Génesis 10:19 - Bible in Tzeltal de Oxchuc y Tenejapa

¹⁹ Jich ay te sts'ajc' sjoyobal te cananeoetique: tey jajch' ta Sidón, c'ot ta yelaw sq'uinal Gerar, ta yelaw sq'uinal Gaza, ta stojol ta bay Sodoma soc ta Gomorra, c'ot ta yelaw sq'uinal Adma, c'ot ta yelaw sq'uinal Zeboim, jul ta loq'uel ta yelaw sq'uinal Lasa.

Bible in Tzeltal Bachajón

¹⁹ Te sti'sts'ahcan te cananeohetic hahch ta Sidón, c'ax ta stojol Gerar c'alal Gaza; c'ax ta stojol Sodoma, Gomorra, Adma, Zeboim, c'alal ta Lasa.

Génesis 10:19 Referans Kwoze

Génesis 14:2

Te chaneb muc' ajwaliletic la yac'beyic guerra te jo'eb muc' ajwaliletic, ja' te muc' ajwalil yu'un te lum Sodoma te Bera sbiil, soc te muc' ajwalil yu'un te lum Gomorra te Birsa sbiile, soc Sinab te muc' ajwalil yu'un lum Adma, soc Semeber te muc' ajwalil yu'un lum Zeboim soc te muc' ajwalil yu'un lum Bela, ja' te Zoar yan sbiile.

Oseas 11:8

“¿Bit'il c'an quijq'uitayat ta co'tan, Efraín? ¿Bit'il c'an ch'ayucat ta co'tan, Israel? ¿Jich bal c'an jinat te bit'il la jin te lum Adma, jich bal ya jpasbat ta atojol te bit'il la jpasbey te lum Zeboim? Bayal ya xc'opoj co'tan awu'un; ta spisil co'tan ya jna'belat yo'bolil aba.

Jeremías 25:20

soc nix te ants-winiquetic te yantic sts'umbal te ayic tey a. Soc la cac'bey yuch'ic spisil te muc' ajwaliletic ta sq'uinal Uz, soc ta bay sq'uinal filisteoetic, ja' te lum Ascalón, Gaza, Ecrón soc te bay jilem xan ta Asdod;

Jueces 16:1

Ay jun c'aal bajt' ta lum Gaza te Sansón. La yil jtul jmulawil ants tey a, och bael ta sna te ya xc'ax ajc'ubal yu'un soque.

Deuteronomio 32:8

Te mach'a mero Toyole, ta namey la spuc ta lumq'uinal te ants-winiquetic soc te nacionetique, la yac'bey seña bay c'alal sti'il te lumetique. Pero ay sc'oplal ta yo'tan te israeletique,

Génesis 26:1

Tal wi'nal tey a ta lumq'uinal ta bay nainem te Isaac, jich nix bit'il tal wi'nal c'alal cuxul to a te Abrahame. Jich yu'un te Isaac bajt' ta lum Gerar te banti ay Abimelec te ajwalil yu'un te filisteoetique.

Génesis 20:1

Te Abraham loc' bael tey a, been bael ta sq'uinal Néguev. C'o nainuc ta lum Gerar te ay ta olil q'uinal yu'un Cades soc yu'un Shur.

Génesis 18:20

Jich la yal Cajwaltic ta stojol Abraham: —Te yajwal Sodoma soc Gomorra bolobeniquix, esmajix smulic ta jyalel.

Hechos 8:26

Ay jtul ch'ul abat yu'un Cajwaltic, c'oponot yu'un te Felipe, jich albot: —Jajch'an, baan ta stojol sur ta banti be te ya xjajch' tel ta lum Jerusalén te coel ya xbajt' ta lum Gaza —xi'. Ja' in be to, ja' te ya xc'ax ta jochol taquin q'uinale.

Génesis 10:18

te arvadeoetic, te zemareoetic soc te hamateoetique. Patil pujq'uic bael ta stojol Gerar te sts'umbal Canaán.

Génesis 10:20

Ja' sts'umbal Cam ta juju-jchajp soc ta jujun sc'opic ta juju-jsejp sq'uinalic.

Génesis 14:3

Te jo'tule la stsob sbaic yu'un guerra ta bay spamlej Sidim, ja' ta bay te Mar Muerto,

Josué 19:28

jich la smac tel te Abdón, Rehob, Hamón soc Caná, ja' to c'ot ta muc'ul lum Sidón.

2 Crónicas 14:13

Te Asa soc te swinictac la snutsic bael c'alal ta Gerar, tey c'otic ta lajel a te etiopiaetic, ni jtuluc ma'yuc mach'a cuxul a jil. Lajic ta milel tsobol winiquetic yu'un te Cajwaltique soc te soldadoetic yu'une. Jich te judioetic la yu'uninic te bayal biluquetic yu'un te scontroique.

Isaías 23:4

Nojuc me q'uexlal ta awo'tan, lum Sidón, te yipat te mar, jich me ya awal: “Ma'yuquix xc'uxul te alajele, ma ba ya x'alajonix. Ma'yuquix calatac ya jch'ijtes, ma'yuc cantsil-alatac ta sp'ijubtesel”, xaat me ta yalel.

Jeremías 47:1

Ja' sc'op Cajwaltic te la yalbey te j'alwanej Jeremías te sc'oplal filisteoetique, te c'alal ma to bay yac'ojbey guerra te lum Gaza te faraón. Jich la yal:

Ezequiel 28:21

—Ja'at winic, sujt'es aba ta stojol Sidón, c'opona ta jwenta jo'on,

Deuteronomio 2:23

Jich nix pasbotic te heveoetique, tey nainemic ta nanatic ta nopol Gaza, jc'axel la yich'ic lajinel yu'un te filisteoetic, ja' te talic ta Creta, tey jilic ta nainel a.)

Jueces 6:4

C'otic ta spasel scampamentoic ta sq'uinal te israeletique. Jujun ja'wil la slajinbeyic sit te yawal-sts'unubic c'alal ta sq'uinal Gaza. Ma'yuc bitic ijq'uitaybotix swe'elinic te israeletic, ni ja'uc te xchijic, swacaxic soc te sburroic te ya xtuun xan yu'unique.

1 Samuel 13:18

yan bajt' ta Bet-horón, te yoxebale bajt' ta ch'in wits ta suclej yu'un Zeboim ta stojol muc' taquin q'uinal bael.

2 Crónicas 14:12

Jich yu'un te Cajwaltic la yac'bey yaiy tsalaw te Asa soc te lum Judá, la stsalic te etiopiaetic, anic bael ta stojol.

Job 38:20

¿Ya bal ana' yaq'uel bael ta mero slajibal sti'il balumilal, soc ya bal xju' awu'un te ya awac' xan sujt'el ta banti jajch'em tele?

Isaías 23:11

Te Cajwaltic la stoyix bael sc'ab ta stojol mar, la yac' nijc'uc te nacionetic, soc la yal mandal ta jinel te tulanil ts'ajq'uetic ta Canaán.