Génesis 1:9 - Bible in Tzeltal de Oxchuc y Tenejapa

⁹ Soc la yal te Diose: “Te ja' te ay ta yanil xyaxal te ch'ulchane, jun nax yawil ac'a c'otuc, ac'a chicnajuc te lumq'uinale”, xi'. Jich pastaj yu'un.

Bible in Tzeltal Bachajón

⁹ Soc la yal te Diose: Ac'a syom sba te ha'etic ay ta ye'tal ch'ulchan, ac'a chicnajuc lumq'uinal, xchi. Hich c'oht yu'un.

Génesis 1:9 Referans Kwoze

2 Pedro 3:5

Ja' in ants-winiquetic to, ma sna'ic stojol te bit'il namey q'uinal ay te ch'ulchane. Smandal Dios te chicnaj ta yolil ja' te balumilale, la yac' ta olil te ja'e.

Jonás 1:9

La sjac' te Jonás: —Te jo'one hebreoon. Ja' quich'oj ta muc' te Cajwaltic te Dios ta ch'ulchan, te la spas te mar soc te lumq'uinale —xi'.

Jeremías 5:22

Jo'on, Ajwalilon jich ya cal: ¿Yu'un bal ma x'axi'onic te ja'exe? ¿Yu'un bal ma xnijq'uex ta jtojol? Jo'on la jpas te bay ya xquejch'aj te sti'il mar, ja' te sti'il te bay ma xc'ax tel te ja'e. Tulan ya stij sbaic ta jyalel te sbule soc te yipe, soc ya x'awunic; ja'uc me to, ma xju' xc'ax tel.

Salmos 95:5

Te mar ja' yu'un, melel ja' la spas stuquel; soc ja' la spas ta sc'ab te taquin lumq'uinale.

Eclesiastés 1:7

Te muc'ja'etic, spisilic ya xbajt'ic ta mar, pero te mar, ma'yuc bi ora ya xnoj stuquel. Te muc'ja'etic, ya xcha'sujt'ic xan ta bay jajch'em tel, yu'un ya xcha'sujt'ic bael ta mar, jich ayic ta beel spisil ora.

Salmos 33:7

Ja' ya stsobey ya'lel mar soc ya yac' ta q'uejel te sna'bilale.

Job 26:10

La yac'bey sti'il te mare, ja' sti'il yu'un te saquil q'uinale soc te ijc' q'uinale.

Apocalipsis 10:6

Jich la yac' ta testigo te Mach'a stalel cuxul sbajt'el q'uinal te la spas te ch'ulchane soc spisil te bitic tey ae, te balumilale soc spisil te bitic tey ae, te mare soc spisil te bitic ay tey ae, jich la yal: “Ma ba jalix c'aal.

Salmos 104:3

ja'at la awac'bey yiptajib ta sba ja' te oyetic yu'un te ana ta toyole. Ja' c'atp'ujem ta carreta awu'un te tocale; ya xbeenat ta xic' te iq'ue.

Job 26:7

Dios la slim bael te ch'ulchan, soc la sjijp'an ta yol q'uinal te balumilale.

Génesis 1:8

Dios la yac'bey sbiil te xyaxal moele, “ch'ulchan” sbiil c'ot yu'un. Te yijc'ubel q'uinal soc te sacubel q'uinale, ja' xchebal c'aal abi.

Nehemías 9:6

Te Esdras jich la yal: —Ja'at te Ajwalilat cu'untique, ma'yuc mach'a yan. Ja'at la apas ch'ulchan soc te mero stoyolile, soc ta spisil te eq'uetique. Ja'at la apas te lumq'uinale, soc spisil te bitic ay tey ae. Ja'at ya awac'bey xcuxlejal ta spisil te bitic aye. Ja' yu'un ya squejan sbaic ta atojol c'oem te eq'uetic ta ch'ulchane.