Génesis 14:10 - Bible in Tzeltal de Oxchuc y Tenejapa

¹⁰ Ta spamlej Sidim ay bayal ta jsejp lumq'uinal te ay xuch' tey a. Loq'uic ta anel te muc' ajwaliletic yu'un lum Sodoma soc yu'un lum Gomorra, tey ts'ajbajic coel ta xuch'. Te jaytul xan muc' ajwaliletic te jilemique, anic bael ta witstiquil.

Bible in Tzeltal Bachajón

¹⁰ Ta spamlej Sidim ay bayel pozohetic yu'un chapapote. Te c'alal loq'uic ta ahnel te ajwaliletic yu'un Sodoma soc yu'un Gomorra, ay mach'atic ch'ayic ochel tey a, te yantique ahnic bahel ta wits.

Génesis 14:10 Referans Kwoze

Génesis 19:17

C'alal loq'uix bael yu'unic a, la yalbey mandal: —Anan me bael, ma me xasujt'es aba ta yilel, soc ma me xjalajat ta spamlej. Anan bael ta witstiquil, teme ma x'ac'an ya xlajate —xiic.

Génesis 19:30

Te Lot la xi' te ya xnain ta lum Zoar, jich yu'un ba nainuc ta witstiquil ta nailch'en. La sjoin bael te cheb ach'ixetic, ja' te cheb yantsil-nich'nabe.

Jeremías 48:44

Te mach'a ya xcol bael yu'un te jts'iwiletique, ya xch'ay coel ta xaab, soc teme ya xloc' tel ta xaabe, ya x'och ta pejts'. Melel ya sta sc'aalelal ya quich' tel castigo ta stojol Moab. Jo'on Ajwalilon, jich ya cal.

Isaías 24:18

Te mach'a ma stsacot yu'un te jnutsojeletic, ya xch'ay coel ta ch'en; soc te mach'a ya xloc' tel ta ch'ene, ya x'och ta pejts'. Ay pulemal ya xco tel ta ch'ulchan, ya me syuc'bey yiptajib te balumilale.

Génesis 11:3

Jich la yalbey sbaic: —Ja' lec jpastic ladrillo, ya jchic'tic ta c'ajc' —xiic. Ja' ton c'ot yu'unic te ladrillo, soc ja' mescla c'ot yu'unic te xuch' te stuquel ya xloc' ta lumq'uinale.

Salmos 83:10

te la yich'ic milel ta Endor, te c'atp'ujic ta c'a'em lum ta q'uinal te sbaq'uetalique.

Josué 8:24

Te israeletic la smilic ta puñal spisil te yajwal lum Hai te nutsotic bael yu'unique. C'alal lajix yo'tanic a, ochic bael ta yutil lum. Jich la smilic te jayeb mach'a ayic to xan tey a.

Génesis 14:3

Te jo'tule la stsob sbaic yu'un guerra ta bay spamlej Sidim, ja' ta bay te Mar Muerto,

Génesis 14:11

Jich te muc' ajwaliletic te ju' yu'unic tsalawe, la spojbeyic bael spisil sc'ulejal te lum Sodoma soc te lum Gomorra, soc spisil te swe'elique. Jich sujt'ic bael ta slumalic.

Génesis 14:17

C'alal sujt' tel te bit'il la stsal jilel te Quedorlaomer soc te jaytul ajwaliletic sjoineje, te Abram loc' ta tael yu'un te muc' ajwalil yu'un Sodoma. Tey taot ta spamlej yu'un Save, ja' te “Spamlej yu'un muc' ajwalil” sbiile.

Génesis 14:21

Te Abram albot yu'un te muc' ajwalil yu'un Sodoma: —Ac'bon te ants-winiquetic, ja'at ya awich' te biluque —xi' sc'oplal te Abram.