Génesis 14:13 - Bible in Tzeltal de Oxchuc y Tenejapa

¹³ Ja'uc me to, ay jtul loc' ta anel, c'o yalbey yaiy te Abram, te hebreo-winic, te nainem ta jijte'eltic yu'un te amorreo-winic te Mamre sbiil, te yermano sba soc te Escol soc te Aner, te jun yo'tan sbaic soc Abram.

Bible in Tzeltal Bachajón

¹³ Pero ay jtuhl te loc' ta ahnel, c'oht yalbe ya'iy te Abram te hebreo-winic te nahinem ta banti ay te jihte' yu'un Mamre te amorreo-winique. Te Mamre ha yermano sba soc Escol soc Aner, te jun yo'tan sbahic soc Abram.

Génesis 14:13 Referans Kwoze

Génesis 13:18

Jich te Abram la syantesbey yawil te scampamento, c'o ainuc ta jijte'eltic yu'un Mamre, te ay ta nopol lum Hebrón. Tey la spasbey scajtijib ta chiq'uel smajt'an Cajwaltic a te la yac'bey milbil smajt'an ta yalel wocol.

Génesis 14:24

Ja' nax te bitic la swe'elin te abatetic joineje, ja' nax ya jc'an abi. Yan te Aner, te Escol soc te Mamre, ac'a yich'ic jayeb ya xc'ot ta swentaic stuquelic —xi'.

Génesis 40:15

Yu'un chonbilon tel ta jlumal te hebreoone. Soc ma'yuc bila amen jpasoj te bit'il ac'bilon ochel ta chuquele —xi'.

Filipenses 2:5

Ja' me xanopic te bit'il ay yo'tan stuquel te Cristo Jesuse:

2 Corintios 11:22

¿Hebreoetic bal? Ja' nanix jich hebreoon uuc te jo'one. ¿Israeletic bal? Ja' nanix jichon uuc te jo'one. ¿Ja' bal sts'umbalic te Abrahame? Jo'on sts'umbalon uuc.

Jonás 1:9

La sjac' te Jonás: —Te jo'one hebreoon. Ja' quich'oj ta muc' te Cajwaltic te Dios ta ch'ulchan, te la spas te mar soc te lumq'uinale —xi'.

Job 1:15

ora nax c'otic te sabeoetic, la yelc'anic bael te chambalametic, la smilic jilel ta puñal te winiquetique. Jo'on xanix colon jilel te tal calbat awaiye —xi'.

1 Samuel 4:12

Pero ay jtul soldado sts'umbal Benjamín te ju' yu'un te loc' ta anel ta yolil te guerrae. Bajt' ta animal, jun nax c'aal c'ot c'alal ta Silo, jatsemtic sc'u' soc yac'oj lum ta sjol swenta seña mel-o'tan.

Números 21:21

Te israeletic la sticunic bael cha'oxtul ta yich'el bael c'op ta stojol Sehón te muc' ajwalil yu'un te amorreoetic, jich c'o yalbeyic:

Éxodo 2:11

C'alal muc'ul winiquix a te Moisés, ay jun buelta loc' yaiy paxeal ta yilel te yermanotaque. Tey la yil a te ay bayal swocolic yu'un te at'ele. Soc tey la yil xan a te ay jtul egipcio yac ta smajel sba soc jtul hebreo.

Éxodo 2:6

La sjam te moche. La yil ay alal yac ta oq'uel tey a. Te yantsil-nich'an faraón c'ux la yaiy ta yo'tan, jich la yal: —Ja' ch'in alal yu'un te hebreoetique —xi'.

Génesis 43:32

Ja'uc me to, parte parte we'ic. Parte ac'bot swe'el ta yan mesa te José. Ta yan mesa ac'bot swe'elic te sbanquiltaque, soc ta yan mesa ac'bot swe'elic te egipcioetic te ic'bilic tel yu'un te José. Melel te egipcioetic ma sc'an ya sjoinic ta we'el te hebreoetique, yu'un ma lecuc ya yaiyic te ya slac' sbaic soc ta we'ele.

Génesis 41:12

Joinejtic tey a jtul hebreo-winic te ay ta abatinel yu'un te comandantee. La jcholbeytic yaiy te jwaichtique, juju-jtulotic la yalbotic caiytic bit'il ay swentail te jwaichtique.

Génesis 10:16

Ja' sts'umbal Canaán te jebuseoetic, te amorreoetic, te gergeseoetic,

Génesis 39:14

Jich la yic' ochel tel te yantic abatetic ta na, la yalbey yaiyic: —Te jmamlal la yic' ochel tel jtul hebreo-winic, pero ta ora to ya yuts'inotiquix. Och yilon, c'an sjoinon ta wayel; ja'uc me to tulan awunon.

Génesis 18:1

Te Cajwaltic la yac' sba ta ilel ta stojol Abraham ta jijte'eltic yu'un Mamre, te bit'il nacal ta sti' snailpac' ta yaiyel axinal yu'un xc'uxul c'aal.

Génesis 21:27

Jich te Abraham la yic' tel chijetic soc wacaxetic, la yac'bey smajt'anin te Abimeleque. Jich la spasic trato ta xchebalic.

Génesis 21:32

Te bit'il ju'ix ta pasel trato ta Beerseba, jich a jajch'ic ta beel te Abimelec soc te Ficol te yabat te swentainejbey te soldadoetic yu'une. Sujt'ic bael ta bay sq'uinal te filisteoetique.

Éxodo 3:18

Jich te mamaletic ya me yich'bat ta muc' te ac'ope. Ya me awalbey te ya xba ac'oponic soc te muc' ajwalil yu'un Egipto, jich me ya xc'o awalbey: “Te Cajwaltic te Dios cu'untic jo'otic te hebreootic tal sc'oponotiquix. Jich yu'un ya me awac'otic loq'uel te ya xbootic ta muc'ul jochol taquin q'uinal. Ya me xbeenotic ochel oxeb c'aal tey a. Yu'un ya xba cac'beytic smajt'an te Cajwaltic te Dios cu'untique”, ya me awut.

Números 13:23

C'otic c'alal ta beja' Escol, la set'beyic tel sc'ab ts'usub te ay chexajtic sit, cheb yajwal ta q'uechel bael yu'unic, joc'ol bael ta te'. Soc la sc'oquic bael granadaetic soc higoetic.

Jeremías 34:9

Te bila chapal, ja' ya yalbey sc'oplal te mach'atic te ay ta mosoil yu'unic, chican teme winic o ants, te ya yaq'uic ta libre, swenta yu'un ma me ayuc mach'a yac'oj ta mosoil te slumalique.

Génesis 21:24

—Jichuc, jich ya cal ta stojol te Diose —xi' te Abrahame.

1 Samuel 29:3

Te ajwalil-filisteoetic la sjojc'obeyic te Aquis: —¿Ja' xan te hebreoetic, bi ya spasic li'to? —xiic. Jac'botic yu'un te Aquis: —Ja' te David te ay ta abatinel yu'un Saúl ta neelal to, te muc' ajwalil yu'un Israel, pero ayix ja'wil te li' joineje. Ja' to nix te c'alal jul tel ta jtojol, c'alal ora ma'yuc bi falta jtaojbey —xi'.