Génesis 12:16 - Bible in Tzeltal de Oxchuc y Tenejapa

¹⁶ Te faraón la xc'uxtay te Abram ta swenta Sarai. La yac'bey ta majt'anil tsobol chijetic, wacaxetic, burroetic soc tsobol winiquetic antsetic te ac'bot smozoine, soc tsobol camelloetic.

Bible in Tzeltal Bachajón

¹⁶ Lec bin la spasbe te Abram ta scuenta te antse; la ya'be tuminchijetic, wacaxetic, burrohetic, a'bat ants-winiquetic, burrahetic, soc camellohetic.

Génesis 12:16 Referans Kwoze

Génesis 20:14

Jich yu'un te Abimelec la yic' tel bayal xchij soc bayal swacax, soc bayal abatetic yu'un, antsetic soc winiquetic. Spisil la yac'bey smajt'anin te Abraham, soc la sujt'esbey te yiname, ja' te Sara.

Génesis 13:2

Ay bayal sc'ulejal te Abram, ay bayal xchamsbalam, soc ay bayal oro soc plata yu'un.

Job 42:12

Ac'bot bayal bendición yu'un Dios te Job ta slajibalix bael te jayeb ja'wil cuxine. Bayal xan bitic esmaj yu'un a te bit'il ay yu'un ta neelal to, melel esmaj xan chanlajunmil (14,000) chijetic, wacmil (6,000) camelloetic, jmil (1,000) ta jchajp wacaxetic te ya sjoq'uic lum ta arado, soc jmil (1,000) me' burraetic.

Job 1:3

Ay esmaj jucmil (7,000) chijetic yu'un, oxmil (3,000) camelloetic, jo'winic xcha'bajc' (500) ta jchajp j'at'el-wacaxetic, soc jo'winic xcha'bajc' (500) ta jcojt' me' burraetic yu'un. Ay mero bayal manbil abatetic. Mero jc'ulej te winique, c'ax jich a te bit'il yantic te ainemic ta stojol sloq'uib c'aale.

Génesis 32:5

Ayix swacax, sburro, xchij, soc ayix manbil winiquetic soc antsetic yu'un. Jich yu'un la sticunbat ta alel, yu'un ja' ya sc'an te ayuc yutsil awo'tan ta stojol”, xaex me ya xc'oex —xi' te Jacobe.

Génesis 26:14

Bayal me xchij, bayal swacax, bayal swinictac, asta bic'tal-o'tantayot yu'un te filisteoetique.

Génesis 24:35

Bayal ac'bil bendición yu'un Dios te cajwal, jc'ulej yu'un: ay bayal xchij; ay bayal swacax; ay bayal oro soc plata yu'un; ay bayal manbil abatetic winiquetic soc antsetic yu'un; soc ay bayal camelloetic soc burroetic yu'un.

San Lucas 12:45

Yan teme ya xcaj yal ta yo'tane: “Te Cajwal ma xtal ta ora”, teme xie, soc teme ya xjajch' yuts'in te abatetic soc te criadaetique, soc teme ya xjajch' ta we'el-uch'ajel soc ta yacubel,

Génesis 13:6

Te q'uinal te banti ayique, ma tic'uc ya x'ainic ta xchebalic a, melel bayal te xchamsbalamique, jich yu'un ma spas te jun nax ya x'ainic a te q'uinale.

Génesis 16:1

Te Sarai te yinam Abram ma x'alaj; ja'uc me to ay scriada, egipcia-ants, Agar sbiil.

Génesis 30:43

Jich bayal esmaj sc'ulejal te Jacob. Ay tsobol xchij, soc ay bayal manbil winiquetic soc antsetic, soc ay bayal scamello, soc ay bayal sburro.