Génesis 1:6 - Bible in Tzeltal de Oxchuc y Tenejapa

⁶ Soc la yal te Diose: “Ac'a chicnajuc moel xyaxal te ch'ulchane, ac'a sq'uep sba moel ta sba te ja'e, soc ac'a spaman sba ta yet'al”, xi'. Jich pastaj yu'un.

Bible in Tzeltal Bachajón

⁶ Soc la yal te Diose: Ayuc sjamalil ta yohlil te ha', yu'un ya sjat sba te ha'etique, xchi.

Génesis 1:6 Referans Kwoze

Job 37:18

¿Ya bal xju' awu'un ya acoltay ta slimel bael ch'ulchan te Diose? ¿Jich bal tulan ya xjil awu'un te bit'il lejch'el taq'uine?

Jeremías 51:15

Te Cajwaltic, ta yu'el la spas te lumq'uinale; ta swenta sp'ijil, tulanajem yu'un te balumilale; ta swenta sp'ijil, la slim bael te ch'ulchane.

Salmos 33:6

Te ch'ulchan soc spisil te bitic ay yu'une, ja' la spas te Cajwaltic ta swenta sc'op soc ta swenta ic' te loc' ta yee.

Salmos 104:2

potsolat ta axojobil, jich c'oem te bit'il ac'u'e. Ja'at la alich' bael jichuc pac' te ch'ulchane;

Salmos 33:9

C'alal c'opoj te Cajwaltique, jich pastaj ta spisil; ja' la spas mandal stuquel, jich toj ts'unaj jilel ta spisil.

Salmos 148:4

Albeya yutsilal, ja'at ch'ulchan te ayat ta sba te ch'ulchane, soc ja'at ja'etic te ayat ta sba te ch'ulchane.

Zacarías 12:1

Ja' in to, ja' sc'op Cajwaltic te la yalbey sc'oplal Israel. Ja' te Cajwaltic te la slim bael ta pasel te ch'ulchan, soc te la yac'bey yiptajib te lumq'uinale, soc te la yac'bey xcuxlejal te ants-winiquetique, tulan ya yal:

Salmos 19:1

Te ch'ulchan, ja' ya spucbey sc'oplal yutsilal te Diose; te sjamalul ch'ulchan, ja' ya yalbey sc'oplal yat'el sc'ab.

Génesis 1:20

La yal te Diose: “Ac'a chicnajuc te bitic ya xcuxinic ta ja', soc mutetic te ya xwilic ta sba te balumilale”, xi'. Jich pastaj yu'un.

Job 26:13

La sjujch'iy bael te tocale, jich buen lec jil te ch'ulchane; ta sc'ab la smil te chan yac ta anele.

Salmos 150:1

¡Bin nax yutsil te Cajwaltique! Albeyaic yutsilal Dios ta templo; albeyaic yutsilal ta ye'tal te muc'ul yaxal ch'ulchan yu'une.

Job 37:11

Te Diose ja' ya sicubtes te tocaletique, tey ya yac' chicnajuc a te tsantsewale;

Eclesiastés 11:3

Teme ay bayal ya'lel te tocale, ya me yac' ja'al ta lumq'uinal. Manchuc me ya xyal bael ta norte te te'e, manchuc me ya xyal bael ta sur, ta bayuc ya xyal bael, pero tey me ya xjilix a.

Génesis 1:14

La yal te Diose: “Ac'a chicnajuc bitic xlemlajanic ta xyaxal te ch'ulchane, swenta yu'un ya xchicnaj q'uinal ta balumilal yu'un, parte ya xc'ot te c'aaleltique, soc parte ya xc'ot te ajc'ubale swenta yu'un ya yich' ajtayel a te jujun c'aal, te jujun u, soc te jujun ja'wile”, xi'. Jich pastaj yu'un.

Jeremías 10:10

Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

2 Pedro 3:5

Ja' in ants-winiquetic to, ma sna'ic stojol te bit'il namey q'uinal ay te ch'ulchane. Smandal Dios te chicnaj ta yolil ja' te balumilale, la yac' ta olil te ja'e.

Isaías 40:22

Te Diose ay smuc'ul nactijib ta sba sjamalul te ch'ulchane; jich ta ilel yu'un ants-winiquetic te bit'il ch'in yaxal c'ulubetic. Jich ya slim bael ch'ulchan te bit'il paq'ue, jich ya sjam bael te bit'il nailpac'.

Salmos 19:2

Te jujun c'aal ya sc'opon sbaic c'oem; te jujun ajc'ubal ya yalbey sbaic p'ijil c'op.