Génesis 1:29 - Bible in Tzeltal de Oxchuc y Tenejapa

²⁹ Dios la yal: —Aiya awaiyic stojol, cac'ojbeyex awe'elinic spisil awalts'unubil te ya xju' ta tuuntesel sit te ya yac' ta lumq'uinale, soc spisil te' te ya xju' ta lo'el te site, ja' me ya awe'elinic.

Bible in Tzeltal Bachajón

²⁹ La yal te Diose: La jca'beyex spisil te bintic ya xcol ta lumq'uinal te ya yac' sbac', soc spisil te'etic ya sitin, ha me yac awe'elinic.

Génesis 1:29 Referans Kwoze

Génesis 9:3

Ja' me ya awe'elinic spisil bitic cuxajtic te ya xbeenique, ja' nix jich te boc-itaje. Spisil cac'ojbeyex awe'elinic.

Salmos 24:1

Te Cajwaltic ja' yu'un ta spamal te balumilale, ta spisil te bitic ay soc ta spisil te bitic cuxajtique.

Hechos 17:28

Ja' ta swenta te bit'il cuxulotique, soc te bit'il ya jtij jbatique, soc te bit'il ayotic ta q'uinale, jich bit'il yaloj cha'oxtul te jpas-junetic awu'unique: “Jpisiltic yal-snich'anotic te Diose”, te xiique.

Hechos 14:17

Ja'uc me to, ma yu'unuc ma la yac' ta na'el te bit'il ay stuquel te Diose, melel lec te bi ya spase. Ya yac' taluc ja'al ta ch'ulchan soc ya yac' sitinuc te cawal-jts'unubtique. Jich ya xnoj te jch'ujt'ique soc ya xbujts'naj co'tantic ta lec yu'un —xiic ta aw.

Salmos 147:9

Ja' ya yac'bey swe'el te chambalametique; soc ya yac'bey swe'el te yalatac jojetic te c'alal ya xc'opojique.

Salmos 136:25

Ja' te ya yac'bey swe'el ants-winiquetic soc te chambalametic, sbajt'el q'uinal ay te xc'uxul yo'tane.

San Mateo 6:11

Ac'botic we'elil swenta in c'aal to.

Job 36:31

Jich ya smac'lin te lumetique, mero bayal swe'elic ya yac'bey.

Génesis 2:16

Te Diose jich la spas ta mandal te winique: —Spisil te' te ay ta awalts'unubile ya xju' ya alo'bey sit,

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

Oseas 2:8

“Ja'uc me to, te antse ma la sna'on. Ma la sna' te jo'on la cac'bey te trigo, vino soc te aceite; te jo'on la quesmantesbey te plata, oro ya spas yajcanan ae.

Isaías 33:16

ja' me ya xcuxin ta melel stuquel. Ay me yanjib ta tulanil tonetic c'oem, xujt' ma me xch'ay swe'el soc te ja' ya yuch', ma me ayuc falta yu'un.

Salmos 146:7

Ya xchajban te mach'atic ay ta uts'inel; ya yac'bey swe'elic te mach'atic ay ta wi'nale. Te Cajwaltic ya yac' ta libre te mach'atic chuculic;

Salmos 115:16

Te ch'ulchan ja' ay ta swenta te Cajwaltique; te balumilal ja' la yac'bey swentainic te ants-winiquetique.

Salmos 111:5

ya yac'bey swe'elic te mach'atic ya x'ich'ot ta muc' yu'une; ya sna' sbajt'el q'uinal te trato yu'une.

1 Timoteo 4:3

Ya scomotic ta nujbinel, soc ay we'elil ya scomotic ta stuuntesel. Ja'uc me to, Dios la spas spisil te we'elile, swenta yu'un ya me yich' albeyel wocol Dios te c'alal ya stuuntesic te we'elil te jch'uunjeletic te xch'uunejic te smelelil c'ope.

Génesis 6:21

Soc spisil ta jchajp we'eliletic, tsoba ochel ta barco. Ja' me ya awe'elin soc te mach'atic ya ajoin tey a, soc nix te chambalametique —xi' sc'oplal.