Génesis 14:15 - Bible in Tzeltal de Oxchuc y Tenejapa

¹⁵ Ta ajc'ubal te Abram soc te swinictac c'o stsac sba soc te muc' ajwaliletique. La yejch'entesic soc la snutsic c'alal ta Hoba te ay ta norte yu'un te lum Damasco.

Bible in Tzeltal Bachajón

¹⁵ Ta ahc'abal te Abram soc te a'batetic yu'un c'oht stsac sbahic soc te ajwaliletic, la snutsic bahel c'alal ta Hoba te ay ta norte yu'un Damasco.

Génesis 14:15 Referans Kwoze

Hechos 9:2

La sc'anbey carta te ya xc'o yac'bey te mach'atic swentainejic te sinagogaetic ta bay lum Damasco, swenta yu'un jich me ya sle te mach'atic xch'uunejic te yach'il nopjibale, chican teme winiquetic o antsetic, te jich me chucul ya yic' tel ta Jerusalén.

Salmos 112:5

Te mach'a lec yo'tan ma'yuc bi ya st'ut'iltay yaq'uel ta majanel, soc toj yo'tan ta xchonel te sp'olmale.

1 Reyes 15:18

Te Asa la stsob spisil te oro soc te plata te ay to ta yawil ta templo yu'un Cajwaltic, soc te ay ta sna ajwalile. La sticun abatetic yu'un, ba yac'beyic te Ben-adad te ja' muc' ajwalil yu'un Siria, te nainem ta lum Damasco. Te Ben-adad, snich'an Tabrimón, ja' smam te Hezión, albot bael yu'un te Asa:

Deuteronomio 15:2

“Te bit'il ay te ya ach'aybey ta awo'tanic sbetic te yantique, jich ay: Spisil te mach'a ay bila yac'ojbey sbetan te spat-xujq'ue, ya me sc'an te ya xch'aybeyix ta yo'tane. Ma me sc'anbeyix sbet te spat-xujq'ue, ja' te mach'a jun slumal soque, melel ja' yorail te ya yich' puquel ta alel te ja' te ja'wil yu'un xch'ayel betil ta swenta yich'el ta muc' te Cajwaltique.

Hechos 9:8

Te Saulo la stam sba jajch'el ta lum. Te c'alal c'an swic' te site, ma la yilix te q'uinale. Te sjo'taque la snitic ochel ta sc'ab ta bay lum Damasco.

Hechos 9:10

Ay jtul jnopojel tey a ta lum Damasco te Ananías sbiile, c'oponot yu'un Cajwaltic ta stelemal yilele. Jich albot yu'un: —Ananías —xi'. La sjac' te Ananiase: —Li' ayon to, Cajwal —xi'.

Génesis 15:2

Te Abram la yal: —Cajwal Dios, ¿banti ya xtuun cu'un te jmajt'an ya awac'bon te bit'il ana'oj te ma'yuc jnich'ane? Melel ma'yuc awac'ojbon jtuluc jnich'an, jich yu'un ja' ya yich'bon jilel jna jbiluc te mayordomo te Eliezer te damasco-winique —xi'.

Jueces 7:16

Te jo'lajunwinic (300) ta jtul winiquetic, oxchajp la sloq'ues a. La yac'bey xulubil ta spisilic ta juju-jtul, soc la yac'bey jochol q'uibetic te ja' nax yac ta tilel c'ajc' ta yutile.

Isaías 7:8

Te lum Damasco, ja' centro yu'un Siria, te Rezín, ja' ay ta muc' ajwalil ta Damasco; te lum Samaria, ja' centro yu'un te Efraín, te snich'an Remalías, ja' ay ta muc' ajwalil ta Samaria. Ja'uc me to, ta jo'eb xchanwinic (65) ja'wil te Efraín ma ba nación ya xc'ot; teme ma ba ts'unul ta lec te xch'uunjel awo'tanique, ma xju' xjalajat ta q'uinal”, uta me —xi' sc'oplal.

Isaías 17:1

J'alwanej c'op ta stojol Damasco: —Te Damasco ma lumuquix ya xc'ot; ja' nax jtsojp jinem ts'ajq'uetic ya xjil.

Jeremías 49:23

Sc'oplal te Damasco te ya yal te Cajwaltique: —Te lumetic yu'un Hamat soc Arfad ayic me ta q'uexlal, melel ma lecuc te c'op jul ta stojolique. Ya xnoj yo'tanic yu'un xiwel, ma ba lamalix yo'tan ya yaiyic.

Ezequiel 27:18

Te Damasco mero bayal la smanbat abiluc soc te ac'ulejale. La stojbat ta vino yu'un Helbón, soc tsotsil chij yu'un Sahar.

Ezequiel 47:16

Berota, soc Sibraim (ja'ic te ayic ta yolil ta sq'uinal Damasco soc ta sq'uinal Hamat), soc Hazar-haticón (te sts'acoj sba soc Haurán).