Génesis 12:7 - Bible in Tzeltal de Oxchuc y Tenejapa

⁷ Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Bible in Tzeltal Bachajón

⁷ Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 12:7 Referans Kwoze

Gálatas 3:16

Te Abraham albot yu'un Dios te bi yilel ya xc'ot soc te sts'umbale. “Ta spisil te ats'umbale”, ma xiuc te Sjun Diose, melel ma ja'uc la yalbey sc'oplal ta spisilic. “Ats'umbal” xi', melel jtul nax te ay sc'oplal te sts'umbale. Ja' nax te Cristoe.

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 18:1

Te Cajwaltic la yac' sba ta ilel ta stojol Abraham ta jijte'eltic yu'un Mamre, te bit'il nacal ta sti' snailpac' ta yaiyel axinal yu'un xc'uxul c'aal.

Génesis 13:15

Melel spisil te q'uinal te chican ta asit ya awile, ya me cac'bat aq'uinalin soc ats'umbal ta sbajt'el ora.

Génesis 13:4

Te banti la spasbey scajtijib ta chiq'uel smajt'an Dios ta neelal, tey la yalbey wocol a te Cajwaltique.

Génesis 13:18

Jich te Abram la syantesbey yawil te scampamento, c'o ainuc ta jijte'eltic yu'un Mamre, te ay ta nopol lum Hebrón. Tey la spasbey scajtijib ta chiq'uel smajt'an Cajwaltic a te la yac'bey milbil smajt'an ta yalel wocol.

Éxodo 33:1

Te Cajwaltic, jich la yalbey te Moisese: —Baan, loc'an bael soc te lum te la aloq'ues tel ta Egipto. Tey xbaex ta bay q'uinal calojbey te Abraham, Isaac soc Jacob, te ja' te ya cac'bey yu'uninic soc ja'ex te sts'umbalexe.

Génesis 32:30

Te Jacob la slebey sbiil te banti jich c'ot ta pasele. Peniel sbiil c'ot yu'un, yu'un la yal: “Tey la quilbey sit a te Diose; ja'uc me to cuxulon, ma ba lajon yu'un”, xi'.

Génesis 26:25

Jich yu'un te Isaac la spasbey scajtijib ta chiq'uel smajt'an Dios, la xchic'bey jcojt' chij tey a, soc la squejan sba ta stojol Dios. Tey la stejc'an snailpac' a, soc te abatetic yu'un la sjoq'uic jun pozo.

Números 32:11

“Te mach'atic loq'uic tel ta Egipto te ayic ta jtab ya'wilalic baele, ma me x'ac'bot yilic te q'uinal te mero muc' sc'oplal calojbey te Abraham, Isaac soc Jacob, melel ma junuc yo'tanic la xch'uunbonic jc'op.

Génesis 12:8

C'ax xan bael te Abram, c'ot ta witstiquil ay ta stojol sloq'uib c'aal yu'un lum Betel. Tey la stejc'an snailpac' a, ay ta stojol smalib c'aal c'ot te Betel, ay ta stojol sloq'uib c'aal c'ot te Hai. Tey la spasbey yan scajtijib ta chiq'uel smajt'an a te Cajwaltique. La smilbey jcojt' chij ta stojol, jich la yalbey wocol a te Cajwaltique.

Hebreos 11:13

Spisilic in to, te c'alal lajic baele, ma to ac'bot yu'uninic te bila la yal te Diose. Ja'uc me to, ta swenta xch'uunjel yo'tanic c'ubul to yacalic ta yilel, la xch'uun yo'tanic, soc bayal sbujts' yo'tanic yacalic ta sna'el. Jich la yalic ta jamal te c'axel c'axel nax ayic soc beom nax ayic ta smajanel te q'uinale.

Romanos 9:8

Jich ya jna'tic te ma'yuc mach'a yal-snich'an Dios ya xc'ot ta swenta nax te sts'umbale. Ja' nax mero yal-snich'an Dios stuquelic te mach'atic ayic ta swenta te bila la yalbey sc'oplal te Diose.

Génesis 22:9

C'alal c'otic ta bay q'uinal albot yu'un te Diose, jich yu'un te Abraham la spasbey scajtijib ta chiq'uel smajt'an Dios. La xchajbanbey si'il te c'ajq'ue, la sc'ol ta chuquel te Isaac, la sjawan ta sba si' ta scajtijib te smajt'an Dios te la spase.

Génesis 17:3

Jich te Abram la stinan sba coel c'alal ta lum ta stojol Dios, jich c'oponot xan yu'un:

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Gálatas 4:28

Jich yu'un, quermanotac, pajalotic soc te Isaaque, melel ayinotic jich te bit'il yaloj te Diose.

