yajwalat ch'ulchan balumilale, jelawen yutsil awo'tan te ja' la awac'bey sna'ic stojol spisil in to te mach'atic peq'uel ayique te ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinale. Jich, Jtat, melel jich la sc'an awo'tan atuquel —xi'.

Miqueas 6:6

¿Bi ya cut jba te ya jtejc'an jba ta stojol Cajwaltic, te Dios ay ta toyole? ¿Ya bal jtejc'an jba ta stojol soc wacaxetic te jun ja'wil ya'wilale, swenta yu'un ya cac'bey chic'bil smajt'anin?

Salmos 115:16

Te ch'ulchan ja' ay ta swenta te Cajwaltique; te balumilal ja' la yac'bey swentainic te ants-winiquetique.

2 Samuel 2:5

jich la sticun ta alel: “Ac'a yac'beyex bendición te Cajwaltic te la ac'uxtayic te Saúl te ajwalil cu'untic te bit'il la amuquique.

Génesis 49:28

Jich sc'oplalic te lajchaychajp israeletic. Jich ay sc'oplalic yu'un static te c'alal c'anbot bendición ta stojolic yu'une, chican te bila bendición la sc'anbey ta stojol juju-jtul.

Génesis 47:10

C'alal laj yo'tan ta c'op te Jacob la xcha'patbey xan jilel yo'tan te faraón, loc' bael ta stojol.

Génesis 47:7

Te José la yic' tel te state, la stejc'an ta stojol faraón. Jich yu'un te mamal Jacob, la spatbey yo'tan te faraón.

Génesis 27:4

Pasbon me buen bujts'an ti'bal jti', jich nix bit'il ya smulan co'tan. Ich'bon tel jwe'elin, jich me ya jc'anbat jilel bendición te bit'il ma to xlajone —la yut.

San Marcos 10:16

La spet te alaletique. La scajanbey sc'ab ta sjolic, soc la yac'bey bendición ta spisilic.

Salmos 50:10

Melel jo'on cu'un spisil ja'mal chambalametic, soc te wacaxetic ayic ta witstiquile;

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

1 Samuel 15:13

Jich bajt' te Samuel te banti ay Saúl, jich la yal te Saúl: —Ac'a yac'bat bendición te Cajwaltique. C'otix ta pasel cu'un te smandale —xi'.

Deuteronomio 10:14

Na'aic me te ja' yu'un te Cajwaltic Dios te ch'ulchan soc te mero stoyolile, te lumq'uinal soc spisil te bitic ay tey a.

1 Crónicas 29:11

Cajwal, awu'un atuquel te ich'el ta muc', te awu'el, te xojobil awutsilal; atuquel ya xmandalajat soc atuquel ay awat'el. Melel spisil bitic ay ta ch'ulchan soc te bitic ay ta balumilal, ja'at awu'un. Atuquel ay awat'el ta mandalteswanej, cajalat yu'un spisil, Cajwal.

2 Crónicas 31:8

C'alal ba yil te muc' ajwalil Ezequías soc te sjo'tac ta ajwalil te busajtique naxe, la yalbeyic yutsil sc'oplal te Cajwaltic soc te lum Israel yu'une.

Salmos 115:15

Te Cajwaltic te spasoj ch'ulchan balumilal, ac'a yac'beyex bendición ta atojolic.