Génesis 12:8 - Bible in Tzeltal de Oxchuc y Tenejapa

⁸ C'ax xan bael te Abram, c'ot ta witstiquil ay ta stojol sloq'uib c'aal yu'un lum Betel. Tey la stejc'an snailpac' a, ay ta stojol smalib c'aal c'ot te Betel, ay ta stojol sloq'uib c'aal c'ot te Hai. Tey la spasbey yan scajtijib ta chiq'uel smajt'an a te Cajwaltique. La smilbey jcojt' chij ta stojol, jich la yalbey wocol a te Cajwaltique.

Bible in Tzeltal Bachajón

⁸ C'ax xan bahel tey a te Abram, c'oht ta jun wits ay ta stojol banti ya xloc' tal c'ahc'al yu'un Bet-el, la stehc'an snahilpac' tey a; ay ta stojol smahlib c'ahc'al te Bet-el, ay ta stojol banti ya xloc' tal c'ahc'al te Hai. Tey la spasbe scajtajib ta chiq'uel mahtanil a te Jehová soc la sc'opon te Jehová.

Génesis 12:8 Referans Kwoze

Nehemías 11:31

Te sts'umbal Benjamín nainic ta lum Geba, Micmas, Aía, Betel soc ta yantic ch'in lumetic ta pamalpam.

Génesis 4:26

Ayin snich'an te Set, Enós sbiil c'ot. Ja' yorail te caj yalbeyic wocol ta stojol Cajwaltic te ants-winiquetique.

Génesis 21:33

Te Abraham la sts'un jpejt' tamarisco-te' ta Beerseba, tey la sc'opon a te Cajwaltic Dios te stalel cuxul sbajt'el q'uinale.

1 Corintios 1:2

ya jpatbeyex awo'tanic ja'ex te jch'uunjelex ta lum Corinto, te ch'ultesbilex ta swenta te Cristo Jesuse. Dios la yiq'uex, swenta yu'un ya xch'ultesex soc spisil te mach'atic ayic ta bayuc te ya yalbeyic wocol te Cajwaltic Jesucristoe, te pajal cajwalinejtic soque.

Génesis 28:19

Betel sbiil c'ot yu'un te yawil te tone. “Sna Dios” xi' c'oem te c'asesbile; ja'uc me to, Luz sbiil ta neelal te lume.

Génesis 13:4

Te banti la spasbey scajtijib ta chiq'uel smajt'an Dios ta neelal, tey la yalbey wocol a te Cajwaltique.

Hechos 2:21

Spisil mach'atic ya sc'anic coltayel ta stojol te Cajwaltique, ya me xcolic”, te xie.

Joel 2:32

Spisil te mach'atic ya yalbey wocol te Cajwaltic ya me xcol stuquelic. Ta wits Sión, ta Jerusalén, tey ya xjul a te colele, jich nix te bit'il yaloj te Cajwaltique. Te mach'atic stsaoj stuquel cuxulic me ya xjil stuquelic.

Isaías 10:28

ya xjul ta Ajat, ya xc'ax ta Migrón, ya yijq'uitay jilel ijc'atsil ta Micmas,

Salmos 116:4

Ja'uc me to, ja' la jc'opon te Cajwaltique, la calbey wocol te yacuc scoltaybon te jcuxlejale.

Josué 18:22

Bet-arabá, Zemaraim, Betel,

Josué 8:17

Ma'yuc jtuluc winic jil ta lum Hai soc ta lum Betel, spisilic la snutsic bael te israeletique. Te bit'il ja' bajt' ta yo'tanic te nutsawe, jich ma'yuc jil scanantayel te lume.

Josué 8:3

Te Josué la xchajban spisil te swinictaque swenta yu'un ya me xbajt'ic ta stojol lum Hai. La stsa lajuneb xcha'winic ta jmil (30,000) soldadoetic. Ta ajc'ubal la sticun bael.

Josué 7:2

Te Josué ay la sticun bael winiquetic ta Jericó te bajt'ic ta Hai te ay ta stojol sloq'uib c'aal yu'un Betel, te nopol yiloj sba soc te Bet-avén. Yich'ojic mandal te ba stsajtayic te q'uinale. Jich a bajt'ic, ba stsajtayic tel.

