Génesis 1:27 - Bible in Tzeltal de Oxchuc y Tenejapa

²⁷ Jich pastaj yu'un Dios te winique, jich yilel te bit'il Diose, jtul winic soc jtul ants la spas.

Bible in Tzeltal Bachajón

²⁷ Hich Dios la spas te ants-winic, la slop'tay sba a, hich yilel te bin ut'il Dios la spas; winic soc ants la spas.

Génesis 1:27 Referans Kwoze

San Mateo 19:4

La yal te Jesuse: —¿Yu'un bal ma ba awilojic te bila ts'ibubil ta Sjun te Diose? Melel ta xjajch'ibal Dios la spas jtul winic soc jtul ants.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

San Marcos 10:6

Ja'uc me to, ta xjajch'ibal c'alal Dios la spas spisil te bitic aye, la spas winic soc ants.

Efesios 4:24

C'u'inaic te yach'il cuxlejal yu'un Dios te la xchicnantes te pajal yilel soque. Jich me ya xchicnaj te toj awo'tanic ya x'ainex ta q'uinale soc te ch'ultesbil awo'tanic ta swenta te smelelil c'ope.

Salmos 139:14

Ya calbat yutsil ac'oplal melel jchajp nax ya caiy yu'un te bitic apasoje. Tey mero la jna'ix ta lec a.

Isaías 43:7

Ic'bon tel spisilic te mach'atic yich'ojbonic te jbiile, te mach'atic la jchicnantes soc te la jchajbane, ja' te mach'atic la jpas swenta yu'un ya xchicnaj a te cutsilale.

Colosenses 1:15

Te Diose ma chicanuc ta ilel. Ja'uc me to, ja' sloc'omba Dios te Cristoe. Ja' sbabial ay yu'un spisil te bitic aye.

Malaquías 2:15

¿Yu'un bal ma junuc nax Dios la spasbey sbaq'uetal soc xch'ulel? Te bi ya sc'an te Diose, ja' ya sc'an te sts'umbal te ch'ultesbile. Canantaya abaic ta lec soc awo'tanic, swenta yu'un ma me ayuc ya xch'ay te ac'op la awal ta jamal ta stojol te awinam la ata c'alal queremat to a.

Génesis 2:18

Soc jich la yal te Diose: “Ma lecuc te stuquel ya x'ain te winique, ya me jpasbey snujp' te ya scoltay sba soque”, xi'.

Colosenses 1:26

te ja' te c'op te muquen ay ta neelal to tel te ma'yuc ta na'el yu'un bayal ta jcum te ants-winiquetique. Ja'uc me to, la yac'botiquix jna'tic stojol te jayebotic te ch'ul lumotic yu'un te Diose.

Colosenses 3:10

C'u'inaic me te yach'il acuxlejalic te yanyan ta ach'ubele, ja' to teme pajal c'oex soc te Jpaswaneje, yu'un jich me ya ana'beyic sba ta lec.

Génesis 9:6

Teme ay mach'a ya smil jtul winic, ja' ni me jich ya xmilot yu'un yan winic, melel te ants-winique la yich' pasel swenta yu'un pajal yilel soc te Diose.

Deuteronomio 4:32

“Ilawil teme ay jich c'oem ta pasel ta namey tel, te c'alal Dios la spas te ants-winic ta balumilal; ilawil ta spamal balumilal, teme ay jich c'oem ta pasel te c'ax muc' sc'oplal te bila c'oem ta pasel ta ora in to.

Eclesiastés 7:29

Ja' nax jtaoj in to: ja' te bit'il buen toj yo'tan pasot yu'un Dios te ants-winiquetique, pero te ants-winiquetic chujc'ulajix yu'unic te xcuxlejalique.

Génesis 2:7

Jich te Dios la spas ta ts'ubil lum jtul winic, la sjujch'ibey sni', jich cuxul c'ot. Jich caj ta cuxinel ta q'uinal te winique.

Jueces 21:22

Teme ya xtal sc'oponotic te sme'-static o yermanotac te ach'ixetique, ya me calbeytic: ‘Jo'otic ya caltic wocol ta atojolic te ya apasbotic perdón, yu'un ma la jtabeytic yinamic ta spisilic a te c'alal ba cac'beytic guerra te lum Jabes. Te bit'il ma ja'uc la awac'beyic te ja'ex, jich ma'yuc amulic yu'un’, ya me cutic”, xiic.

Jeremías 29:6

Nujbinanic me tey a, soc ayuc me bayal anich'nabic queremetic ach'ixetic, soc ya me xnujbinic soc ayuc me snich'nabic. Ac'a me toyuc awajtalulic tey a, ma me sts'uj awajtalulic.