Génesis 12:15 - Bible in Tzeltal de Oxchuc y Tenejapa

¹⁵ Te sjo'tac ta at'el te faraón la yilic te Sarai, buen lec c'ot sc'oplal yu'unic ta stojol te faraón, te muc' ajwalil yu'un Egipto. Jich ic'ot bael ta sna faraón te antse.

Bible in Tzeltal Bachajón

¹⁵ Ha nix hich te príncipaletic yu'un faraón la yilic soc la yalbeyic yutsil sc'oblal ta stojol te faraón. Hich ic'ot bahel ta sna faraón te antse.

Génesis 12:15 Referans Kwoze

Génesis 20:2

Tey la yal a te Abraham te ja' yijts'in te Sarae, ma ba la yal ta jamal te ja' yiname. Jich yu'un te muc' ajwalil yu'un Gerar, Abimelec sbiil, la sticun ta iq'uel te Sara, c'an yic' yinamin.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

Jeremías 46:17

“Ac'beya yixta-biil faraón te muc' ajwalil yu'un Egipto: “Jtojol ch'inch'onel”, xiuc me.

Proverbios 29:12

Te ajwalil te ya xch'uunbey sc'op te jpas-lote, amen ya xc'ot spisil te abatetic yu'une.

Proverbios 6:29

Te mach'a ya slo'lay sba soc yan ants, ma xju' te libre ya xloq'ue.

Salmos 105:4

Leaic te Cajwaltic soc te yu'ele; leaic ta spisil ora te Cajwaltique.

2 Reyes 18:21

Te ya quile, ja' smuc'ulinej awo'tan te ja' ya awich' awip ta Egipto. Lec ay, pero te Egipto jich c'oem te bit'il c'ajem jalal te wojch'oltique. Teme ay mach'a ya yich' yip a, ya x'och ta sc'ab, asta ya xc'ax ta jejch'. Jich me c'oem te faraón abi, te muc' ajwalil ta Egipto, ta stojol te mach'atic ja' ya smuc'ulin yo'tanique.

1 Reyes 3:1

Te Salomón la snialmamalin te faraón te muc' ajwalil ta Egipto. Melel nujbin soc te yantsil-nich'ane. La yic' bael tey ta Lum-yu'un-David te jayeb xan c'aal yac ta sju'tesel te snae, te templo yu'un Cajwaltic, soc te sts'ajc'ul ta sjoyobal Jerusalén.

Éxodo 2:15

Te faraón la yaiy stojol te ay smiloj jtul egipcio te Moisese. Jich la sticun ta leel, yu'un ya yich' milel uuc. Te Moisés loc' ta anel, bajt' ta sq'uinal Madián, c'o snajc'an sba ta nopol pozo.

Éxodo 2:5

Ja' yorail a te coj tel ta atimal ta muc'ja' te yantsil-nich'an faraón. Te criadaetic yu'un ba yaiyic paxeal ta ti'ti'ja'. Te yantsil-nich'an faraón tey la yil a te moch te ay ta yolil jalaletic. Jich la sticun bael jtul scriada, ba sloq'ues tel.

Génesis 41:1

Cheb ja'wil ta patil ay swaich te faraón: Teq'uel laj ta ti'ja' ta swaich.

Génesis 40:2

Te faraón la yilintay xchebal: te yabat swentainej te mach'a jayeb ya sc'asesbey svaso soc te yabat swentainej te mach'a jayeb ya spasbey swe'ele.

Ezequiel 32:2

—C'ajintaybeya ta stojol faraón, muc' ajwalil yu'un Egipto, te c'ayoj swenta lajel in to: “Pajalat soc león-choj ta stojol nacionetic; jichat bit'il smuc'ul chanul ja': ya atijulay ta awacan te muc'ja'e, ya atatubtes, ya abulantes te yacan ja'e.

Jeremías 25:19

Ja' nix jich la cac'bey yuch' faraón muc' ajwalil yu'un Egipto soc te sjo'tac ta ajwalil, te jtsobwanejetic soc spisil te lum yu'une,

Génesis 12:14

C'alal c'ot ta Egipto te Abram, te egipcioetic la yilic te bit'il buen t'ujbil ants ta jyalel te Sarai.

Génesis 26:7

Te winiquetic ayic tey a la sjojc'obeyic bi yutoj te ants sjoineje, ja' te yiname. La sjac' te Isaac: —Quijts'in-ach'ix —xi'. Yu'un la xi' te ya yalbey yaiy te bit'il yinam, melel la yal ta yo'tan teme ya xmilot yu'un te winiquetic ta scaj te Rebeca te melel buen t'ujbil ants.