Génesis 1:24 - Bible in Tzeltal de Oxchuc y Tenejapa

²⁴ La yal te Diose: “Ac'a chicnajuc ta lumq'uinal spisil ta jchajp te chambalametique: te alaq'uil chambalametic, soc te ja'mal chambalametique, soc te chanetic te ya stas sbaic ta lumq'uinale”, xi'. Jich pastaj yu'un.

Bible in Tzeltal Bachajón

²⁴ La yal te Diose: Ac'a chicnajuc ta lumq'uinal spisil ta chahp chambahlametic: ha te alaq'uil chambahlametic, chanetic, soc ha'mal chambahlametic, ha chican bintic yilel, xchi. Hich c'oht yu'un.

Génesis 1:24 Referans Kwoze

Job 40:15

“Ila awil te muc'ul chambalam Behemot, jo'on jpasoj jich nix te bit'il jpasojat te ja'ate: Ya swe'elin wamal jichuc wacax;

Génesis 6:20

Ta spisil ta jchajp mutetic, soc ta spisil ta jchajp alaq'uil chambalametic, soc ta spisil ta jchajp chanetic ta q'uinal, cha'cha'cojt' juju-jchajp ya awic' ochel, swenta yu'un jich me ya xcuxinic.

Génesis 8:19

Loq'uic ta spisil te alaq'uil chambalametic soc ja'mal chambalametic, spisil yantic chambalametic te staslajan ya xbeenic, soc spisil te mutetique.

Salmos 148:10

te chambalametic ayic ta na, soc te ja'mal chambalametique, te mutetic ya xwilic, soc te chambalametic staslajanic ta lum.

Job 39:5

“¿Mach'a la yac' ta libre te ja'mal burroetique? ¿Mach'a la scoltay bael?

Génesis 7:14

Soc och spisil te ja'mal chambalametic soc alaq'uil chambalametic ta chajbalchajp, soc spisil chambalam te staslajan ya xbeen ta balumilal ta chajbalchajbe, soc spisil ta jchajp te mutetique.

Salmos 104:23

Jich ya xloc' tel te ants-winiquetic, ya x'ochic ta at'el, ya x'at'ejic ja' to c'alal smalel c'aal.

Salmos 104:18

Ta toyol witstiquil ya xnainic te ja'mal tentsunetic; ta muc'ul tontiquil ya snac' sbaic te cojt'ome.

Job 39:19

“¿Ja'at bal la awac'bey yip te caballo, ja'at bal la ach'albey snuc' ta sbanac'?

Job 39:9

“¿Ya bal acuy te ya sc'an abatinel awu'un te ja'mal toro, ya bal acuy te ya xc'ax ajc'ubal yu'un ta sna te awacaxe?

Job 39:1

¿Ya bal ana' bi ora ya xtojc' yalic te ja'mal tentsunetique? ¿Ay bal awiloj ya xtojc' yalic te me' chijetique?

Génesis 1:23

Te yijc'ubel q'uinal soc te sacubel q'uinal, ja' yo'ebal c'aal abi.

Génesis 2:19

Jich te Cajwaltic Dios ta ts'ubil lum la xchicnantes spisil chambalametic te ayic ta balumilal soc spisil mutetic. La yic'bey tel ta stojol Adán, swenta yu'un ya yil bi sbiil ya yac'bey stuquel. Te bit'il nix sbiil ac'bot yu'un Adán te chambalametique, jich nix sbiil c'ot abi.