Génesis 11:5 - Bible in Tzeltal de Oxchuc y Tenejapa

⁵ Te Cajwaltic coj tel yil te muc'ul lum soc te muc'ul toyol ts'ajc' te yacalic ta spasel te winiquetique.

Bible in Tzeltal Bachajón

⁵ Te Jehová co tal ta yilel te muc'ul pueblo soc te muc'ul toyol ts'ahc te yacalic ta spasel te snich'nab winiquetic.

Génesis 11:5 Referans Kwoze

Génesis 18:21

Jich yu'un ya xcoon bael, ya quil teme jich spasojic te bit'il ay sc'oplalic caiyoj stojole. Teme ma jichuque, ya me jna' stojol —xi'.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

Éxodo 19:11

Jich me chapalic ta lec te cha'weje. Melel te cha'weje, ya me xcoon tel ta sitic te lume ta wits Sinaí, jo'on te Ajwalilone.

Salmos 11:4

Te Cajwaltic ay ta ch'ul templo yu'un; ay smuc'ul nactijib ta ch'ulchan. Mero jamal sit ta lec stuquel, yat'elinej scanantayel xcuxlejal te ants-winiquetique.

Éxodo 19:20

Te Cajwaltic tey coj tel a ta bay slajibal jol wits Sinaí. Albot te Moisés te ya xmo bael tey a ta ba ay te Diose. Jich mo bael te Moisés.

Éxodo 19:18

Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.