Deuteronomio 30:20

C'ux me x'awaiyic te Cajwaltic Dios, ch'uunbeyaic sc'op, soc junuc me awo'tanic ta stojol, melel tey ay a te acuxlejalique, soc te ya xcuxinex bayal ja'wil tey ta lumq'uinal, te Cajwaltic jc'axel la yalbey te antiguo jts'umbaltic Abraham, Isaac soc Jacob —xi' te Moisese.

Deuteronomio 6:10

“Te Cajwaltic te Dios cu'untic ya me yaq'uex ochel ta lumq'uinal te jc'axel yalojbey te antiguo jts'umbaltic Abraham, Isaac soc Jacob. Te lumq'uinal ay buen t'ujbilic niwac lumetic yu'un te ma ja'uquex la apasique.

Deuteronomio 1:8

Jo'on ya cac'beyexix awu'uninic te q'uinale. Baanic, ich'a ta awentaic, u'uninaic te q'uinal, te jo'on Ajwalilon awu'unic jc'axel la cal ta jamal te ya cac'bey te antiguo ame'-atatic, ja' te Abraham, Isaac soc Jacob, soc te patil alnich'anetic yu'unique”, xi' te Cajwaltique —xi' te Moisese.

Éxodo 6:3

Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”, te xie.

Génesis 33:20

La spasbey jun scajtijib ta chiq'uel smajt'an Dios tey a, soc la yac'bey sbiil: El-Elohe-Israel, xi' te sbiile.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Génesis 8:20

Te Noé la spasbey scajtijib smajt'an Cajwaltic. La stsa te chambalametic soc te mutetic te lec sc'oplale. Juju-jcojt' ta chajbalchajp la smilbey smajt'anin te Diose soc la xchic'bey scojt'ol ta scajtijib.

Hechos 7:5

Pero ma ba ac'bot yu'unin jxejt'uc te q'uinale, ni ayuc yawil sna. Ja'uc me to, jamal albot yu'un Dios te ya x'ac'bot sq'uinalinic te q'uinale, soc te c'alal ya xlaje, ja' ya yu'unin te snich'nabe, manchuc teme ma'yuc snich'an chican a te c'alal albot jiche.

Hebreos 11:8

Ta swenta xch'uunjel yo'tan te Abrahame, la xch'uunbey smandal Dios te c'alal la yich' iq'uel yu'une. Jich loc' tel ta slumal, bajt' ta banti q'uinal te ya x'ac'bot yu'unin yu'un te Diose. Ja'uc me to, ma ba sna'oj stojol te banti ya xc'ot te c'alal jajch' loq'uel ta slumale.

Génesis 24:7

Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Éxodo 6:4

La jpas trato soc, ja' te ya cac'bey sq'uinalinic te sq'uinal Canaán. Ja' nix te q'uinal te banti c'axic tel ta neelale.

Éxodo 32:13

Na'a me te abatetic awu'un, ja' te Abraham, Isaac soc Israel. Te melel ja'at nix jamal la awalbey ta stojolic: “Ya cac' esmajuc ta lec te ats'umbale, jich me ya xc'ot te bit'il eq'uetic ta ch'ulchan”, te xaate. Soc la awal xan: “Spisil te q'uinal calojbeyex, ya me cac'beyex, awu'unic me sbajt'el q'uinal”, melel xaat —xi' te Moisés.

Deuteronomio 9:5

Melel ma yu'unuc slequil awat'elic, soc ni yu'unuc lequex ta winiquil ja'ex te ya awu'uninbeyic te slum-sq'uinalique. Ya xch'ojbeyex loq'uel ta asitic te Cajwaltic ta scaj te amen yat'elic, soc swenta yu'un ya xc'ot ta pasel a te bila chapal yu'un ta stojol Abraham, Isaac soc Jacob, ja' te antiguo ats'umbalique.

Deuteronomio 34:4

Jich albot yu'un te Cajwaltique: —Ja' in to, ja' te lumq'uinal la calbey ta jamal te Abraham, Isaac soc Jacob, te ya cac'bey te patil alnich'anetic yu'unique. La sc'an co'tan te la cac'bat awil ta asite, manchuc me ma ba ya x'ochatix bael tey a —xi' sc'oplal.

1 Crónicas 16:16

ja' te trato la spas soc Abraham, ja' te bila tulan la yal ta stojol Isaac,

Génesis 13:17

Jajch'an jiche, oclina te q'uinale, te bi yilel smuc'ul soc te bi yilel sjamalule, yu'un ya me cac'bat aq'uinalin —xi' sc'oplal.

Génesis 28:4

Ac'a yac'bat soc jayeb ats'umbal te bendición la yalbey te Abraham, swenta yu'un jich me ya aq'uinalin te q'uinal ta bay nainemat te jich c'oemat te bit'il jyanlum li'to, melel la yal Dios te ya yac'bey te amam Abraham —xi'.

