Génesis 13:16 - Bible in Tzeltal de Oxchuc y Tenejapa

¹⁶ Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Bible in Tzeltal Bachajón

¹⁶ Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Génesis 13:16 Referans Kwoze

Números 23:10

Bayalic jich bit'il ts'ubil lum; ¿Mach'a ya xju' yu'un sna'el te yajtalule? Te jo'one co'tanuc jichuc ya xlajon te bit'il in mach'atic tote toj yo'tanique, te jichuc ya xc'oon ta loq'uel uuc —xi' ta yalel te Balaame.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Génesis 32:12

Te melel jich awalojbon ta jamal: “Ya me jc'uxtayat, soc jich yipal ya xc'ot ats'umbal cu'un te bit'il sji'al mar te ma xju' ta ajtayel”, te la awutone —xi'.

1 Reyes 3:8

pero ayonix ta stojol te lum tsabil awu'une. Ja' te lum mero muc' te ma spas ta ajtayel yu'un yipale.

Éxodo 32:13

Na'a me te abatetic awu'un, ja' te Abraham, Isaac soc Israel. Te melel ja'at nix jamal la awalbey ta stojolic: “Ya cac' esmajuc ta lec te ats'umbale, jich me ya xc'ot te bit'il eq'uetic ta ch'ulchan”, te xaate. Soc la awal xan: “Spisil te q'uinal calojbeyex, ya me cac'beyex, awu'unic me sbajt'el q'uinal”, melel xaat —xi' te Moisés.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 15:5

Soc ic'ot loq'uel ta jamalal la yaiy yu'un te Diose: —Ila awil te ch'ulchane, ajtaya jayeb te eq'uetique, teme ya xju' awu'un yajtayele. Jich me yipal ats'umbal ya xc'ot —xi' sc'oplal.

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

Jeremías 33:22

Soc te sts'umbal te cabat David soc te yantic abatetic cu'une, ja' te mach'atic sts'umbal Leví, ya me quesmantesbey yajtalul, jich bit'il eq'uetic ta ch'ulchan soc jich bit'il sji'al mar, te ma'yuc mach'a ya xju' yu'un yajtayele —xi' te Cajwaltique.

1 Crónicas 27:23

Te David ma la yac' ta censo te mach'atic ma to loq'uemuc jtab ya'wilale, melel te Cajwaltic yaloj te ya yac' esmajuc te israeletic, jich bit'il mero bayal eq'uetic te ay ta ch'ulchan.

1 Crónicas 21:5

Te Joab la yac'bey David te yajtalul censo ta spamal te lume. Loc' ta spisil Israel jun millón soc jo'winic ta jmil (1,100,000) winiquetic te ya sna'ic ta lec guerra. Ta Judá loc' lajuneb xchanwinic xcha'bajc' ta jmil (470,000).

1 Reyes 4:20

Te Judá soc Israel mero ma xju' ta ajtayel te yajwale, jich te bit'il ji' ay ta ti'mar. Ay bayal swe'el-yuch'elic; mero bin nax yo'tanic ainic.

Jueces 6:5

La yich'ic tel snailpaq'uic soc xchamsbalamic, jich la yochintayic te lumq'uinal soc la slajinic ta spisil. La yiq'uic tel camelloetic, mero c'ax bayal ta jyalel, jich talic te bit'il ya xtalic te c'ulubetique.

Jueces 6:3

Te israeletique ay nix bi sts'unojic, pero te madianetic, te amalequetic soc te mach'atic talemic ta stojol sloq'uib c'aal la yaiyic uts'inwanej.

Deuteronomio 1:10

Melel mero bayal awal-anich'nabic la yac'beyexix te Cajwaltic te Dios cu'untique, yo'tic mero muc'ul lumexix, jich awipal c'oemex te bit'il eq'uetic ayic ta ch'ulchane.

Éxodo 1:7

Ja'uc me to, bayal esmajic te israeletique, c'axem to xan esmajic ta jyalel, mero bayal yipic a c'ot. Noj yu'unic te sq'uinal Egipto.

Génesis 46:3

Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 26:4

Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Génesis 21:13

Te yal te acriadae, muc'ul lum ya xc'ot uuc, te melel ja'at nix anich'an —xi' sc'oplal yu'un te Diose.

Génesis 18:18

te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham.

Génesis 17:20

Ja'uc me to, jich me ay sc'oplal cu'un stuquel te Ismael: Ya me cac'bey bendición uuc: ya me x'esmaj bayal. Te lajchaytul snich'nabe ajwaliletic ya xc'otic, buen muc'ul lum ya xc'ot cu'un.

Génesis 17:16

Ya me cac'bey bendición, soc ay me awal-anich'an ya xc'oat soc. Melel me xcal, ya me cac'bey bendición. Sme' bayal ta jchajp nacionetic ya xc'ot, ya xchicnaj ta swenta bayal ta jtul ajwaliletic —xi' sc'oplal.

Génesis 17:6

Ya cac' esmajuc bayal ats'umbal, soc bayal ta jchajp ants-winiquetic ya xc'oat ta loq'uel cu'un, soc bayal ta jtul ajwaliletic ya xchicnaj ta awenta.

Hebreos 11:12

Jich uuc te Abrahame manchuc teme nopol xlajix bael a, ja'uc me to, jich yipal sts'umbal c'ot te bit'il eq'uetic ta ch'ulchane soc jich yipal te bit'il sji'al sti'il mar te ma xju' ta ajtayele.

Génesis 16:10

Te ch'ul abat yu'un te Cajwaltic jich la yalbey xan: —Ya me quesmantesbat ats'umbal ta patil, tsobol ya xc'ot, ma xju' ta ajtayel.

Génesis 17:2

Ya me jpas trato ta atojol te c'ax bayal me ya quesmantesbat ats'umbal —xi' sc'oplal.

2 Reyes 13:23

Pero te Cajwaltic la sna'bey yo'bolil sbaic, soc tal xc'uxul ta yo'tan yu'un. Ta scaj te bi xchapoj soc Abraham, Isaac, Jacob te Cajwaltique, la sna' xan. Ma ba la sc'an slajin, soc ma ba la xch'ay ta yo'tan ta jc'axel. Jich nix ay yu'un Cajwaltic c'alal ora te Israel.

2 Crónicas 1:9

Jich yu'un yo'tic, Cajwal Dios, c'otesa ta pasel te bila la awalbey te jtat David, melel la awac'on ta muc' ajwalil ta stojol te lum te mero ma xju'ix ta ajtayel jichuc ts'ubil lume.

Génesis 32:13

Tey c'ax ajc'ubal yu'un te Jacob, soc la xchajbanbey smajt'an te sbanquil Esaú, chican te bila ay yu'une:

Job 5:25

Ya me xchicnaj bayal patil alnich'anetic awu'un, jich yipal te bit'il wamaletic te ayic ta q'uinale.