Génesis 10:32 - Bible in Tzeltal de Oxchuc y Tenejapa

³² Ja' sts'umbal Noé ta juju-jchajp ta sejpelsejp sq'uinalic. Ja'ic te la spuc sbaic te la slumalinic te q'uinal ta sejpelsejp ta spamal balumilal te c'alal c'axix a te pulemale.

Bible in Tzeltal Bachajón

³² Hich ay te snich'nab Noé ta cajalcaj sts'umbal soc ta jujuchahp nacionetic. Tey hahchic tal a te jujuchahp nacionetic te la spuc sbahic bahel ta q'uinal te c'alal c'axix a te puhlele.

Génesis 10:32 Referans Kwoze

Génesis 9:19

Ja' sts'umbalic te oxtul snich'nab Noé te ants-winiquetic te la snojes xan te balumilale.

Hechos 17:26

“Ta swenta jtul nax winic, Dios la xchicnantes spisil ta jchajp ants-winiquetic, swenta yu'un ya x'ainic ta spamal te balumilale. Xjajch'ibal to chajbanbil yu'un Dios te yorailic ta cumulcum soc ta banti ay te smojonil sq'uinalique.

Génesis 10:1

Jich ay te lista yu'un te sts'umbal Noé: ja' te Sem, Cam soc Jafet. Ayin yal-snich'anic c'alal c'axix a te pulemale.

Génesis 10:25

Ay cheb snich'nab Heber: Peleg sbiil te jtule, yu'un cuxul to a c'alal la spuc sbaic bael ta lumq'uinal spisil te ants-winiquetique. Joctán sbiil te yijts'ine.

Génesis 10:20

Ja' sts'umbal Cam ta juju-jchajp soc ta jujun sc'opic ta juju-jsejp sq'uinalic.

Génesis 9:7

Jich yu'un, esmajanic bayal, nojesaic te balumilale —xi' te Diose.

Génesis 9:1

Dios la yac'bey bendición te Noé soc te snich'nabe, jich la yalbey: —Esmajanic, nojesaic xan te q'uinale.

Génesis 10:31

Jich sbiilic te sts'umbal Sem ta juju-jchajp soc ta jujun sc'opic, ta sejpelsejp sq'uinalic.

Génesis 11:1

Pajal sc'opic spisil ants-winiquetic ta balumilal, jun nax sc'opic.

Génesis 10:5

Te sts'umbal Jafet la spuc sbaic ta ti'mar, chajbalchajp lum la yic' sbaic ta sq'uinalic. Spisilic la stsob sbaic ta sejpelsejp sq'uinalic, chican bit'il ay sc'opic ta chajbalchajp.

Job 15:19

ja'ic te mach'atic ac'botic te lumq'uinale, ja'ic te ma ba capalic soc jyanlumetique.