Génesis 13:10 - Bible in Tzeltal de Oxchuc y Tenejapa

¹⁰ Te Lot la stoy sit, la yil spamal te spamlej yu'un Jordán c'alal ta lum Zoar, la yil ma'yuc swocol yu'un ja' tey a. Yu'un jich ay yilel te bit'il t'ujbil awalts'unubile, ja' pajal yilel soc te sq'uinal Egipto. (Jich ay ta spamlejal te c'alal ma to xjinot yu'un Cajwaltic a te lum Sodoma soc te lum Gomorra.)

Bible in Tzeltal Bachajón

¹⁰ Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

Génesis 13:10 Referans Kwoze

Deuteronomio 34:3

te Néguev, te ti'ti'ja' bael yu'un te muc'ja' Jordán soc te muc'ul spamlej yu'un Jericó, ja' te lum te banti ay bayal palmaetic, c'alal ta Zoar.

Isaías 51:3

Ay me yutsil co'tan ta stojol te Sión, ja' te lum te jinem sts'ajc'ul ta spisile. Ta bay taquin q'uinal ya jc'atp'un ta yaxal q'uinal, jich bit'il t'ujbil te'etic la sts'un Cajwaltic ta Edén. Tey me ay yutsil a te q'uinale, soc bin nax yo'tanic ya xc'ajinic ta yalel yutsilal Dios soc música.

Génesis 14:8

Yan te muc' ajwaliletic yu'un lum Sodoma, yu'un Gomorra, yu'un Adma, yu'un Zeboim soc yu'un lum Bela, te Zoar yan sbiile, bajt'ic ta spamlej Sidim. C'o stsac sbaic soc te chanebic, ja' la yil sbaic soc Quedorlaomer, Tidal, Amrafel soc Arioc. Chaneb muc' ajwaliletic la stsal sbaic soc jo'eb muc' ajwaliletic.

Joel 2:3

Pajalic soc c'ajc', te spisil ya slajine. Ya xchic'awan te c'alal ma to xc'ax ae, soc manchuc me c'axemix a, pero ya to xchic'awan xan a. Te c'alal ma to xjulic ae, mero c'ax t'ujbil te q'uinale; te c'alal ya xbajt'ique, pajal soc jochol taquin q'uinal ya xjil yu'unic. Ma'yuc bila col jilel yu'unic.

Génesis 14:2

Te chaneb muc' ajwaliletic la yac'beyic guerra te jo'eb muc' ajwaliletic, ja' te muc' ajwalil yu'un te lum Sodoma te Bera sbiil, soc te muc' ajwalil yu'un te lum Gomorra te Birsa sbiile, soc Sinab te muc' ajwalil yu'un lum Adma, soc Semeber te muc' ajwalil yu'un lum Zeboim soc te muc' ajwalil yu'un lum Bela, ja' te Zoar yan sbiile.

Ezequiel 28:13

Ayat ta Edén a, ja' te nichimaltic yu'un te Diose, ch'albilat ta spisil ta jchajp buen t'ujbil tonetic: tsajal rubí, c'an yaxal crisólito, yaxal jade, c'anal topacio, tsajal cornalina, jaspe te yanyan yilele, ijc'al zafiro, yaxal granate soc yaxal esmeralda tonetic. Te ch'alilaletic awu'un soc te staq'uinal chiquiniletic awu'un oro pasbil a, ja' to la yich' chajbanel a te bi c'aalil la awich' pasele.

1 Reyes 7:46

Te muc' ajwalil Salomón la yac' ta ultesel ta moldeetic pasbil ta ji' ta muc'ul spamlej yu'un Jordán, ta yolil te lum Sucot soc lum Saretán.

Ezequiel 31:8

Ma'yuc junuc cedro ta nichimaltic cu'un te Diosone te ya xju' ta pajel soc te te'e; ma'yuc junuc te' pajal sc'abc'ab soc. Ma'yuc castaño-te' pajal te yabenal soque; ma'yuc junuc te' ta nichimaltic cu'un te ya spaj sba yutsilal soc te te'e.

