Génesis 1:20 - Bible in Tzeltal de Oxchuc y Tenejapa

²⁰ La yal te Diose: “Ac'a chicnajuc te bitic ya xcuxinic ta ja', soc mutetic te ya xwilic ta sba te balumilale”, xi'. Jich pastaj yu'un.

Bible in Tzeltal Bachajón

²⁰ La yal te Diose: Ac'a chicnajuc bintic ya xcuxajic ta ha', soc mutetic te ya xwihlic ta sba te bahlumilal, ta yohlil te sjamalil te ch'ulchane, xchi. Hich c'oht yu'un.

Génesis 1:20 Referans Kwoze

Génesis 2:19

Jich te Cajwaltic Dios ta ts'ubil lum la xchicnantes spisil chambalametic te ayic ta balumilal soc spisil mutetic. La yic'bey tel ta stojol Adán, swenta yu'un ya yil bi sbiil ya yac'bey stuquel. Te bit'il nix sbiil ac'bot yu'un Adán te chambalametique, jich nix sbiil c'ot abi.

1 Reyes 4:33

La yalbey sc'oplal te'etic soc ja'maletic, la yalbey sc'oplal te cedro te ay ta switsul Líbano soc te ja'mal ya xch'i ta ch'ujt' ts'ajc'. Soc la yalbey sc'oplal te chambalametic ya xbeen ta lum, te chambalametic ay sc'uc'umal, te chambalametic staslajan ta lum, soc te chayetique.

Salmos 148:10

te chambalametic ayic ta na, soc te ja'mal chambalametique, te mutetic ya xwilic, soc te chambalametic staslajanic ta lum.

Génesis 1:30

Ta spisil te ja'mal chambalametic te ayic ta balumilale, soc te ya stas sbaic ta lumq'uinal, soc ta spisil te mutetique, ja' me swe'elic ya xc'ot uuc spisil te wamaletic te ya xch'iic ta q'uinale —xi' te Diose. Jich pastaj yu'un.

Génesis 8:17

Soc ya me aloq'ues spisil bitic cuxajtic: ja' te mutetic soc te chambalametic soc yantic chambalametic te staslajan ya xbeenic ta balumilal. Ac'a beenuquic ta spamal te q'uinale. Ac'a esmajuquic ta balumilal —xi'.

Génesis 1:22

jich yu'un la yac'bey bendición, jich la yal: “Esmajanic, nojesaic te ja'etique. Mutetic, esmajanic ta balumilal”, xi'.

Génesis 1:14

La yal te Diose: “Ac'a chicnajuc bitic xlemlajanic ta xyaxal te ch'ulchane, swenta yu'un ya xchicnaj q'uinal ta balumilal yu'un, parte ya xc'ot te c'aaleltique, soc parte ya xc'ot te ajc'ubale swenta yu'un ya yich' ajtayel a te jujun c'aal, te jujun u, soc te jujun ja'wile”, xi'. Jich pastaj yu'un.

Génesis 1:7

Jich la xchicnantes moel xyaxal ch'ulchan te Diose, parte la yac' te ja' te ay ta yet'al te xyaxal ch'ulchane, parte la yac' te ja' te ay ta sba.

Hechos 17:25

soc ma smajanbey sc'ab winiquetic, melel ma'yuc bi ya xtuun yu'un stuquel. Ja' stuquel yac'ojbey xcuxlejal ta spisil ants-winiquetic, soc te yac'ojbey yich'ic iq'ue, soc ja' yac'ojbey spisil te bila ya xtuun yu'unique.

Eclesiastés 2:21

Ay mach'a te ya x'at'ej soc sp'ijil yo'tan, soc sp'ijil sjol, soc spisil te bila sna'oj spasele; pero te ja' nax ya yac'bey jilel yu'unin spisil te mach'a ma ba at'ejem ae. Ja' nix mero tojol ta jyalel, soc ma'yuc swentail te la spase.

Génesis 1:19

Te yijc'ubel q'uinal soc te sacubel q'uinale, ja' xchanebal c'aal abi.

Génesis 1:21

Ja' nix jich Dios la xchicnantes muc'ul xchanul ja', soc spisil te bitic ya xcuxinic ta ja' te ya x'ainic tey a te juju-jchajbe, soc spisil ta jchajp mutetic te ya xwilique. Lec la yil te Diose,

Génesis 7:21

Jich laj spisil ants-winiquetic ta balumilal, soc mutetic, soc alaq'uil chambalametic soc te yantic ja'mal chambalametic, soc spisil chambalam te staslajan ya xbeen ta balumilale.

Levítico 11:42

“Ta spisil te chambalametic te staslajan ya xbeenic ta lume, ma me xju' ya ati'ic, manchuc ja' te ya stas sbae, o ja' te ay chaneb yacan, o c'axem a, ma xju' ya ati'ic, melel ja'ic me te ilaybil chambalametique.

Levítico 11:43

Ma me xawac' abaic ta ilayel soc te ma lecuc ya xc'ot ac'oplalic ta swenta chambalametic te ya stas sbaic ta beel ta lumq'uinale,

Job 12:9

¿Yu'un bal ay to mach'a ma ba sna'oj jiche te Dios la spas ta sc'ab spisil te bitic aye?