Génesis 14:14 - Bible in Tzeltal de Oxchuc y Tenejapa

¹⁴ C'alal la yaiy stojol te Abram te bit'il ic'ot bael ta chuquel te yermano, la xchajbanbey yat'ejib te abatetic yu'un te ainemic ta snae, waxaclajuneb swaclajunwinic (318) ta jtul. La snutsic bael te muc' ajwaliletic, c'alal ta sq'uinal Dan.

Bible in Tzeltal Bachajón

¹⁴ C'alal la ya'iy te Abram te ic'ot bahel ta chuquel te snich'ajun, la schahpambe ya'tejib yu'un guerra waxaclajuneb swaclajunwinic (318) ta tuhl a'batetic yu'un te ayinemic ta sna, la scholic bahel c'alal ta Dan.

Génesis 14:14 Referans Kwoze

Jueces 18:29

Te lume Lais sbiil ta neelal, Dan sbiil c'otix yu'unic. Ja' yich'jibal ta muc' te antiguo static te sbiil nixe, te snich'an Israel.

Eclesiastés 2:7

La jman mosoetic soc criadaetic cu'un, soc ay tey ayinic ta jna. Ay bayal wacaxetic cu'un soc chijetic. Spisil te mach'atic neel cu'un ta Jerusalén, ma'yuc jich yu'unic a te bit'il te cu'une.

Deuteronomio 34:1

Te Moisés mo bael ta jochol taquin q'uinal ta Moab, c'alal ta wits Nebo, ta sba te wits Pisga, te jejch' ja' ay soc Jericó. Tey c'alal to ac'bot smulan yu'un Cajwaltic ta spisil te q'uinal Galaad c'alal ta sq'uinal Dan,

Génesis 17:27

Ja' nix jich spisil te winiquetic ta sna, ja' spisil te abatetic te ayinemic ta sna, soc spisil te abatetic smanoj ta staq'uin, pajal la yac'bey circuncisión.

Génesis 17:12

Ta swaxaquebal c'aal yayinel a, ya me yich' circuncisión spisil alalquerem awu'unic ta cajalcaj ats'umbalic, soc me te mach'a ya x'ayin ta ana, soc mach'a manbil tel ta yan lumetic ta ataq'uin te ma ats'umbaluque.

Génesis 12:5

Te Abram la yic' bael te yiname ja' te Sarai, soc te snich'an yijts'in te Lot sbiile, soc spisil sbiluc tsobajem yu'un, soc spisil mach'a och ta swenta ta lum Harán. Loq'uic tel tey a, bajt'ic ta sq'uinal Canaán.

1 Juan 2:18

Cal-jnich'nab, slajibalix c'aal ayotic. Jich bit'il awaiyojic stojol te ya xtal te anticristoe, jich ay chicanajemix tsobol anticristoetic. Jich ya jna'tic stojol a te slajibalix c'aal ayotique.

Salmos 68:12

“Yacalic ta anel te muc' ajwaliletic soc nix uuc te soldadoetic yu'unique”, xiic ta yalel. Ta snaic la spucbey sbaic te antsetic te bitic la yich'ic pojbeyel te contro;

Jueces 20:1

Ta spisil te israeletic ta Dan c'alal ta Beerseba soc ta Galaad, la stsob sbaic ta Mizpa ta stojol te Cajwaltic, jun nax la yac' sbaic, jich c'otic te bit'il jtul nax winic.

Génesis 23:6

—Tatic, aiybon awaiy te bila ya calbat: Bayal ayat ta ich'el ta muc' cu'untic, chican banti ya amulan ya amuc ta muquenal cu'untic te mach'a lajem awu'une. Ma'yuc mach'a bi ya yalbat yu'un —xiic.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Génesis 13:8

Te Abram jich la yalbey te Lote: —Ma me jpas jbajtic ta contro, te melel quermano jbajtic. Ma me scontroin sbaic te jcanan-chambalametic cu'untique.

Génesis 12:16

Te faraón la xc'uxtay te Abram ta swenta Sarai. La yac'bey ta majt'anil tsobol chijetic, wacaxetic, burroetic soc tsobol winiquetic antsetic te ac'bot smozoine, soc tsobol camelloetic.

Proverbios 17:17

Te mach'a jun co'tantic soc, spisil ora ay xc'uxul yo'tan ta jtojoltic; soc te c'alal yorail woclajel a, jich me c'oem te bit'il mero quermanotique.

Génesis 14:12

Te bit'il nainem ta Sodoma te Lot te snichun Abram, la yiq'uic bael uuc soc spisil te sbiluque.

Génesis 14:16

La spojbey ta sc'abic te bitic yich'ojic baele. Jich ju' yu'un te Abram te la scoltay loq'uel ta c'abal te Lot, te snichun, soc te sbiluque, soc la nix yic' tel te antsetic yu'unic soc te yantic winiquetique.

Génesis 17:23

Jich yu'un te Abraham la yic' tel yac'bey circuncisión te snich'ane, ja' te Ismael, soc la yac'bey circuncisión spisil mach'a ayinemic ta sna soc spisil mach'a smanoj ta staq'uin. Spisil winiquetic te ay ta abatinel yu'un te Abraham, la yac'bey circuncisión ta ora nax, jich bit'il pasot ta mandal yu'un te Diose.

1 Reyes 15:20

Te Ben-adad la xch'uunbey te bi albot yu'un te muc' ajwalil Asa. Jich la sticun te capitanetic yu'un soldadoetic, ba yac'beyic guerra te lumetic yu'un Israel. Jich la stsal te Ijón, Dan, Abel-bet-maaca, spamal Cineret, soc spisil bael te sq'uinal Neftalí.

Jeremías 41:12

La stsob tel spisil te swinictac, bajt'ic ta yaq'uel guerra. Tey la sta sbaic soc a ta bay muc'ul estanqueil ja' te ay ta Gabaón.

1 Samuel 30:19

Ma'yuc bi jxujt'uc te ma ba sujt' ta stojolic te bitic pojbotique. Soc ma'yuc la spas falta jtuluc alal soc ni jtuluc winic, ni jtuluc ants, spisil la spoj xan sujt'el te David.