Génesis 1:14 - Bible in Tzeltal de Oxchuc y Tenejapa

^14-15 La yal te Diose: “Ac'a chicnajuc bitic xlemlajanic ta xyaxal te ch'ulchane, swenta yu'un ya xchicnaj q'uinal ta balumilal yu'un, parte ya xc'ot te c'aaleltique, soc parte ya xc'ot te ajc'ubale swenta yu'un ya yich' ajtayel a te jujun c'aal, te jujun u, soc te jujun ja'wile”, xi'. Jich pastaj yu'un.

Bible in Tzeltal Bachajón

¹⁴ La yal te Diose: Ac'a chicnajuc bintic ya xtihl sc'ahc'al ta sjamalil ch'ulchan scuenta yu'un parte ya xc'oht a te c'ahc'alel soc parte ya xc'oht a te ahc'abal, te ha señahiletic ya xc'oht yu'un te ya sjel sba te q'uinal, soc te jujun c'ahc'al soc te jujun ha'bile.

Génesis 1:14 Referans Kwoze

Deuteronomio 4:19

Te c'alal ya awilic te ch'ulchan, te c'aal, u, eq'uetic, ja' spisil te bitic ayic ta toyole, ma me xamulanic xch'uunel, melel ja' me te Cajwaltic te Dios cu'untic te la spas te bitic ayic ta toyole, ja' yu'un te lumetic te ayic ta swolol te balumilale.

Jeremías 31:35

Te Cajwaltic la yac' te c'aale, swenta yu'un ya sacub q'uinal yu'un; soc la yac' te u soc te eq'uetique, swenta yu'un ya xojobaj ta ajc'ubal; soc ya yac'bey stij sba soc sbul te mar te ya xc'opoj soc te yipe. Ja' me sbiil te Ajwalil te Spisil ya xju' yu'une, ja' ya yal:

Salmos 148:3

Albeyaic yutsilal, ja'ex c'aal soc u. Albeyaic yutsilal, ja'ex eq'uetic te bayal axojobilique.

Salmos 148:6

ja' la yac' ta yawil swenta sbajt'el q'uinal, soc la xchajban mandalil yu'un te ma xju' ta c'axintayele.

Amós 5:8

Te Cajwaltic ja' la spas tsojboltsojp te eq'uetic, jich bit'il Xanab-ec' soc Orión, ja' te mach'a ya sc'atp'un ta ijc' q'uinal te saquil q'uinale, soc te ya sc'atp'un ta c'aaleltic te ajc'ubale; ja' te mach'a ya yic' tel te ya'lel mar, soc ya smal ta sba te lumq'uinale; ja' te mach'a ya sjin te tulanil ts'ajq'ue, ya sjin ta jc'axel te anjibale. Ajwalil te sbiile.

Joel 3:15

Ya me x'ijc'ub c'aal, ya me x'ijc'ub u, ya me xtup' xojobil te eq'uetique.

Jeremías 10:2

Jich ya yal: —Ma xanopbeyic yat'el te yantic nacionetic, ma me xiwex yu'un te señailetic ta ch'ulchan, jich bit'il ya spasic te yantic nacionetique.

Salmos 81:3

Oq'uesinaic oq'ues te c'alal ya sta yorail te yach'il u, soc nix te c'alal ya sta yorail ya sep sba, te ja' sc'aalelal te mero muc'ul q'uin cu'untique.

Génesis 8:22

Te jayeb c'aal ay te balumilale, ma xch'ay te bit'il ay yorail awal soc ay yorail c'ajoj, ay me yorail sic soc ay me yorail c'ajc'alel q'uinal, ay me yorail verano soc ay me yorail invierno, ay me c'aal soc ay me ajc'ubal ta balumilal”, xi'.

Isaías 40:26

Toyaic moel asitic ta ch'ulchan soc ilawilic: ¿Mach'a la xchicnantes spisil? Ja' te mach'a ya spuc ta jujune, soc te ya yic' tel ta sbiile. Mero c'ax muc' te yu'el soc te yipe, ma'yuc junuc ya xch'ay.

San Mateo 24:29

“Teme c'axix sc'aalelal a te woclajel ta uts'inele, ya x'ijc'ub te c'aale, soc ma ba ya yac' xojobil te ue, soc ya me xch'ay coel ta ch'ulchan te eq'uetique, soc ya me yich' tijel te bitic ay yipic ta yolil te ch'ulchane.