Génesis 35:3

Jajch'ucotic ta beel ta ora, conic ta Betel. Tey me ya xc'o jpasbey scajtijib ta chiq'uel smajt'an Dios a te bit'il la scoltayon c'alal ayon ta wocole, soc la sjoinon te bayuc beenone —xi'.

Hebreos 11:9

Ta swenta xch'uunjel yo'tan te Abrahame, jun yo'tan nain tey a ta bay ma slumaluc te ja' nix te q'uinal te albot yaiy yu'un Dios te ya sq'uinaline. Tey la snain nailpac' a, soc tey nix la snain nailpac' uuc te Isaaque soc uuc te Jacobe, te jich nix albot yaiyic yu'un Dios uuc te ya sq'uinalinique.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

Génesis 13:3

C'ax tel ta Néguev, c'unc'un c'ot ta Betel ta bay la stejc'an snailpac' ta neelal, olil be ay yu'un Betel soc yu'un Hai.

Génesis 13:18

Jich te Abram la syantesbey yawil te scampamento, c'o ainuc ta jijte'eltic yu'un Mamre, te ay ta nopol lum Hebrón. Tey la spasbey scajtijib ta chiq'uel smajt'an Cajwaltic a te la yac'bey milbil smajt'an ta yalel wocol.

Génesis 22:9

C'alal c'otic ta bay q'uinal albot yu'un te Diose, jich yu'un te Abraham la spasbey scajtijib ta chiq'uel smajt'an Dios. La xchajbanbey si'il te c'ajq'ue, la sc'ol ta chuquel te Isaac, la sjawan ta sba si' ta scajtijib te smajt'an Dios te la spase.

Génesis 26:25

Jich yu'un te Isaac la spasbey scajtijib ta chiq'uel smajt'an Dios, la xchic'bey jcojt' chij tey a, soc la squejan sba ta stojol Dios. Tey la stejc'an snailpac' a, soc te abatetic yu'un la sjoq'uic jun pozo.

Josué 8:9

Jich yu'un te Josué la yalbey mandal te ya xbajt'ique. Jich bajt'ic ta snac'bel sbaic ta bay olil ay yu'un te lum Betel te lum Hai, ja' ta swenta smalib c'aal yu'un Hai. Yan te Josué c'ax ajc'ubal yu'un ta campamento.

Josué 8:12

Te Josué la snac' jo'mil (5,000) soldadoetic ta bay olil yiloj sba soc lum Betel te lum Hai, ta bay smalib c'aal yu'un te lume.

1 Samuel 30:27

Soc la sticunlabey smajt'anic te mach'atic ayic ta Betel, Ramot-ta-Neguev, Jatir,

Génesis 31:25

Te Labán c'o sta Jacob ta witstiquil Galaad. Te Jacob la stejc'anix snailpac' tey a. Ja' nix jich la stejc'an snailpac' tey a soc yermanotac te Labán.

Génesis 33:20

La spasbey jun scajtijib ta chiq'uel smajt'an Dios tey a, soc la yac'bey sbiil: El-Elohe-Israel, xi' te sbiile.

Génesis 35:7

Tey c'o spasbey scajtijib ta chiq'uel milbil smajt'an a te Diose. El-betel sbiil c'ot yu'un te q'uinal te bit'il Dios la yac' sba ta ilel ta stojol tey a, te c'alal loq'uem tel ta anel ta stojol sbanquil a.

Éxodo 17:15

Te Moisés la spasbey scajtijib smajt'an Dios. Jich la yac'bey sbiilin: “Ja' bandera cu'un te Cajwale”, xi'.

Josué 8:30

Te Josué la sts'ajc'uy scajtijib ta chiq'uel smajt'an Cajwaltic te Dios yu'un Israel ta wits Ebal,

Josué 22:10

C'alal c'otic ta muc'ja' Jordán te sts'umbal Rubén, Gad soc te olil sts'umbal Manasés, ay to ta sq'uinal cananeoetic, ta ti'ja' la sts'ajc'uyic moel muc'ul scajtijib majt'anil.

Jueces 6:24

Jich yu'un te Gedeón la sts'ajc'ubey scajtijib ta chiq'uel smajt'an tey a swenta yich'jibal ta muc' te Cajwaltique. “Lamal-o'tanil ya yac' Cajwaltic”, xi' sbiil c'ot yu'un. Te scajtijib majt'anile ay to ta Ofra ta sq'uinal yu'un te sts'umbal Abiezer.