Génesis 13:18 - Bible in Tzeltal de Oxchuc y Tenejapa

¹⁸ Jich te Abram la syantesbey yawil te scampamento, c'o ainuc ta jijte'eltic yu'un Mamre, te ay ta nopol lum Hebrón. Tey la spasbey scajtijib ta chiq'uel smajt'an Cajwaltic a te la yac'bey milbil smajt'an ta yalel wocol.

Bible in Tzeltal Bachajón

¹⁸ Hich te Abram la sjeltaybe yawil te snahilpac', c'oht ta nahinel ta banti jihte' yu'un Mamre, te ay ta Hebrón. Tey la spasbe scajtajib ta chiq'uel smahtan a te Jehová.

Génesis 13:18 Referans Kwoze

Génesis 35:27

Te Jacob ba yil te Isaac, ja' te state, te ay ta Mamre, te lum te ja' nix sbiilinej Arba soc Hebrón. Tey nix nain te Abraham soc te Isaac.

Génesis 18:1

Te Cajwaltic la yac' sba ta ilel ta stojol Abraham ta jijte'eltic yu'un Mamre, te bit'il nacal ta sti' snailpac' ta yaiyel axinal yu'un xc'uxul c'aal.

Génesis 14:13

Ja'uc me to, ay jtul loc' ta anel, c'o yalbey yaiy te Abram, te hebreo-winic, te nainem ta jijte'eltic yu'un te amorreo-winic te Mamre sbiil, te yermano sba soc te Escol soc te Aner, te jun yo'tan sbaic soc Abram.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

Salmos 16:8

Spisil ora ay ta jtojol te Cajwale; ta swenta te bit'il ayon ta swa'el sc'ab, ma'yuc bila ya xju' syaleson.

1 Timoteo 2:8

Jich yu'un ya jc'an te ya sc'oponic Dios ta bayuc te winiquetique. Te c'alal ya stoyes sc'abic ta sc'oponel te Diose, ya sc'an ch'ultesbiluc, soc ma me ilinemuc yo'tanic, soc ma me ayuc guerra ta yo'tanic.

Números 13:22

Ochic bael ta Néguev, c'otic c'alal ta lum Hebrón. Tey nainemic a te Ahimán, Sesai soc Talmai, te sts'umbalic Anac. Te Hebrón sjuquebalix ja'wil spastajel a te la yich' pasel te Zoán ta Egipto.

Génesis 37:14

Jich yu'un albot bael yu'un te state: —Baan, ilawil teme lec ay te abanquiltaque, soc teme lec ay te jchijtique. Ya me xtal awalbon caiy te bi yilelique —xi'. Jich la sticun loq'uel ta Hebrón, bajt' ta Siquem.

Génesis 13:4

Te banti la spasbey scajtijib ta chiq'uel smajt'an Dios ta neelal, tey la yalbey wocol a te Cajwaltique.

Josué 14:13

Jich yu'un te Josué la yac'bey bendición te Caleb, soc la yac'bey sq'uinalin te Hebrón soc te sts'umbale.

Génesis 23:2

Tey laj ta Quiriat-arba, te Hebrón yan sbiil te ay ta sq'uinal Canaán. Te Abraham la yoq'uetay te Sara, bayal la smel yo'tan yu'un.

Hebreos 11:9

Ta swenta xch'uunjel yo'tan te Abrahame, jun yo'tan nain tey a ta bay ma slumaluc te ja' nix te q'uinal te albot yaiy yu'un Dios te ya sq'uinaline. Tey la snain nailpac' a, soc tey nix la snain nailpac' uuc te Isaaque soc uuc te Jacobe, te jich nix albot yaiyic yu'un Dios uuc te ya sq'uinalinique.

Génesis 22:9

C'alal c'otic ta bay q'uinal albot yu'un te Diose, jich yu'un te Abraham la spasbey scajtijib ta chiq'uel smajt'an Dios. La xchajbanbey si'il te c'ajq'ue, la sc'ol ta chuquel te Isaac, la sjawan ta sba si' ta scajtijib te smajt'an Dios te la spase.

Génesis 26:25

Jich yu'un te Isaac la spasbey scajtijib ta chiq'uel smajt'an Dios, la xchic'bey jcojt' chij tey a, soc la squejan sba ta stojol Dios. Tey la stejc'an snailpac' a, soc te abatetic yu'un la sjoq'uic jun pozo.

Josué 15:13

Te Josué la yac'bey Caleb snich'an Jefone xejt' sq'uinalic te sts'umbal Judá. Jich te bit'il albil mandal yu'un Cajwaltic, ja' la yac'bey te Quiriat-arba, ja' te Hebrón, te lum bayal sc'oplal yu'un te sts'umbal najt'il winic Anac.

2 Samuel 2:1

Patil te David la sjojc'obey te Cajwaltic, jich la yalbey: —¿Ya bal xju' ya xboon ta bayuc lumil ta sq'uinal Judá? —xi'. Jac'bot yu'un te Cajwaltic: —Yac, ya xju' ya xbaat —xi'. Te David la sjojc'o xan: —¿Banti ya xboon? —xi'. La sjac' te Cajwaltic: —Ta Hebrón —xi' sc'oplal.