Génesis 10:10 - Bible in Tzeltal de Oxchuc y Tenejapa

¹⁰ Tey mandalaj a ta bay lum Babel, ta Erec, ta Acad soc ta Calne, te ayic ta sq'uinal Sinar.

Bible in Tzeltal Bachajón

¹⁰ Te Babel, Erec, Acad soc Calne, ha te capitaletic ta sq'uinal Sinar te banti scuentahinej.

Génesis 10:10 Referans Kwoze

Génesis 11:9

Ja' swentail te bit'il Babel sbiil c'ot te lume, yu'un Dios la sc'atp'unbey sc'opic spisil ants-winiquetic, soc la spuc bael ta spamal balumilal.

Génesis 11:2

Ja'uc me to, loq'uic tel ta stojol sloq'uib c'aal, c'o staic muc'ul spamlej q'uinal ta Sinar, tey c'otic ta nainel a.

Miqueas 4:10

Ts'ota aba yu'un xc'uxul, soc awunan, lum yu'un Sión, jich bit'il xc'uxul alajel ya yaiy te antse. Melel te ants-winiquetic awu'un ya xloc' bael ta atojol, ya me xba nainuc ta jamal q'uinal, soc ya me xc'ot c'alal ta Babilonia. Ja'uc me to, te Cajwaltic tey me ya yac' ta libre a te lum yu'une, ya me scoltay ta sc'ab te scontrotaque.

Génesis 14:1

Jich ora ochem ta muc' ajwalil yu'un Sinar te Amrafel, soc ochem ta muc' ajwalil yu'un Elasar te Arioc, soc ochem ta muc' ajwalil yu'un Elam te Quedorlaomer, soc ochem ta muc' ajwalil yu'un Goim te Tidal sbiile.

Zacarías 5:11

La sjac'bon, jich la yal: —Ya xba spasbeyic stemplo ta Babilonia. Te c'alal ju'emix a te templo yu'une, ya me yaq'uic tey a, ya me yaq'uic ta yawil ta scajtijib —xi'.

Miqueas 5:6

Ja'ic ya xmandalajic ta Asiria soc spuñalic, te Asiria ja' te slumal Nimrod; soc ya me scoltayotic ta sc'abic te asiriaetic te c'axemiquix tel ta bay sts'ajc' jq'uinaltic te la yochintaybotiquixe.

Amós 6:2

Baan ilawilic te Calne, ya me xc'axat ta muc'ul Hamat, soc coanic bael ta yilel Gat yu'un te filisteoetique. ¿Yu'un bal ja' lequex xan yu'unic a te nacionetique? ¿Te alumalic, ja' bal lec xan stuquel a te slumalique?

Jeremías 50:21

“Ac'beyaic guerra te q'uinal yu'un Merataim soc te mach'atic yajwal Pecod. Nutsaic ta jyalel, jinaic ta jc'axel; c'otesaic ta pasel spisil te jmandale. Jo'on Ajwalilon, te ya cal mandale —xi'.

Isaías 39:1

Ja' jich sc'aalelal a, te muc' ajwalil Merodac-baladán snich'an te Baladán, te muc' ajwalil yu'un Babilonia, la yaiybey stojol sc'oplal te ay ta chamel te Ezequías, soc te bit'il bujts'najix q'uinal ya yaiye. Jich yu'un ta swenta abatetic la sticun bael cartaetic soc smajt'an.

Isaías 11:11

Te c'alal ya sta yoraile, te Cajwaltic ya me yac' ta ilel yan buelta te yu'ele: Ya me stsob xan te mach'atic yu'un te cuxulic to, ya me yic' sujt'el te ayic ta Asiria soc ta Egipto, ta Patros, Etiopía, Elam, Sinar, Hamat soc ta lumetic ta ti'ti'mar.

Isaías 10:9

Te jo'one pajal c'oem ta co'tan ta spisil te lumetic, ja' te Calno soc te Carquemis, te Hamat, ja' pajal soc te Arfad, ja' nix jich te Samaria soc te Damasco, pajal c'oem ta co'tan.

Daniel 1:2

Te Cajwaltic ma ba la scoltay te Joacim, jich tsacot yu'un te Nabucodonosor, soc la yac' ochuc ta sc'ab bayal te biluquetic yu'un templo yu'un te Diose. Te Nabucodonosor la yic' bael ta Babilonia te jchuqueletique. Te ch'ul biluquetic la yac' ta yawil sc'ulejal ta templo yu'un te diosetic yu'une.

Génesis 10:9

Yajwal smilel chambalam ta ja'mal ta swenta sc'anjel yo'tan te Diose. Ja' swentail te jich ay ta alel: “Jich yo'tan bit'il Nimrod, te mero ju'em yu'un smilel chambalam ta ja'mal ta swenta sc'anjel yo'tan te Diose”, te xie.

Jeremías 50:1

Te sc'oplal yu'un Cajwaltic te Babilonia, te slumal te caldeoetique, te la yalbey ta swenta te j'alwanej Jeremías:

Ezequiel 27:23

Ja' nix la awaiy manbajel chonbajel soc Harán, Cane, Edén, soc te mach'atic jmanbajel jchonbajeletic ta Sabá, ta Asiria soc spamal sq'uinal Media.