Génesis 12:13 - Bible in Tzeltal de Oxchuc y Tenejapa

¹³ Jich yu'un ya me awalbey yaiyic te bit'il quijts'inat, swenta yu'un jich me lec ya xc'oon ta awenta, soc jich me ya xcuxinon ta awenta —la yut.

Bible in Tzeltal Bachajón

¹³ Ha yu'un ya me awal te quihts'inat scuenta yu'un lec ya xc'ohon soc cuxul ya xhilon ta acuenta, xchi.

Génesis 12:13 Referans Kwoze

Génesis 26:7

Te winiquetic ayic tey a la sjojc'obeyic bi yutoj te ants sjoineje, ja' te yiname. La sjac' te Isaac: —Quijts'in-ach'ix —xi'. Yu'un la xi' te ya yalbey yaiy te bit'il yinam, melel la yal ta yo'tan teme ya xmilot yu'un te winiquetic ta scaj te Rebeca te melel buen t'ujbil ants.

Génesis 20:2

Tey la yal a te Abraham te ja' yijts'in te Sarae, ma ba la yal ta jamal te ja' yiname. Jich yu'un te muc' ajwalil yu'un Gerar, Abimelec sbiil, la sticun ta iq'uel te Sara, c'an yic' yinamin.

Génesis 20:5

Melel la yalbon te Abraham te ja' yijts'in te antse, soc jich nix la yal te ants te ja' sbanquil ta sc'ope. Jich yu'un jun co'tan, ma'yuc mulil ta co'tan te c'an quiq'ue —xi'.

Ezequiel 18:4

Jo'on cu'un spisilic te ants-winiquetique, jich te me'il-tatiletic soc nix te alnich'anetique. Te mach'a ya sle smule, ya me xlaj.

Isaías 57:11

“¿Mach'atic a te diosetic te axi'oj soc te awich'oj ta muc', te ma tojuc awo'tan ta jtojol yu'une, soc te jc'axel la ach'ayon ta awo'tan yu'une? Te c'alal ma ba la awich'on ta muc', ma ba c'opojon, ma'yuc bila la cal yu'un.

Génesis 11:29

Te Abram nujbin soc te Sarai. Te Nacor nujbin soc te Milca. Ja' yantsil-nich'nab Harán te Milca soc te Isca.

Colosenses 3:6

Ja' ta swenta in muliletic to te ya x'ac'bot yich'ic tulan castigo yu'un Dios te mach'atic te jch'ay-mandale.

Romanos 6:23

Melel te stojol te mulile, ja' te lajele. Yan te majt'anil yu'un te Diose ja' te cuxlejal sbajt'el q'uinal ta swenta te jun c'oemotic soc Cristo Jesús te Cajwaltique.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Génesis 12:14

C'alal c'ot ta Egipto te Abram, te egipcioetic la yilic te bit'il buen t'ujbil ants ta jyalel te Sarai.

Jeremías 38:17

Ja' yu'un te Jeremías la yalbey Sedequías: —Te Cajwaltic te Spisil ya xju' yu'une, te Dios yu'un Israel, jich ya yalbat: “Teme ya awac' aba ta sc'ab ta jc'axel te generaletic yu'un te muc' ajwalil ta Babilonia, te ja'at soc te mach'atic ay awu'un ya me xcuxinex, soc te lume ma ba ya yich' chiq'uel.

Jeremías 38:20

Jeremías la sjac': —Ja'uc me to, muc' ajwalil, ma ba x'ochat ta sc'abic. Wocoluc, ch'uunbeya sc'op Cajwaltic te la calbatix awaiye. Jich me lec ya xc'oat ta loq'uel, jich me ya xcol acuxlejal.