Génesis 13:13 - Bible in Tzeltal de Oxchuc y Tenejapa

¹³ Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

Bible in Tzeltal Bachajón

¹³ Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Génesis 13:13 Referans Kwoze

2 Pedro 2:10

C'axem to xan ya me yac'bey castigo ta patil spisil mach'a yat'elinejic spasel te biluc muliluc te ya smulan sbaq'uetalique soc te ma sc'an yajwalinic te Cajwaltique. Tulan yo'tanic, ma'yuc q'uexlal ta yo'tanic, ma xi'ic stoybac'optayel te mach'atic cajal yu'elic ta ch'ulchane.

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.

Romanos 1:27

Jich nix la spasic uuc te winiquetique. La yijq'uitayic te bit'il stalel ya sc'opon sbaic soc te yinamique. La sc'opon sbaic soc te mach'a pajal winic soque. Ma'yuc q'uexlal ta yo'tanic te sjoy sbaic ta winiquil te la sc'opon sbaique. Jich ya yich'ic castigo yu'un ta sbaq'uetalic te bit'il mero ilaybil sba te bila ya spasique.

Jeremías 23:24

¿Mach'a ya xju' ya snac' sba ta jsit? Melel te jo'one ayon ta ch'ulchan soc ta balumilal. Jo'on Ajwalilon, jich ya cal.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

San Mateo 9:13

Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

Génesis 18:20

Jich la yal Cajwaltic ta stojol Abraham: —Te yajwal Sodoma soc Gomorra bolobeniquix, esmajix smulic ta jyalel.

San Juan 9:31

Jna'ojtic stojol ta jpisiltic te Dios ma xyaiybey stojol sc'op te jmulawiletique. Ja' nax ya yaiybey stojol sc'op te mach'atic jun yo'tanic ta stojole soc te ya spas te bila ya sc'an yo'tane.

San Mateo 9:10

Te c'alal yac ta we'el ta na soc te jnopojeletic yu'un te Jesuse, ay jc'an-patanetic soc jmulawiletic te tal sjoinic ta we'el te Jesuse.

Isaías 1:9

Te Cajwaltic te Spisil ya xju' yu'une, te manchuc lajuc scoltayotic, jich c'oemotic te bit'il te lum Sodoma soc Gomorra te jichuque.

2 Reyes 21:6

Soc la yac' ta chiq'uel te snich'nab swenta smajt'an te bila scuyoj ta Diose. La yich' ta muc' te pucujetique, soc bajt' ta stojol te mach'atic ay bila ya sna'ic syoljoltayel. Spisil ora la sc'opon te ch'ulelaletic, soc la spasulay pic-c'abal. Mero ma ba lec ta sit Cajwaltic te yat'ele, jich la yac' ilinuc yo'tan Cajwaltic ta stojol.

1 Samuel 15:18

Mero bayal sc'oplal te mandal yu'un te Cajwaltic la yalbat bael apase, te ya alajin te jmulawil amalequetic, te mero jc'axel ya alajin ta spisilique.

Génesis 38:7

Ja'uc me to te Er, te sba snich'an te Judá, mero ma lecuc yat'el la yil te Cajwaltique, jich yu'un te Cajwaltic ma la yac' cuxinuc.

Génesis 15:16

Ta xchancajal ats'umbal ya xcha'talic xan li'to, yu'un ma to sts'acaj jayeb smul te amorreoetique —xi' sc'oplal yu'un.

Génesis 10:9

Yajwal smilel chambalam ta ja'mal ta swenta sc'anjel yo'tan te Diose. Ja' swentail te jich ay ta alel: “Jich yo'tan bit'il Nimrod, te mero ju'em yu'un smilel chambalam ta ja'mal ta swenta sc'anjel yo'tan te Diose”, te xie.

Génesis 6:11

Te Dios la yil te nojemix ta mulil soc ta uts'inwanej ta spamal q'uinal,

San Juan 9:24

Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.

Génesis 39:9

Ma'yuc xan yan cajal a te bit'ilone. Te cajwal ma'yuc bi ma yac'ojbon ta jwenta, ja' nax te bit'il yinamat te ja'ate. Ma xju' te ya jpastic jich. ¿Ma bal yacuc jta jmul ta stojol cajwal teme jich ya jpase? Soc ya me jta jmul ta stojol Dios —xi'.

Números 32:23

Teme ma jichuc ya apasic, ya me ana'ic te la ataix amulic ta stojol Cajwaltic a. Ya me sta yorail te ya xtal castigo ta atojolic yu'un te amulique.

Génesis 19:13

Yu'un ya me cac'tic lajuc te lume, melel c'otix ta stojol Cajwaltic te smulique. Jich yu'un te Cajwaltic la sticunotiquix tel ta slajinel —xiic.

1 Samuel 2:17

Ja' yu'un te smulic te winiquetic, mero tulan sc'oplal ta stojol Cajwaltic, melel mero ma'yuc swentail ta yo'tanic te majt'aniletic yu'une.

Jeremías 23:14

Quiloj te j'alwanejetic ta Jerusalén, ya spasic bitic ilaybil: ya spasic mulwej soc lo'laywanej, ya sjajch'bey xan yo'tanic mach'atic amenic te ma'yuc mach'a ya yijq'uitay sba yu'un te bila amen ya spase. Ja'ic soc te mach'atic yajwal te lume jich c'oemic ta co'tan te bit'il Sodoma soc Gomorra.