Génesis 1:16 - Bible in Tzeltal de Oxchuc y Tenejapa

¹⁶ Dios la spas cheb muc'ul lucetic te ya xtilique: ja' ya swentain yaq'uel saquil q'uinal ta c'aaleltic te muq'ue, te ch'ine ja' ya swentain te ajc'ubale. Soc la spas te eq'uetique.

Bible in Tzeltal Bachajón

¹⁶ Dios la spas te cheb muc'ul c'ahq'uetic, ha te muc'ul c'ahc' te ya scuentahin te c'ahc'alel, soc te tut c'ahc' te ya scuentahin te ahc'abal. Soc la spas te eq'uetique.

Génesis 1:16 Referans Kwoze

Deuteronomio 4:19

Te c'alal ya awilic te ch'ulchan, te c'aal, u, eq'uetic, ja' spisil te bitic ayic ta toyole, ma me xamulanic xch'uunel, melel ja' me te Cajwaltic te Dios cu'untic te la spas te bitic ayic ta toyole, ja' yu'un te lumetic te ayic ta swolol te balumilale.

Salmos 8:3

C'alal ya quil te ch'ulchan te ja'at nix la apas atuquele, soc te u soc te eq'uetique,

Isaías 40:26

Toyaic moel asitic ta ch'ulchan soc ilawilic: ¿Mach'a la xchicnantes spisil? Ja' te mach'a ya spuc ta jujune, soc te ya yic' tel ta sbiile. Mero c'ax muc' te yu'el soc te yipe, ma'yuc junuc ya xch'ay.

Salmos 148:5

Albeyaic yutsilal sbiil te Cajwaltique, melel ja' stuquel la yal mandal, jich pastaj spisil te bitic ayique;

Salmos 74:16

Ja'at awu'un te c'aaleltic, ja'at awu'un te ajc'ubale; ja'at la awac' ainuc ta yawil te ue, ja'at la awac' ainuc ta yawil te c'aale;

Salmos 148:3

Albeyaic yutsilal, ja'ex c'aal soc u. Albeyaic yutsilal, ja'ex eq'uetic te bayal axojobilique.

Job 38:7

te c'alal yacalic ta comon c'ayoj a te eq'uetic ta sacubel q'uinale, te c'alal bin nax yo'tanic a te abatetic cu'un ta ch'ulchane?

1 Corintios 15:41

Yan xojobil te c'aale, soc yan xojobil te ue, soc yan xojobil yutsilal te eq'uetique, soc yanyantic xojobil yutsilal juju-jp'ij ta spisilic.

San Mateo 27:45

Ta olil c'aal ijc'ub q'uinal ta spamal te q'uinale, ja' to ta oxeb ora smalel a te c'aale.

Habacuc 3:11

Te c'aal soc te u ma ba ya xloq'uix tel ta bay yawilic ta scaj te mero muc' xojobil te at'ejibaletic yu'un at'im soc te xojobil te alanzae.

Isaías 45:7

Jo'on ya jchicnantes te saquil q'uinal soc te ijc' q'uinale; ya cac' utsubuc te q'uinale, ya cac' taluc te woclajele. Jo'on Ajwalilon ya jpas ta spisil.

Isaías 13:10

Te eq'uetic soc te tsojboltsojp eq'uetic ta ch'ulchan ma me xyaq'uix xojobilic; ya me x'ijc'ub te c'aal te c'alal ya xloq'ue, te u ma xyaq'uix xojobil.

Salmos 19:6

Te c'aal ya xloc' tel ta jejch' ch'ulchan, ya xjoybej bael ja' to c'alal ya xc'ot ta loq'uel ta yan jejch' ch'ulchan, ma'yuc mach'a ya xju' snac' sba yu'un te xq'uixnale.

Apocalipsis 21:23

Ma xtuun xojobil c'aal soc xojobil u tey a. Melel ja' sacuben q'uinal yu'un te yutsil xojobil te Diose soc te xojobil te Alalchije.

Isaías 24:23

Te Cajwaltic te Spisil ya xju' yu'une, ya me x'at'ej jichuc muc' ajwalil ta wits Sión, ta Jerusalén; te c'aal soc te u ya me xch'ay xojobilic, te jtsobwanejetic yu'un te lume, ya me yilbeyic yutsil xojobil te Cajwaltique.

Job 31:26

La quilbey te xojobil te c'aale, soc la quil ta beel soc xojobil te u,

San Mateo 24:29

“Teme c'axix sc'aalelal a te woclajel ta uts'inele, ya x'ijc'ub te c'aale, soc ma ba ya yac' xojobil te ue, soc ya me xch'ay coel ta ch'ulchan te eq'uetique, soc ya me yich' tijel te bitic ay yipic ta yolil te ch'ulchane.

Jeremías 31:35

Te Cajwaltic la yac' te c'aale, swenta yu'un ya sacub q'uinal yu'un; soc la yac' te u soc te eq'uetique, swenta yu'un ya xojobaj ta ajc'ubal; soc ya yac'bey stij sba soc sbul te mar te ya xc'opoj soc te yipe. Ja' me sbiil te Ajwalil te Spisil ya xju' yu'une, ja' ya yal: