Génesis 1:21 - Bible in Tzeltal de Oxchuc y Tenejapa

²¹ Ja' nix jich Dios la xchicnantes muc'ul xchanul ja', soc spisil te bitic ya xcuxinic ta ja' te ya x'ainic tey a te juju-jchajbe, soc spisil ta jchajp mutetic te ya xwilique. Lec la yil te Diose,

Bible in Tzeltal Bachajón

²¹ Dios la spas muc'ul schanul ha' soc spisil te bintic cuxajtic, jujuchahp te ya xchicnaj ta ha', soc spisil ta chahp mutetic. Lec la yil te Diose.

Génesis 1:21 Referans Kwoze

Génesis 1:25

Dios la spas spisil chambalametic ta balumilal ta juju-jchajp. Lec la yil te Diose.

Génesis 8:19

Loq'uic ta spisil te alaq'uil chambalametic soc ja'mal chambalametic, spisil yantic chambalametic te staslajan ya xbeenic, soc spisil te mutetique.

Génesis 8:17

Soc ya me aloq'ues spisil bitic cuxajtic: ja' te mutetic soc te chambalametic soc yantic chambalametic te staslajan ya xbeenic ta balumilal. Ac'a beenuquic ta spamal te q'uinale. Ac'a esmajuquic ta balumilal —xi'.

Éxodo 8:3

Ta muc'ja' ya me xtojc' loq'uel tel bayal xch'uch'etic tey a. Ya me xloq'uic tel, ya x'ochic bael ta muc'ul palacio awu'un. Soc ta awayib te bay ya xwayate, soc ta snaic uuc te ajo'tac ta at'ele, soc ta spisil te alumale, ta hornoetic soc te bay ya yich' pasel te awe'ele.

Éxodo 1:7

Ja'uc me to, bayal esmajic te israeletique, c'axem to xan esmajic ta jyalel, mero bayal yipic a c'ot. Noj yu'unic te sq'uinal Egipto.

Génesis 9:7

Jich yu'un, esmajanic bayal, nojesaic te balumilale —xi' te Diose.

Génesis 7:14

Soc och spisil te ja'mal chambalametic soc alaq'uil chambalametic ta chajbalchajp, soc spisil chambalam te staslajan ya xbeen ta balumilal ta chajbalchajbe, soc spisil ta jchajp te mutetique.

Génesis 6:20

Ta spisil ta jchajp mutetic, soc ta spisil ta jchajp alaq'uil chambalametic, soc ta spisil ta jchajp chanetic ta q'uinal, cha'cha'cojt' juju-jchajp ya awic' ochel, swenta yu'un jich me ya xcuxinic.

Job 26:5

—Te mach'atic lajemic, te ayic ta sc'ubulil mar, ya xnijq'uic yu'un xiwel tey a.

Job 7:12

¿Yu'un bal jo'on muc'ul chambalamon yu'un mar te jich ya awac'on ta canantayele?

Génesis 1:31

Dios la yil te jelawen yutsil ta spisil te bitic pasbil yu'une. Te yijc'ubel q'uinal soc te sacubel q'uinale, ja' swaquebal c'aal abi.

Génesis 1:18

ta c'aaleltic soc ta ajc'ubal, ya me sjel sba te saquil q'uinal soc te ijc' q'uinale. Lec la yil te Diose.

San Mateo 12:40

Melel te Jonase ain ta xch'ujt' muc'ul ballena-chay oxeb c'aal soc oxeb ajc'ubal. Ja' nanix jich uuc te Nich'anile ya me x'ain ta muquenal oxeb c'aal soc oxeb ajc'ubal.

Jonás 1:17

Pero te Cajwaltic ay xchajbanejix jcojt' muc'ul chay te ya xbic'ot yu'un te Jonás. Oxeb c'aal soc oxeb ajc'ubal ay ta xch'ujt' te chaye.

Ezequiel 32:2

—C'ajintaybeya ta stojol faraón, muc' ajwalil yu'un Egipto, te c'ayoj swenta lajel in to: “Pajalat soc león-choj ta stojol nacionetic; jichat bit'il smuc'ul chanul ja': ya atijulay ta awacan te muc'ja'e, ya atatubtes, ya abulantes te yacan ja'e.

Jonás 2:10

Jich yu'un te Cajwaltic la spas ta mandal te muc'ul chaye, tey ba xejtay loq'uel a te Jonás ta ti'mar.

Génesis 1:20

La yal te Diose: “Ac'a chicnajuc te bitic ya xcuxinic ta ja', soc mutetic te ya xwilic ta sba te balumilale”, xi'. Jich pastaj yu'un.

Génesis 1:22

jich yu'un la yac'bey bendición, jich la yal: “Esmajanic, nojesaic te ja'etique. Mutetic, esmajanic ta balumilal”, xi'.

Génesis 9:2

Ya me xnijq'uic yu'un xiwel ta atojolic spisil chambalametic ayic ta q'uinal. Ac'bilex me ta ac'abic spisil mutetic ayic ta sjamalul ch'ulchan, soc spisil bitic cuxajtic ta balumilal, soc spisil chayetic ayic ta ja'.

Salmos 148:7

Albeyaic yutsilal te Cajwaltique li' ta balumilal muc'ul chambalametic ta mar, soc mero sc'ubulil mar,

Génesis 2:19

Jich te Cajwaltic Dios ta ts'ubil lum la xchicnantes spisil chambalametic te ayic ta balumilal soc spisil mutetic. La yic'bey tel ta stojol Adán, swenta yu'un ya yil bi sbiil ya yac'bey stuquel. Te bit'il nix sbiil ac'bot yu'un Adán te chambalametique, jich nix sbiil c'ot abi.

Job 12:7

Jojc'obeya awaiy te chambalametic, jojc'obeya awaiy te mutetique; ya xju' yu'unic te ya yac'bat anope.