Génesis 12:4 - Bible in Tzeltal de Oxchuc y Tenejapa

⁴ Jich loc' bael ta lum Harán te Abram, jich nix bit'il albot yu'un te Cajwaltique. Ja' la sjoin bael te Lot. Ay jo'lajuneb xchanwinic (75) ya'wilal te Abram c'alal loc' tel ta lum Harán te bajt' ta sq'uinal Canaán.

Bible in Tzeltal Bachajón

⁴ Hich baht te Abram, hich te bin ut'il halbot yu'un te Jehová, soc joquinot bahel yu'un te Lot. Ay ho'lajuneb schanwinic (75) ya'bilal a te Abram c'alal loc' bahel ta Harán.

Génesis 12:4 Referans Kwoze

Hebreos 11:8

Ta swenta xch'uunjel yo'tan te Abrahame, la xch'uunbey smandal Dios te c'alal la yich' iq'uel yu'une. Jich loc' tel ta slumal, bajt' ta banti q'uinal te ya x'ac'bot yu'unin yu'un te Diose. Ja'uc me to, ma ba sna'oj stojol te banti ya xc'ot te c'alal jajch' loq'uel ta slumale.

Génesis 11:31

Te Taré la yic' bael te snich'ane, ja' te Abram, soc te xch'in mam, ja' te Lot te snich'an Harán, soc te yalibe, ja' te Sarai te yinam Abram. Loq'uic bael ta Ur te ay ta sq'uinal caldeoetic, c'an bajt'uquic ta sq'uinal Canaán. Ja'uc me to, ja' nax c'otic ta lum Harán, tey c'otic ta nainel a.

Génesis 11:27

Jich ay te lista yu'un te sts'umbal Taré: ja' snich'nab Taré te Abram, Nacor soc te Harán. Ja' snich'an Harán te Lot sbiile.

Hechos 7:4

Jich te Abrahame loc' tel ta sq'uinal caldeoetic. Ba ainuc ta lum Harán. Patil te c'alal lajemix te state, Dios ic'ot tel yu'un li'to, te banti ainemotic ta ora to.

Hebreos 6:15

Te Abrahame jun yo'tan la smaliy. Jich la yich' te bila albil yu'un te Diose.

Génesis 16:3

Jich yu'un te Sarai la yic' tel te Agar, te scriada ja' te egipcia-antse, la yac'bey yinamin te Abram, ja' te smamlale. C'axix lajuneb ja'wil a te bit'il nainem ta sq'uinal Canaán te Abrame.

Génesis 16:16

Ay waqueb yo'winic (86) ya'wilal a te Abram c'alal ayin yal te Agar, te Ismael sbiile.

Génesis 25:7

Te jayeb ja'wil cuxin te Abraham, jo'lajuneb sbalunwinic (175) ja'wil.

Génesis 28:10

Te Jacob loc' ta Beerseba, been bael ta sbelal lum Harán.

Génesis 13:5

Te Lot te sjoinej ta beel te Abrame, jich nix ay bayal xchij soc swacax soc ay bayal nailpaq'uetic yu'un.