Génesis 10:5 - Bible in Tzeltal de Oxchuc y Tenejapa

⁵ Te sts'umbal Jafet la spuc sbaic ta ti'mar, chajbalchajp lum la yic' sbaic ta sq'uinalic. Spisilic la stsob sbaic ta sejpelsejp sq'uinalic, chican bit'il ay sc'opic ta chajbalchajp.

Bible in Tzeltal Bachajón

⁵ Ha'ic te nahinic ta ti'mar, chahpalchahp la stsob sbahic, ha chican bin ut'il ay te sc'opique.

Génesis 10:5 Referans Kwoze

Sofonías 2:11

Te Cajwaltic xiweltic nax me sba ta stojolic. Ya me sjin spisil te lotil diosetic ta lumq'uinale; soc ja' me ya yich' ch'uunel yu'un spisil ants-winiquetic ta bayuc, asta te mach'atic ayic ta q'uinal joytaybil ta mar.

Jeremías 2:10

Baanic ta bay q'uinaletic te joybilic ta ja' te ay ta smalib c'aal, soc ila awilic tey a; ticunaic bael ta ilel te Cedar swenta yu'un ya me atsajtay awilic ta lec teme ay banti jich c'oem ta pasel yu'unic

Jeremías 25:22

soc nix spisil te muc' ajwaliletic yu'un Tiro soc Sidón; soc nix spisil te mach'atic muc' ajwaliletic yu'un te lumetic ta ti'mar Mediterráneo;

Isaías 42:4

Ma ba ya xlub, ni ma ba ya xch'ay te smuc'ul yo'tane, ja' to teme chicnaj te stojil chajbanel ta balumilale. Te lumetic ta ti'ti'mar jun me yo'tan ya yaiyic stojol te p'ijubtesele —xi' te Diose.

Génesis 10:20

Ja' sts'umbal Cam ta juju-jchajp soc ta jujun sc'opic ta juju-jsejp sq'uinalic.

Isaías 60:9

Barcoetic yilelic te pajal yacalic ta talele, soc te muc'ul barcoetic yu'un Tarsis te neel ay tel yu'une. Yacal ta yiq'uel tel ta c'ubul te anich'nab, soc oro soc plata, ta yich'el ta muc' te Awajwale, te Ch'ul Dios yu'un Israel, te mach'a t'ujbil awutsilal la spasate.

Isaías 59:18

Te Cajwaltic ya me yac'bey stoj juju-jtul jich te bit'il ya sc'ane; ya me yac'bey castigo te scontrotaque. Te mach'atic ya yilay te Cajwaltic, ya me yac'bey stoj jich te bit'il ya sc'ane; soc me te ants-winiquetic te nainemic ta ti'mar.

Isaías 51:5

Ya xnoptsaj tel ta ora te tsalaw cu'une; te cat'el ta jcoltaywanej ay meix tel ta be. Ta swenta cu'el ya me xmandalajon ta stojol te lumetique. Te lumetic ta ti'mar ya me smaliyonic, ja' me ya smuc'ulin yo'tanic te cu'ele.

Isaías 49:1

Aiya awaiyic stojol, ja'ex lumetic ta ti'mar; aiybon awaiyic stojol, nacionetic te c'ubul ayexe. Te Cajwaltic la yic'on te c'alal ma to x'ayinon a; la yalbon loq'uel te jbiil c'alal ayon to ta xch'ujt' a te jme'e.

Isaías 42:10

C'ajintayaic te Cajwaltic ta yach'il c'ayoj; c'alal ta bay c'ubul ayex ta balumilal, albeyaic yutsil ja'ex te ya xbeenex ta barco ta mar, soc te chambalametic nainemic tey a, te lumetic ta ti'ti'mar soc te yajwalique.

Isaías 41:5

Te lumetic ta ti'ti'mar la yilic soc bayal och xiwel ta yo'tanic; nijc' te lumq'uinal ta juju-jejch' sti'il te q'uinale. Ya stsob sbaic tel, ya xtal yilic.

