Génesis 1:28 - Bible in Tzeltal de Oxchuc y Tenejapa

²⁸ Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Bible in Tzeltal Bachajón

²⁸ Dios la yac'ticlambe bendición, hich la yalbe: Sitinan soc p'ohla abahic, nojesahic ta swohlol te bahlumilal, soc tuhunahic te q'uinale. Ajwalilat ya xc'ohat yu'un te schayul ha'etic, te mutetic te ya xwihlic ta toyol soc spisil te chambahlametic te ya xbehenic ta lumq'uinal, xchi.

Génesis 1:28 Referans Kwoze

Génesis 9:1

Dios la yac'bey bendición te Noé soc te snich'nabe, jich la yalbey: —Esmajanic, nojesaic xan te q'uinale.

Génesis 9:7

Jich yu'un, esmajanic bayal, nojesaic te balumilale —xi' te Diose.

Levítico 26:9

Buen lequex me ta jsit, soc ya me cac' esmajuquex, ya me cac' c'otuc ta awentaic te trato cu'une.

Génesis 1:22

jich yu'un la yac'bey bendición, jich la yal: “Esmajanic, nojesaic te ja'etique. Mutetic, esmajanic ta balumilal”, xi'.

Isaías 45:18

Te jchicnanteswanej yu'un te ch'ulchane, ja' te Dios te Ajwalil stuquele, ja' te la spas te lumq'uinal soc te la xchajban, ja' te tulan la snajc'ane, te mach'a la xchicnantese, ma yu'unuc la sc'an te jochol ya xjile, ay me yajwal ya xc'ot, jich ya yal: —Jo'on Ajwalilon, ma'yuc yan.

Génesis 17:20

Ja'uc me to, jich me ay sc'oplal cu'un stuquel te Ismael: Ya me cac'bey bendición uuc: ya me x'esmaj bayal. Te lajchaytul snich'nabe ajwaliletic ya xc'otic, buen muc'ul lum ya xc'ot cu'un.

Génesis 8:17

Soc ya me aloq'ues spisil bitic cuxajtic: ja' te mutetic soc te chambalametic soc yantic chambalametic te staslajan ya xbeenic ta balumilal. Ac'a beenuquic ta spamal te q'uinale. Ac'a esmajuquic ta balumilal —xi'.

Salmos 107:38

Ya me x'ac'botic bendición yu'un Cajwaltic, ya me yac' esmajuc xan, soc ya yac' esmajuc xan te chambalametic yu'unique.

1 Crónicas 4:10

Te Jabes la sc'opon te Dios yu'un Israel, jich la yal: —Ya calbat wocol te ya awac'bon bendición soc te ya awac'bon bayal jq'uinale. Ya me acoltayon, soc ma me xawac' staon te bitic ya yac'bon jwocol —xi'. Te Dios la yac'bey te bi la sc'ane.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Génesis 17:16

Ya me cac'bey bendición, soc ay me awal-anich'an ya xc'oat soc. Melel me xcal, ya me cac'bey bendición. Sme' bayal ta jchajp nacionetic ya xc'ot, ya xchicnaj ta swenta bayal ta jtul ajwaliletic —xi' sc'oplal.

Génesis 49:25

Wocol la yal te Dios cu'un te atatone, ja' me ya scoltayat, ja' te Dios te Spisil ya xju' yu'une, ya me yac'bat bayal bendición. Ja' te bendición ta swenta ch'ulchan te toyole, ja' te bendición ta swenta te mar te buen c'ubul coele, ja' te bendición ta swenta bit'il ya x'esmaj te awal-anich'nabe.

1 Crónicas 26:5

Amiel te swaquebale, Isacar te sjuquebale, soc Peultai te swaxaquebale. Melel te Diose yac'ojbey bendición te Obed-edom, yu'un ay bayal te snich'nabe.

Génesis 33:5

Te Esaú la stoy sit, la yil te antsetic soc te alaletique, la sjojc'obey: —¿Mach'atic a te ajoineje? —la yut. —Ja' te alaletic te yac'ojbonix Dios ta swenta yutsil yo'tan te awabatone —xi'.

Génesis 24:60

La sc'anbeyic bendición ta stojol Rebeca: —Ja'at quijts'in-ach'ixat, ja'ucat me sme'at tsobol ta jmil, ac'a yu'uninbeyic slumal yajcontro te ats'umbal baele —xiic.

Salmos 69:34

Ac'a yalbeyic yutsil sc'oplal Cajwaltic te ch'ulchan, balumilal soc mar, soc ta spisilic te bitic cuxajtic tey a.

Job 42:12

Ac'bot bayal bendición yu'un Dios te Job ta slajibalix bael te jayeb ja'wil cuxine. Bayal xan bitic esmaj yu'un a te bit'il ay yu'un ta neelal to, melel esmaj xan chanlajunmil (14,000) chijetic, wacmil (6,000) camelloetic, jmil (1,000) ta jchajp wacaxetic te ya sjoq'uic lum ta arado, soc jmil (1,000) me' burraetic.

1 Timoteo 4:3

Ya scomotic ta nujbinel, soc ay we'elil ya scomotic ta stuuntesel. Ja'uc me to, Dios la spas spisil te we'elile, swenta yu'un ya me yich' albeyel wocol Dios te c'alal ya stuuntesic te we'elil te jch'uunjeletic te xch'uunejic te smelelil c'ope.

Génesis 5:2

Jtul winic soc jtul ants pastaj yu'un, soc la yac'bey bendición. C'alal pastajic, Dios la yal: “Ants-winic me ya xc'ot te sbiilique”, xi'.

Salmos 8:6

La awac'bey swentain te bila apasoj ta ac'ab, la awac' toyuc sc'oplal yu'un ta spisil:

Génesis 6:1

C'alal caj esmajuc ants-winiquetic ta balumilal, soc te c'alal ayin yantsil-nich'nabic,

Job 39:11

¿Ya bal xju' ya smuc'ulin awo'tan yu'un te bayal yipe, soc te ya awac'bey spasbat awat'ele?

Salmos 8:7

ta bay chijetic soc wacaxetic, ja'mal chambalametic,

Salmos 115:16

Te ch'ulchan ja' ay ta swenta te Cajwaltique; te balumilal ja' la yac'bey swentainic te ants-winiquetique.