Jeremías 48:34

Te ants-winiquetic ta Hesbón ya x'awunic yu'un xc'uxul te ma'yuquix bi ay yu'unique. Te yawique ja' to ya xc'ot ta Eleale soc Jahaza, soc c'alal ta Zoar ja' to ta Horonaim soc Eglat-selisiya, melel te sloq'uibja'etic yu'un Nimrim taquejiquix.

Isaías 15:5

Co'tan ya jc'anbey coltayel ta swenta Moab; te swinictac ya xloq'uic bael ta anel c'alal ta Zoar, soc c'alal ta Eglat-selisiya. Te bay moel q'uinal yu'un Luhit, ya xmoic bael ta oq'uel; ta sbelal bael Horonaim ya xjajch'ic ta aw yu'un xc'uxul ta stojol te tulan uts'inele.

Salmos 107:34

ya sc'atp'un ta taquin q'uinal te lequil q'uinale, ta scaj smulic te mach'atic nainemic tey a.

Génesis 6:2

te mach'atic yal-snich'an Dios la stsaic ta bay buen t'ujbilic te yantsil-nich'nab te ants-winiquetique, jich la yic' yinaminic te bay la smulanique.

Génesis 3:6

La yil te ants te bit'il t'ujbil soc lec ta lo'el sit te te'e, soc la yil te lec ta tuuntesel te bit'il ya yac' p'ijil-o'tanil teme ay mach'a ya slo'e. Jich yu'un la sc'oc slo', soc la yac'bey slo' uuc te smamlale.

Génesis 11:27

Jich ay te lista yu'un te sts'umbal Taré: ja' snich'nab Taré te Abram, Nacor soc te Harán. Ja' snich'an Harán te Lot sbiile.

Génesis 13:9

¿Ma bal muc'uc te q'uinale? Bayuc ya xju' ya xbaat. Ya calbat wocol yacuc quijq'uitay jbajtic, teme stojol norte ya xbaat te ja'ate, stojol sur ya xboon te jo'one, teme stojol sur ya xbaat te ja'ate, stojol norte ya xboon te jo'one —xi'.

Génesis 13:11

Jich yu'un te Lot ja' la smulan sq'uinalin spisil te spamlej yu'un Jordán. Been bael ta stojol sloq'uib c'aal te Lot, jich la yijq'uitay sbaic.

Génesis 47:6

ilawil spamal sq'uinal te Egipto, chican banti ya ac'an ya awac' nainuquic. Ja' me xale te bay lec te q'uinal ya awac'bey sq'uinalin te atat soc te abanquiltaque. Ja' lec ac'a nainuquic ta Gosén. Soc teme ay sp'ijil yo'tanic ya awile, teme ay ya sna'ic wenta ta lec ya awil, ac'beya scanantaybon jchambalam uuc —xi' sc'oplal yu'un.

Job 40:23

Teme ya xnoj te ja', ma ba ya xi'; manchuc me ya xc'ot c'alal ta sni', pero ma xiw yu'un.

Ezequiel 16:46

Ta stojol norte ay a te awixe, ja' te lum Samaria soc te ch'in lumetic yu'une. Ta stojol sur ay te awijts'ine, ja' te lum Sodoma, ja' nix soc te ch'in lumetic yu'une.

Ezequiel 16:49

Te awijts'in Sodoma soc te ch'in lumetic yu'une, mero toyol la yac' sba yu'un te ay mero bayal swe'el-yuch'ele, soc te ma'yuc bila pasot falta yu'une. Pero ma'yuc bi ora ay bi la scoltay a te me'baetic soc te mach'atic ma'yuc bi ay yu'unique.

Ezequiel 31:9

Jo'on buen t'ujbil la jpas, bayal sc'abc'ab c'ot cu'un; te yantic te'etic yu'un Edén, ja' te nichimaltic cu'une, xti'ton yo'tanic ta stojol.

Ezequiel 47:18

“Te sti'il ta stojol sloq'uib c'aal, ya me xjajch' bael ta jun punto te ay ta yolil Haurán soc Damasco, c'alal ta lum Tamar, slac'oj sba soc Mar Muerto, ta sjilil bael te muc'ja' Jordán, te ya xtuun swenta mojón yu'unic te slum-sq'uinal Galaad soc Israel.