Génesis 13:8 - Bible in Tzeltal de Oxchuc y Tenejapa

⁸ Te Abram jich la yalbey te Lote: —Ma me jpas jbajtic ta contro, te melel quermano jbajtic. Ma me scontroin sbaic te jcanan-chambalametic cu'untique.

Bible in Tzeltal Bachajón

⁸ Ha yu'un te Abram la yalbe te Lot: Ma me jcontrahin jbahtic ni ha'uc te jcanan-chambahlametic cu'untic, como quermano jbahtic.

Génesis 13:8 Referans Kwoze

Hechos 7:26

Ta xchebal c'aal te Moisés la sta cheb israeletic te yac ta stsacbel sbaique. C'an slamantesbey yo'tanic. Jich la yalbey yaiyic: “Winiquetic, awermano abaic. ¿Bistuc ya awuts'in abaic?”, la yut.

Salmos 133:1

Ila awil, mero bayal yutsil soc mero xjamet sbujts' q'uinal yu'un te jun yo'tan sbaic te mach'a yermano sbaique.

2 Pedro 1:7

Teme la ana'ic spisil ora te Diose, junuc me awo'tan abaic soc te awermanotaque. Teme junaj awo'tanique, c'ux me x'awaiy abaic.

1 Pedro 4:8

Ja' tulan sc'oplal stuquel te ma p'isbiluc nax c'ux ya awaiy abaic ta awo'tanic, melel te c'uxul-o'tanile, ya xch'ay bayal ta jten mulil yu'un.

1 Pedro 3:8

Ta slajibal ya calbeyex: junuc me awo'tan abaic ta apisilic, na'beya yo'bolil abaic, soc c'ux me x'awaiy abaic ta awo'tanic te bit'il awermano abaique. Jech na'beya me aba ac'uxulic. Soc peq'uel me xawac' abaic ta stojol te awermanotaque.

Romanos 12:10

Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul.

Proverbios 20:3

“Lec yo'tan”, xi' sc'oplal te mach'a ma sc'an te c'opetique; mach'auc a te ma sna' q'uinal, ya sjach te c'ope.

Proverbios 15:1

Te t'ujbil sujt'ib c'op, ya xlamaj yu'un te ilimbae; yan teme tulan te sujt'ibe, ya xtoy xan yu'un.

Génesis 45:24

Jich te José la spatbey bael yo'tanic te sbanquiltaque, bajt'ic. Jich la yalbey bael: —Ma me x'awut abaic bael ta be —xi' bael sc'oplalic yu'un te José.

1 Juan 4:7

Quermanotac te c'uxex ta co'tane, ya sc'an te talel c'axel c'ux ya caiy jbajtique, melel ta swenta Dios ya xtal te c'uxul-o'tanile. Spisil mach'a ay xc'uxul yo'tan, ayinemix ta swenta Dios abi, soc sna'ojbey sba te Diose.

1 Pedro 2:17

Ich'aic ta muc' spisil yantic. C'ux me x'awaiy ta awo'tanic te awermanotaque. Xi'aic me te Diose. Ich'aic ta muc' te ajwalile.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

Hebreos 13:1

Ma me xawijq'uitayic te talel c'axel c'ux ya awaiy abaic te bit'il awermano abaique.

Hebreos 12:14

Leaic me te lamaluc nax q'uinal awu'unic soc spisil te yantique. Ch'ultesbiluquex me, melel teme ma jichuque, ma'yuc mach'a ya xc'o yilbey sit te Cajwaltique.

1 Tesalonicenses 4:9

Ja'uc me to, ma yejt'aluc te ya calbeyex xan ta jun te bit'il ya sc'an te c'ux ya caiy jbajtic ta co'tantic soc te quermanotactique, te melel p'ijubtesbilex yu'un Dios te bit'il ya sc'an te c'ux ya awaiy abaique.

Filipenses 2:14

Spisil te bila ya apasique, ma me xamuquen ayantay abaic yu'un, soc ma me xjajch' c'op awu'unic a.

San Mateo 5:9

“Bin nax me yutsil te mach'atic ya yac' lamajuc te c'ope, te melel yal-snich'an Dios sbiil ya xc'otic yu'un.

Proverbios 15:18

Te mach'a ora nax ya xjelaw ta spasel te bila ya sc'an yo'tane, jajch'esej-c'op ay; yan te mach'a ya xcujch' yu'une, ya slamantes c'op stuquel.

Éxodo 2:13

Cha'loc' bael ta yan c'aal, la yil te pajal hebreoetic yacal ta smajel sbaic. C'an scom te mach'a yac ta majawe, jich la yalbey: —Ma xamaj aba soc te awermanoe —xi'.

Génesis 13:9

¿Ma bal muc'uc te q'uinale? Bayuc ya xju' ya xbaat. Ya calbat wocol yacuc quijq'uitay jbajtic, teme stojol norte ya xbaat te ja'ate, stojol sur ya xboon te jo'one, teme stojol sur ya xbaat te ja'ate, stojol norte ya xboon te jo'one —xi'.

Génesis 46:34

ya me awalbeyic: “Te jo'otique ja' cat'elinejtic xch'ijtesel chambalametic ta calaliltic to soc jme'-jtatic”, ya me awutic, swenta yu'un ja' me ya yac'beyex aq'uinalinic te Gosén, melel te egipcioetique ma slac' sbaic soc te jcanan-chijetique —xi' te José.

Génesis 14:14

C'alal la yaiy stojol te Abram te bit'il ic'ot bael ta chuquel te yermano, la xchajbanbey yat'ejib te abatetic yu'un te ainemic ta snae, waxaclajuneb swaclajunwinic (318) ta jtul. La snutsic bael te muc' ajwaliletic, c'alal ta sq'uinal Dan.

Jueces 9:26

Ay jun c'aal te Gaal, snich'an Ebed, c'ot soc yermanotac ta Siquem, ju' yu'un smonbel yo'tanic te mach'atic ay ta lum Siquem.