Génesis 13:15 - Bible in Tzeltal de Oxchuc y Tenejapa

¹⁵ Melel spisil te q'uinal te chican ta asit ya awile, ya me cac'bat aq'uinalin soc ats'umbal ta sbajt'el ora.

Bible in Tzeltal Bachajón

¹⁵ Yu'un spisil te q'uinal te yac awile, ya ca'bat aq'uinalin soc ats'umbal sbahtel q'uinal.

Génesis 13:15 Referans Kwoze

2 Crónicas 20:7

Dios cu'untic, ja'at la aticunbey loq'uel yajwal te lumq'uinal ta stojol te lum Israel, la awac'bey yu'unin sbajt'el q'uinal te sts'umbal Abraham te ajoye.

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Génesis 35:12

“Te q'uinal la cac'bey sq'uinalin te Abraham soc te Isaac, ja'at me ya cac'batix aq'uinalin, soc ja' me ya cac'bey sq'uinalin te ats'umbal ta patil baele —xi' sc'oplal.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Hechos 7:5

Pero ma ba ac'bot yu'unin jxejt'uc te q'uinale, ni ayuc yawil sna. Ja'uc me to, jamal albot yu'un Dios te ya x'ac'bot sq'uinalinic te q'uinale, soc te c'alal ya xlaje, ja' ya yu'unin te snich'nabe, manchuc teme ma'yuc snich'an chican a te c'alal albot jiche.

Salmos 37:29

Te mach'atic lec yo'tanic ya me sq'uinalinic te q'uinale, sbajt'el me q'uinal ya xnainic tey a.

Salmos 37:22

Te mach'atic ya x'ac'botic bendición yu'un Cajwaltic, ya me x'ac'bot sq'uinalinic te q'uinale; pero te mach'atic ma lecuc sc'oplalic yu'un, ya me xlajic stuquelic.

San Mateo 5:5

“Bin nax me yutsil te mach'atic peq'uel ya yac' sbaique, te melel ya me x'ac'bot sq'uinalinic te balumilale.

Números 34:2

—Pasa ta mandal te israeletique, jich me xawalbey: “Nopolix ya x'ochex bael ta slum-sq'uinal Canaán. Ja' te lumq'uinal te ya awu'uninic, jich ay te smojonile:

Éxodo 33:1

Te Cajwaltic, jich la yalbey te Moisese: —Baan, loc'an bael soc te lum te la aloq'ues tel ta Egipto. Tey xbaex ta bay q'uinal calojbey te Abraham, Isaac soc Jacob, te ja' te ya cac'bey yu'uninic soc ja'ex te sts'umbalexe.

Génesis 48:4

Jich la yalbon: “Ya me cac' esmajuc te ats'umbale, bayal ta jchajp nación ya xc'otic ta loq'uel. Soc ya me cac'bey yu'unin ats'umbal in q'uinal to. Ja' me yu'unic sbajt'el q'uinal”, la yuton te Diose.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 28:4

Ac'a yac'bat soc jayeb ats'umbal te bendición la yalbey te Abraham, swenta yu'un jich me ya aq'uinalin te q'uinal ta bay nainemat te jich c'oemat te bit'il jyanlum li'to, melel la yal Dios te ya yac'bey te amam Abraham —xi'.

Génesis 24:7

Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Isaías 63:18

Te ch'ul lum awu'une ma ba jal c'aal la yu'unin te slumale. Te jcontrotic la spech'bat ta teq'uel te templo awu'une.

Deuteronomio 34:4

Jich albot yu'un te Cajwaltique: —Ja' in to, ja' te lumq'uinal la calbey ta jamal te Abraham, Isaac soc Jacob, te ya cac'bey te patil alnich'anetic yu'unique. La sc'an co'tan te la cac'bat awil ta asite, manchuc me ma ba ya x'ochatix bael tey a —xi' sc'oplal.

Génesis 18:18

te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham.

Génesis 13:17

Jajch'an jiche, oclina te q'uinale, te bi yilel smuc'ul soc te bi yilel sjamalule, yu'un ya me cac'bat aq'uinalin —xi' sc'oplal.

Génesis 15:7

Soc jich la yalbey xan yaiy: —Jo'on Awajwalon te la quic'at loq'uel tel ta Ur te ay ta sq'uinal caldeoetique, swenta yu'un ya cac'bat aq'uinalin in q'uinal to —xi' sc'oplal yu'un.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

Éxodo 32:13

Na'a me te abatetic awu'un, ja' te Abraham, Isaac soc Israel. Te melel ja'at nix jamal la awalbey ta stojolic: “Ya cac' esmajuc ta lec te ats'umbale, jich me ya xc'ot te bit'il eq'uetic ta ch'ulchan”, te xaate. Soc la awal xan: “Spisil te q'uinal calojbeyex, ya me cac'beyex, awu'unic me sbajt'el q'uinal”, melel xaat —xi' te Moisés.

Deuteronomio 9:5

Melel ma yu'unuc slequil awat'elic, soc ni yu'unuc lequex ta winiquil ja'ex te ya awu'uninbeyic te slum-sq'uinalique. Ya xch'ojbeyex loq'uel ta asitic te Cajwaltic ta scaj te amen yat'elic, soc swenta yu'un ya xc'ot ta pasel a te bila chapal yu'un ta stojol Abraham, Isaac soc Jacob, ja' te antiguo ats'umbalique.

1 Crónicas 16:18

Jich la yal te trato: ‘Ya cac'bat te q'uinal ta Canaán, ja' awu'un soc te ats'umbal’, te xie.