Génesis 35:7

Tey c'o spasbey scajtijib ta chiq'uel milbil smajt'an a te Diose. El-betel sbiil c'ot yu'un te q'uinal te bit'il Dios la yac' sba ta ilel ta stojol tey a, te c'alal loq'uem tel ta anel ta stojol sbanquil a.

Génesis 35:12

“Te q'uinal la cac'bey sq'uinalin te Abraham soc te Isaac, ja'at me ya cac'batix aq'uinalin, soc ja' me ya cac'bey sq'uinalin te ats'umbal ta patil baele —xi' sc'oplal.

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

Éxodo 17:15

Te Moisés la spasbey scajtijib smajt'an Dios. Jich la yac'bey sbiilin: “Ja' bandera cu'un te Cajwale”, xi'.

Éxodo 24:4

Te Moisés la sts'ibuy spisil te bila la yal te Cajwaltique. Ta yan c'aal ta buen sab jajch' ta spasel scajtijib ta chiq'uel te milbil smajt'an Dios ta yet'al wits. La slats lajchayeb tonetic te ch'ultesbilique, jujun ta swenta juju-jchajp sts'umbal te israeletique.

Números 26:53

—Ja' me ya yich'ic puquel q'uinal te winiquetic, jich nix me te bit'il yajtalul ochic ta censo.

Josué 1:6

Ma xiwat, pasa tulan, yu'un ja'at me ya x'och ta awenta spuquel sq'uinal te lume, ja' te la calbey ame'-atatic ta namey te ya cac'beye.

Josué 8:30

Te Josué la sts'ajc'uy scajtijib ta chiq'uel smajt'an Cajwaltic te Dios yu'un Israel ta wits Ebal,

Josué 22:10

C'alal c'otic ta muc'ja' Jordán te sts'umbal Rubén, Gad soc te olil sts'umbal Manasés, ay to ta sq'uinal cananeoetic, ta ti'ja' la sts'ajc'uyic moel muc'ul scajtijib majt'anil.

Jueces 6:24

Jich yu'un te Gedeón la sts'ajc'ubey scajtijib ta chiq'uel smajt'an tey a swenta yich'jibal ta muc' te Cajwaltique. “Lamal-o'tanil ya yac' Cajwaltic”, xi' sbiil c'ot yu'un. Te scajtijib majt'anile ay to ta Ofra ta sq'uinal yu'un te sts'umbal Abiezer.

1 Samuel 7:17

Patil ya sujt' xan bael ta Ramá te banti ay sna, te banti la xchajban te israeletique, soc la spasbey scajtijib smajt'an Dios tey a.

2 Samuel 24:25

Tey la spasbey scajtijib ta chiq'uel milbil smajt'an a te Cajwaltique. La yac'bey chic'bil smajt'an soc milbil smajt'an swenta seña te lamal-o'tanil ta stojol. Jich te Cajwaltic la yich' ta wenta te wocol albot ta stojole, la sna'bey yo'bolil sba te israeletic, jich ch'ay bael ta stojol Israel te tulan chamele.

1 Reyes 18:32

La spasbey scajtijib ta chiq'uel milbil smajt'an Cajwaltic a. La xch'ac ta joq'uel ta sjoylejal te scajtijib, jich te bit'il ya x'och jtab litro yawalel te jichuque.

1 Crónicas 16:18

Jich la yal te trato: ‘Ya cac'bat te q'uinal ta Canaán, ja' awu'un soc te ats'umbal’, te xie.

2 Crónicas 20:7

Dios cu'untic, ja'at la aticunbey loq'uel yajwal te lumq'uinal ta stojol te lum Israel, la awac'bey yu'unin sbajt'el q'uinal te sts'umbal Abraham te ajoye.

2 Crónicas 20:11

Ta ora yo'tic ja' ya yac'botic jtojtic yilel. Ya yac'botic guerra, swenta yu'un ya sticunotic loq'uel a te aq'uinale, ja' te q'uinal te la awac'botic cu'unintique.

Esdras 3:2

Te Josué snich'an Josadac soc te sjo'tac sacerdoteetique, soc nix te Zorobabel snich'an Salatiel soc te xchapomale, jajch' spasic te scajtijib smajt'an te Dios yu'un Israel, swenta yu'un ya me xchic'beyic tey a te smajt'an te Diose, te ya yal ta mandalil yu'un Moisés, te swinic te Diose.

Jeremías 3:18

“Te c'alal ya xc'ot sc'aalelal, te Judá jun ya xc'ot soc Israel; pajal me ya sujt'ic tel ta slumalic ta bay norte, ja' te q'uinal te la cac'bey yu'unin te antiguo ame'-atatic te ja'exe.