Isaías 40:15

Te Cajwaltic, jich nax c'oem ta yo'tan te nacionetic te bit'il jt'ul nax ja', jp'ij nax tsubil lum c'oem ta báscula; te lumetic ta ti'ti'mar, jich c'oemic ta yo'tan te jp'ij sit ji'.

Isaías 24:15

Jich nix ta bay sloq'uib c'aal soc te lumetic ta sti'il mar, ya me yalbeyic yutsil sc'oplal te Cajwaltic Dios yu'un Israel.

Salmos 72:10

Ac'a yich'ic tel majt'aniletic te muc' ajwaliletic yu'un Tarsis, soc yu'un te q'uinaletic joytaybilic ta ja', soc nix te muc' ajwaliletic yu'un Sabá soc Seba, soc ac'a stoj spatanic ta stojol te muc' ajwalile.

Génesis 10:25

Ay cheb snich'nab Heber: Peleg sbiil te jtule, yu'un cuxul to a c'alal la spuc sbaic bael ta lumq'uinal spisil te ants-winiquetique. Joctán sbiil te yijts'ine.

Génesis 10:4

Jich sbiilic te sts'umbal Javán: Elisa, Tarsis, Quitim soc Rodanim.

Génesis 10:6

Jich sbiilic te sts'umbal Cam: Cus, Mizraim, Fut soc Canaán.

Ezequiel 26:15

“Jo'on Ajwalilon, ya calbey te Tiro: Te nacionetic ayic ta ti'ti'mar, ya me xjajch'ic ta nijq'uel yu'un xiwel teme la yaiybeyic sc'op te lajel ta atojole, soc te ajc'an yu'un ejch'en, soc te yacalic ta milel te mach'atic ja' slumalic te Tiro.

Ezequiel 26:18

Te yantic lumq'uinaletic ta ti'ti'mar yacalic ta nijq'uel yu'un xiwel, ja' yacal xi'belic te ochatix ta c'abale. Te q'uinaletic ayic ta yolil ja', nojelix xiwel ta yo'tanic, ja' la xi'ic te ch'ayatix ta q'uinale”, xiic me.

Daniel 11:18

Patil ya me yac'bey guerra te lumetic ta ti'ti'mar, tsobol me ya x'och ta sc'ab. Pero ay me jtul general ya slajinbey sc'oplal te bila q'uexlaltic sba ta pasele, ya me yac' ta q'uexlal yu'un te muc' ajwalil ta norte.

Génesis 9:19

Ja' sts'umbalic te oxtul snich'nab Noé te ants-winiquetic te la snojes xan te balumilale.

Génesis 10:32

Ja' sts'umbal Noé ta juju-jchajp ta sejpelsejp sq'uinalic. Ja'ic te la spuc sbaic te la slumalinic te q'uinal ta sejpelsejp ta spamal balumilal te c'alal c'axix a te pulemale.

Deuteronomio 32:8

Te mach'a mero Toyole, ta namey la spuc ta lumq'uinal te ants-winiquetic soc te nacionetique, la yac'bey seña bay c'alal sti'il te lumetique. Pero ay sc'oplal ta yo'tan te israeletique,

Ester 10:1

Te muc' ajwalil Asuero la sc'an patanetic ta stojol te mach'atic nainemic ta spisil te q'uinal te wentainbil yu'un ja' to c'alal ta ti'mar.

Isaías 11:11

Te c'alal ya sta yoraile, te Cajwaltic ya me yac' ta ilel yan buelta te yu'ele: Ya me stsob xan te mach'atic yu'un te cuxulic to, ya me yic' sujt'el te ayic ta Asiria soc ta Egipto, ta Patros, Etiopía, Elam, Sinar, Hamat soc ta lumetic ta ti'ti'mar.