Génesis 14:18 - Bible in Tzeltal de Oxchuc y Tenejapa

¹⁸ Te muc' ajwalil yu'un Salem, te Melquisedec sbiile, ja' te mach'a yich'oj yat'el ta sacerdoteil yu'un te Dios te toyol ay stuquele, la sloq'ues waj soc vino.

Bible in Tzeltal Bachajón

¹⁸ Ha yu'un te Melquisedec, ajwalil yu'un Salem soc sacerdote yu'un te Dios te mero toyol ay, la yich'be tal pan soc vino,

Génesis 14:18 Referans Kwoze

Hebreos 6:20

Ja' te banti ochemix te Jesuse, swenta yu'un ya sjambotic te sbelale. Jich Muc' Sacerdote c'oemix sbajt'el q'uinal, te ja' la yich'bey yat'el te Melquisedeque.

Salmos 110:4

Te Cajwaltic ay bila yaloj ta jamal, ma xju' ya xcha'sujt'es xan te sc'ope: “Ja'at sacerdoteat swenta sbajt'el q'uinal, te ja' nix pajal sacerdote ayat soc te Melquisedec”, xi'.

Hebreos 5:6

Soc jich la yal yan buelta ta Sjun te Diose: “Te ja'ate sbajt'el q'uinal awich'oj awat'el ta sacerdoteil, ja' te la yich'bey yat'el te Melquisedeque”, te xie.

Hebreos 5:10

Melel Dios ac'bot yich' yat'el yu'un ta Muc' Sacerdoteil te pajal sc'oplal soc te Melquisedeque.

Salmos 76:2

Te templo yu'un ay ta sba wits Sión, ay ta Jerusalén.

Hechos 16:17

Te ach'ixe jajch' sts'aclinotic soc te Pablo. Jich yac ta yalel ta aw: —Ja' in winiquetic to, ja' abatetic yu'un Dios te toyol ay ta ch'ulchane. Ja' ya yalbeyex awaiyic te sbelal te colele —xi' ta aw.

Salmos 57:2

Ya me jc'opon ta tulan te Dios te mero Toyole, ja' te Dios ya scoltayon ta spisile.

Salmos 7:17

Ya me calbey yutsil sc'oplal te Cajwale, melel toj yo'tan stuquel. Ya me jc'ajintaybey sbiil te Cajwale, ja' te Mach'a mero Toyole.

Rut 3:10

La yal te Booz: —Ya me yac'bat bendición te Cajwaltique. Ta ora to la awac' ta ilel te jun awo'tan tel ta stojol te anima amamlale, melel ma ja'uc la ale te querem te jc'uleje soc ni ja'uc te me'bae.

Gálatas 6:10

Jich yu'un, te bay c'alal ya xju' cu'untique, ac'a me jpastic jpisiltic te bila leque. Ja' c'axem to xan ac'a jpastic ta stojol te quermanotactic te pajal ay xch'uunjel co'tantic soque.

Hechos 7:48

Ja'uc me to, te Ch'ul Dios te ay ta ch'ulchane, ban c'an nainuc ta bay templo pasbil ta sc'ab te ants-winiquetique, melel jich la yal te jtul j'alwaneje:

Miqueas 6:6

¿Bi ya cut jba te ya jtejc'an jba ta stojol Cajwaltic, te Dios ay ta toyole? ¿Ya bal jtejc'an jba ta stojol soc wacaxetic te jun ja'wil ya'wilale, swenta yu'un ya cac'bey chic'bil smajt'anin?

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

2 Samuel 2:5

jich la sticun ta alel: “Ac'a yac'beyex bendición te Cajwaltic te la ac'uxtayic te Saúl te ajwalil cu'untic te bit'il la amuquique.

Hebreos 7:1

In te Melquisedeque, ja' namey q'uinal muc' ajwalil yu'un te lum Salem soc sacerdote yu'un te Ch'ul Dios te ay ta ch'ulchane. Te c'alal sujt' tel te Abrahame te xc'otuc stsal jilel ta guerra te muc' ajwaliletique, te Melquisedeque loc' sta ta be te Abrahame. Tey la yac'bey bendición a.

Salmos 104:15

ja' te waj te ya x'ac'bot yip yu'un, soc te vino te ya xbujts'naj yo'tan yu'un, soc te aceite te ya x'ach'ub yelaw yu'un.

Números 18:28

Jich yu'un ta swenta te jun ta slajunebal te ya yaq'uic israeletic, ya me aloq'uesic te apatanic yu'un te Cajwaltic, ya me awac'beyic Aarón.

Números 24:16

yu'un yaiyoj stojol te bila ya yal te Diose, yiloj te bi yilel te mach'a toyol aye, melel ay bila ya x'ac'bot yil yu'un te Dios te Spisil ya xju' yu'une.

Salmos 76:3

Tey la sc'as a te at'ejibaletic yu'un guerra: ja'ic te majq'uilaletic, puñaletic, t'imalte'etic, soc te at'ejibaletic yu'une.

Daniel 4:31

Yac to ta c'op a te muc' ajwalile, chicnaj c'op ta ch'ulchan, te jich la yale: —Muc' ajwalil Nabucodonosor, aiya me awaiy te bila ya cale. Te ja'ate loq'uemix awat'el ta muc' ajwalil.