Génesis 1:31 - Bible in Tzeltal de Oxchuc y Tenejapa

³¹ Dios la yil te jelawen yutsil ta spisil te bitic pasbil yu'une. Te yijc'ubel q'uinal soc te sacubel q'uinale, ja' swaquebal c'aal abi.

Bible in Tzeltal Bachajón

³¹ Dios la yil spisil te bintic la spas, mero lec c'oht. Te yihc'ubel q'uinal soc te sacubel q'uinal, ha swaquebal c'ahc'al.

Génesis 1:31 Referans Kwoze

1 Timoteo 4:4

Melel spisil bila spasoj te Diose lec stuquel. Jich ma sc'an teme ay bi ya jp'ajtique, melel ma'yuc bila ma lecuc ta tuuntesel. Ja' nax ya sc'an te ya calbeytic wocol Dios yu'un te ya jtuuntestique.

Salmos 104:24

Cajwal, ma p'isbiluc nax te bitic apasoje. Ta spisilic la apas soc sp'ijil awo'tan; nojelic ta balumilal spisil te bitic la achicnantese.

Éxodo 20:11

Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Salmos 104:31

Te yutsil xojobil Cajwaltic sbajt'el q'uinal ay; bin nax yo'tan yu'un te bitic la xchicnantese.

Lamentaciones 3:38

Te bila leque, soc te bila ma lecuque, pajal ya xtalic, yu'un jich ya yal mandal te Mach'a Toyole.

Job 38:7

te c'alal yacalic ta comon c'ayoj a te eq'uetic ta sacubel q'uinale, te c'alal bin nax yo'tanic a te abatetic cu'un ta ch'ulchane?

Génesis 2:2

Ta sjuquebal c'aal lajemix yo'tan ta spasel spisil yat'el a te Diose, soc la xcux yo'tan yu'un spisil te yat'el te la xchicnantes ta pasele.

Génesis 1:23

Te yijc'ubel q'uinal soc te sacubel q'uinal, ja' yo'ebal c'aal abi.

Génesis 1:8

Dios la yac'bey sbiil te xyaxal moele, “ch'ulchan” sbiil c'ot yu'un. Te yijc'ubel q'uinal soc te sacubel q'uinale, ja' xchebal c'aal abi.

Génesis 1:5

Dios la yac'bey sbiil te saquil q'uinale, “c'aaleltic” sbiil c'ot yu'un. Soc la yac'bey sbiil te ijc' q'uinale, “ajc'ubal” sbiil c'ot yu'un. Te yijc'ubel q'uinal soc te sacubel q'uinale, ja' sbabial c'aal abi.

Génesis 1:19

Te yijc'ubel q'uinal soc te sacubel q'uinale, ja' xchanebal c'aal abi.

Génesis 1:13

Te yijc'ubel q'uinal soc te sacubel q'uinale, ja' yoxebal c'aal abi.

1 Timoteo 4:5

Melel ta swenta te sc'op Diose soc te sc'oponel te Diose, ya me yich' ch'ultesel.

Éxodo 31:17

Ja' me seña cu'untic ta sbajt'el q'uinal te ja'ex te israelexe’, xi' te Diose”, uta me —xi' te Cajwaltique. Melel te Cajwaltic waqueb nax me c'aal la spas te ch'ulchan balumilale; yan ta sjuquebal c'aal ma ba at'ejix a, la xcux yo'tan.

Salmos 104:28

Ja'at ya awac'bey, jich ya stamic; ya awac'bey ta ac'ab, jich ya xnoj xch'ujt'ic ta lec.

Salmos 119:68

Mero lecat atuquel, soc atuquel nax te lec bila ya apase; p'ijubtesawon a te mandaliletic awu'une.

Proverbios 16:4

Te Cajwaltic la xchicnantes spisil, yu'un ay swentail ta yo'tan; ja' nix jich la xchicnantes te mach'a amen yo'tane, swenta yu'un ya yich' castigo ta slajibal c'aal.

Eclesiastés 3:11

Te bi ora jich la sc'ane, spisil t'ujbil la spas. La yac'bey sna' ta yo'tan te ants-winiquetic te bitic swenta sbajt'el q'uinal, manchuc me ma xju' yu'unic sna'el te smuc'ul sjamalul te bila spasoj te Diose, soc te bitic ya to spas baele.

Génesis 2:3

La yac'bey bendición te sjuquebal c'aal soc la xch'ultes, ja' yu'un te la xcux yo'tan ta swenta spisil yat'el te la spase.

Deuteronomio 32:4

Ja' Jcanantaywanej cu'untic, mero lec yat'el stuquel, mero toj spisil te bitic ya spase. Ja' Dios te jun yo'tan ta jtojoltic, ma'yuc lo'laywanej ta yo'tan; ¡mero stojil ya x'at'ej, mero lec stuquel!