Génesis 13:7 - Bible in Tzeltal de Oxchuc y Tenejapa

⁷ Te jcanan-chambalametic yu'un te Abram la yut sbaic soc te jcanan-chambalametic yu'un Lot. Tey nix nainemic a te cananeoetic soc te ferezeoetique.

Bible in Tzeltal Bachajón

⁷ La yut sbahic te jcanan-chambahlametic yu'un Abram soc te jcanan-chambahlametic yu'un Lot. (Soc tey nix nahinemic a te cananeohetic soc te ferezeohetique.)

Génesis 13:7 Referans Kwoze

Génesis 26:20

Jich yu'un te jcanan-chijetic ta spamlej Gerar la yut sbaic soc te jcanan-chijetic yu'un Isaac, jich la yalic: —Cu'untic te pozo —xiic. Jich yu'un, “Guerra” sbiil c'ot te pozo, yu'un ay guerra.

Génesis 12:6

Yacalix ta c'axel bael ta sq'uinal Canaán te Abram, c'ot ta Siquem ta bay teq'uel jijte' te More sbiile. Te cananeoetic ja' yajwal te q'uinale.

Santiago 3:16

Melel te bic'tal-o'tanile soc te toybaile, tey ya xchicnaj guerra a soc spisil ta jchajp te bila amene.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

Santiago 4:1

¿Banti ya xjajch' awaiyic te ya acontroin abaique soc te ya atsac abaique? ¿Ma bal ja'uc te sbic'tal awo'tanic te spisil ora ya sujexe?

Gálatas 5:20

xch'uunel loc'omba, j'ac'chameletic, jcontroinwanejetic, jach-c'opetic, jpaichaletic, j'ilimbaetic, jtsactombaetic, jxatombaetic, jinwanejetic,

Génesis 34:30

Te Jacob la yalbey te Simeón soc te Leví: —Ja'ex ta awentaic te bit'il ya me slab-o'tantayoniquix spisil te cananeoetic soc te ferezeoetic te nainemic li' ta q'uinal to. Te bit'il ma ba tsobolon te jo'one, ya me stsob sbaic tel xtal smilonic, jich ya xlajon soc spisil mach'a ay cu'un —xi'.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

1 Tesalonicenses 4:12

swenta yu'un lec me ac'oplalic ya xc'ot yu'un te mach'atic ma ba xch'uunejic te Diose, soc swenta yu'un ay me bila ya xtuun awu'unic spisil ora.

Colosenses 4:5

Ya sc'an te ayuc sp'ijil awo'tanic te ya x'ainex ta yolil te mach'atic ma ba xch'uunejic te Diose. Ayuc me swentail te ya xc'ax c'aal awu'unic spisil ora.

1 Corintios 3:3

te melel swentainejex to te abaq'uetalique. Melel tey chican a te ay to paichal ta awo'tanic, ya ajachic c'op, soc ya ajat abaic. ¿Ma bal ja'uc yat'el abaq'uetalic in to? Melel jich ya apasic te bila ya spasic spisil te ants-winiquetic te ma ba xch'uunejic te Diose.

Nehemías 5:9

Ja' yu'un jich la cal xan: —Te bila yacalex ta spasele, ma ba lec. Ya sc'an ya awaq'uic ta ilel te awich'ojic ta muc' te Dios cu'untique. Jich ma ba ya slabanotic a te mach'atic ma ja'uc xch'uunejic te cuxul Diose, te ja'ic te scontroinejotic stuquelique.

Éxodo 2:17

Ja'uc me to, tal yan jcanan-chijetic, tal stenic loq'uel te ach'ixetique. Jich yu'un te Moisés jajch' ta scoltayel ta ora. Ja' la yac'bey ja' yuch' te xchijique.

Génesis 21:25

Ja'uc me to, ay pozo yu'un Abraham te la spojic te abatetic yu'un te Abimeleque. Te Abraham la sc'opon yu'un.

Génesis 10:19

Jich ay te sts'ajc' sjoyobal te cananeoetique: tey jajch' ta Sidón, c'ot ta yelaw sq'uinal Gerar, ta yelaw sq'uinal Gaza, ta stojol ta bay Sodoma soc ta Gomorra, c'ot ta yelaw sq'uinal Adma, c'ot ta yelaw sq'uinal Zeboim, jul ta loq'uel ta yelaw sq'uinal Lasa.

Génesis 46:34

ya me awalbeyic: “Te jo'otique ja' cat'elinejtic xch'ijtesel chambalametic ta calaliltic to soc jme'-jtatic”, ya me awutic, swenta yu'un ja' me ya yac'beyex aq'uinalinic te Gosén, melel te egipcioetique ma slac' sbaic soc te jcanan-chijetique —xi' te José.

Proverbios 20:3

“Lec yo'tan”, xi' sc'oplal te mach'a ma sc'an te c'opetique; mach'auc a te ma sna' q'uinal, ya sjach te c'ope.

San Marcos 3:25

Ja' nanix jich te mach'atic jun nax na ayique, teme ya xat sbaique, jich ma xju' ya xjalajic ta q'uinal.