Génesis 1:12 - Bible in Tzeltal de Oxchuc y Tenejapa

¹² Jich a ch'i spisil te'etic wamaletic te ya sitinic ta lumq'uinal: te ch'in wamaletic te ya yac' sbaq'ue, soc te'etic te ya yac' site, chican bi yilel sit te juju-jchajbe. Lec ay ta spisil la yil te Diose.

Bible in Tzeltal Bachajón

¹² Hich col te yaxal ha'maletic ta lumq'uinal: ha te bic'tal ha'maletic te ya yac' sbac' te site, soc te te'etic te ya yac' sbac' te site, chican bin yilel sit ya yac' te jujuchahpe. Lec la yil te Diose.

Génesis 1:12 Referans Kwoze

San Marcos 4:28

Te lumq'uinale, ja' ya yac' te ya sitine. Neel ya xchicnaj te yabenale, patil ya xchicnaj te banti ya yac' site soc c'unc'un ya xyijub te site.

San Lucas 6:44

Melel te juju-jpejt' te'e ya jna'beytic sba ta swenta te site. Jich bit'il ma ba ya sitin higo ta bay te ch'ixe, soc ma ba ya sitin ts'usub ta bay te chicch'ixe.

Gálatas 6:7

Ma me xalo'lay abaic, melel te Diose ma xju' ta labanel awu'unic. Melel spisil te bila ya yaw te ants-winique, ja' nix ya sc'aj ta patil.

2 Corintios 9:10

Dios ya yac'bey yawal te mach'a ya yaiy awale, soc ya yac'bey waj swe'. Ja' nanix jich ya me yac'beyex spisil te bila ya sc'an awel awu'unique, soc ya me yesmantesbeyex te sit awawal-ats'unubique, swenta yu'un jich me ya xju' awu'unic te bayal ya awaiy coltaywanej ta stojol te yantique.

Isaías 61:11

Jich me te bit'il ya xmuc'ub te'etic ta lumq'uinal, soc te ya xpulinic te'etic ta yawil, ja' nix me jich ya xc'ot yu'un Cajwaltic te tsalaw ya spase; ya me xc'ajinic spisil nacionetic yu'un ta yalel wocol.

Hebreos 6:7

Ja' pajal c'oemic soc te lumq'uinal te ya yuch' bael ja'al ta jujun buelta te ya xtale. Teme ya xch'i te awal-ts'unubile soc teme ya xtuun yu'un te mach'a at'ejemique, jich ya yich' bendición yu'un te Diose.

Génesis 1:11

jich yu'un la yal: “Ac'a ch'iuc te'etic soc ch'in wamaletic ta lumq'uinal: te wamal te ya yac' sbaq'ue, soc te'etic te ya yac' site, chican bi yilel sit te juju-jchajp”, xi'. Jich pastaj yu'un.

Génesis 1:13

Te yijc'ubel q'uinal soc te sacubel q'uinale, ja' yoxebal c'aal abi.

Salmos 104:14

Ja'at ya awac' ch'iuc te aquiltic ya swe'ic te chambalametic; soc ya awac' ch'iuc te awalts'unubil te ya xtuun yu'un te ants-winiquetic te ya sloq'ues a te swe'ele,