Génesis 1:17 - Bible in Tzeltal de Oxchuc y Tenejapa

¹⁷ Dios la yac' ta xyaxal ch'ulchan, swenta yu'un jich me ya sacub q'uinal ta balumilal a,

Bible in Tzeltal Bachajón

¹⁷ Dios la yac'ticlan ta sjamalil ch'ulchan scuenta yu'un ya sacubtes q'uinal ta bahlumilal,

Génesis 1:17 Referans Kwoze

Salmos 8:3

C'alal ya quil te ch'ulchan te ja'at nix la apas atuquele, soc te u soc te eq'uetique,

Salmos 8:1

Ja'at Diosat, Ajwalilat atuquel, te abiil, muc' ta alel ta spamal balumilal. Te awutsilal, pujq'uem bael sc'oplal ta sjelawel ch'ulchan.

Job 38:12

Te jayebix c'aal te cuxulat ta q'uinale, ¿ay bal awaloj mandal te ya xloc' tel te c'aale, te jich ya sacub a te q'uinale?

Hechos 13:47

Melel jich la spasotic ta mandal te Cajwaltique: “Jich la cac'atix ta ilel te bit'il xojobil c'ajc' ta stojol te jyanlumetique, ja'at me ta awenta te ya yich'ic coltayel spisil ants-winiquetic ta bayuc ta spamal balumilal”, te xie —xi' te Pabloe.

Génesis 9:13

ya cac' ta stocalil ch'ulchan te arco iris cu'un. Ja' me seña ya xc'ot te trato la calbeyex ta apisilic te ayex ta sba te balumilale.

Jeremías 33:20

—Jo'on Ajwalilon ya cal: Ma xju' te ya xquejch'aj ta pasel te trato jchapoj soc te c'aal soc te ajc'ubale. Ma xquejch'aj te trato jpasoj soc, te ya xjul ta yorail.

Jeremías 33:25

Jo'on te Ajwalilon ya cal: Jo'on jchajbanej bit'il ya xbeen te c'aal soc ajc'ubal, cac'oj mandalil te bit'il ya x'at'ej te ch'ulchan soc te balumilal.