Amós 8:9

Jamal ya yal te Cajwaltique: —Te c'alal ya sta yorail, ya me x'ijc'ub q'uinal ta olil c'aal, ta c'aaleltic ya cac' x'ijc'ub q'uinal ta balumilal.

Joel 2:10

Te lumq'uinal ya stij sba ta stojolic, te ch'ulchan ya syuc' sba yu'unic, te c'aal te u ya xch'ay xojobil, te eq'uetic ya x'ijc'ub yu'unic.

Jeremías 33:20

—Jo'on Ajwalilon ya cal: Ma xju' te ya xquejch'aj ta pasel te trato jchapoj soc te c'aal soc te ajc'ubale. Ma xquejch'aj te trato jpasoj soc, te ya xjul ta yorail.

Apocalipsis 6:12

La quil c'alal la sjam te swaquebal sello te Alalchije, tal tulan nijq'uel ta balumilal. Te c'aale ijc'ub. Jich c'ot ta ilel te bit'il ijc'al ch'ixal pac' swenta mel-o'tan. Te ue tsajub jich bit'il stsajal te ch'ich'e.

San Mateo 2:2

Jul sjojc'oyic: —¿Banti ay te muc' ajwalil yu'un te judioetic te ayinemixe? La quilbeytic te ec' yu'un te banti talemotic ta stojol sloq'uib c'aale, jich yu'un tal quich'tic ta muc' —xiic.

Ezequiel 46:1

“Jo'on Ajwalilon te jich ya cale: Te yochibal templo ta stojol sloq'uib c'aal te amac' ta yutile, macal me te swaquebal c'aal ta yorail at'ele, ja' nax me ya yich' jamel ta yorail te sc'aalelal cux-o'tane soc ta yorail te sc'aalelal yach'il u.

Jeremías 33:25

Jo'on te Ajwalilon ya cal: Jo'on jchajbanej bit'il ya xbeen te c'aal soc ajc'ubal, cac'oj mandalil te bit'il ya x'at'ej te ch'ulchan soc te balumilal.

Job 25:5

Ta stojol Dios ma'yuc xojobil u, soc ni ja'uc mero lequic te eq'uetique.

Génesis 9:13

ya cac' ta stocalil ch'ulchan te arco iris cu'un. Ja' me seña ya xc'ot te trato la calbeyex ta apisilic te ayex ta sba te balumilale.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

San Lucas 23:45

Ijc'ub te c'aale. In te pac' macbil a te ch'ul awilal ta temploe, jats ta olil.

San Marcos 13:24

“Ja'uc me to, teme c'axix yorail a te woclajele, ya x'ijc'ub te c'aale, jich ma xyac' xojobil te ue,

Ezequiel 46:6

Te sc'aalelal yach'il u, ya me yac' jcojt' toro, waqueb chijetic soc jcojt' stat te chije, ta spisil me ma'yuc bila boloben ta sbaq'uetalic.

Salmos 119:91

Tulan ayic spisil te bitic la apase, jich te bit'il awaloje, melel spisil ayic ta abatinel awu'un.

Job 25:3

Mero ma xju' ta ajtayel te ch'ul abatetic yu'une, ya yac'bey tiluc xojobil ta stojol spisilic.

Job 3:9

Ayuc bit'il ma ba la yac' xojobil te sacubel q'uinal eq'uetique, soc te manchuc taluc te luz la yich' maliyele, soc te ma ba la yich' ilel te sacubel q'uinal te jichuque.

Apocalipsis 9:2

Jich la sjambey sti' te xaabe. Tey mo loq'uel tel ch'ail te jich yilel te bit'il xch'ailel te muc'ul hornoe. Te xch'ailele ijc'ub yu'un te c'aale, soc ijc'maxantic nax a bajt' te q'uinale.

Génesis 1:13

Te yijc'ubel q'uinal soc te sacubel q'uinale, ja' yoxebal c'aal abi.

Salmos 150:1

¡Bin nax yutsil te Cajwaltique! Albeyaic yutsilal Dios ta templo; albeyaic yutsilal ta ye'tal te muc'ul yaxal ch'ulchan yu'une.