Génesis 1:11 - Bible in Tzeltal de Oxchuc y Tenejapa

¹¹ jich yu'un la yal: “Ac'a ch'iuc te'etic soc ch'in wamaletic ta lumq'uinal: te wamal te ya yac' sbaq'ue, soc te'etic te ya yac' site, chican bi yilel sit te juju-jchajp”, xi'. Jich pastaj yu'un.

Bible in Tzeltal Bachajón

¹¹ La yal te Diose: Ac'a coluc ta lumq'uinal yaxal ha'maletic, ha te bic'tal ha'maletic te ya yac' sbac' soc te'etic te ya yac' sit, chican bin yilel sit ya yac' te jujuchahpe, xchi. Hich c'oht yu'un.

Génesis 1:11 Referans Kwoze

Hebreos 6:7

Ja' pajal c'oemic soc te lumq'uinal te ya yuch' bael ja'al ta jujun buelta te ya xtale. Teme ya xch'i te awal-ts'unubile soc teme ya xtuun yu'un te mach'a at'ejemique, jich ya yich' bendición yu'un te Diose.

Salmos 147:8

Ja' ya smac ta tocal te ch'ulchane; ja' ya yac' tel ja'al ta balumilal; ja' me ya yac' chicnajuc aquiltic ta witstiquil.

Génesis 1:29

Dios la yal: —Aiya awaiyic stojol, cac'ojbeyex awe'elinic spisil awalts'unubil te ya xju' ta tuuntesel sit te ya yac' ta lumq'uinale, soc spisil te' te ya xju' ta lo'el te site, ja' me ya awe'elinic.

Génesis 2:9

Te Cajwaltic Dios la yac' ch'iuc ta lumq'uinal spisil ta jchajp te'etic te t'ujbilic sba soc lec ta lo'el site. Soc la yac' xan jpejt' te' ta yolil awalts'unubil te ya yac' cuxinel, soc ay yan jpejt' te' ya yac' ta na'el te bila lec soc te bila ma lecuque.

San Marcos 4:28

Te lumq'uinale, ja' ya yac' te ya sitine. Neel ya xchicnaj te yabenale, patil ya xchicnaj te banti ya yac' site soc c'unc'un ya xyijub te site.

San Mateo 6:30

Melel teme Dios la yac' te jich ay yutsilal te ja'mal nichimetique, te jun nax c'aal cuxule soc te pajel ya yich' chiq'uel ta yawil c'ajq'ue, ¿yu'un bal ma c'axemuc to xan jich ya sc'u'ultesex te ja'exe? ¿Bi yu'un te ma'yuc xch'uunjel awo'tanique?

Job 28:5

Ta sba te lumq'uinal ya xch'i trigo tey a, pero ta yutil capal soc c'ajc'.

Salmos 1:3

Jich c'oem te bit'il te' te ts'unbil ta ti'muc'ja', te ya yac' sit ta yoraile soc te ma xlubaj te yabenale. Spisil te bila ya spase lec ya xc'ot ta loq'uel.

Génesis 2:5

ma to ayuc ta lumq'uinal spisil ta jchajp te te'etic wamaletic, melel te Cajwaltic Diose ma to bay ya yac' tel ja'al ta balumilal a, soc ma to ayuc winic te ya x'at'ej ta lumq'uinale.

Santiago 3:12

Quermanotac, ¿ya bal spas awaiy te ya sitin olivo-te' ta banti ste'el te higo-te'e? Soc ¿ya bal xju' awaiy te ya sitin higo ta bay yac'ul te ts'usube? Ja' nanix jich ma xju' te jun nax sloc'ja' ya xloc' tel soc ta bay lec te ja'e soc ta bay ay yats'amul te ja'e.

San Mateo 3:10

Pajal c'oemex soc te'etic te chapalix yechejul ta ts'etel c'alal ta yisim. Melel spisil ta pejt' te' te ma xyac' site, ya me yich' ts'etel soc ya me yich' ch'ojel ochel ta c'ajc'.

Jeremías 17:8

Jich me c'oem te bit'il te' ts'unul ta ti'ja', te ya yac' bael yisim ta bay ya x'oquin bael te ja'e. Ma xiw c'alal ya xtal yorail te xc'uxul c'aale; te yabenale spisil ora yaxuben. Ta yorail q'uepel te q'uinale ma xwoclaj; soc ma xcom ta yaq'uel sit ta yorail.

Génesis 2:16

Te Diose jich la spas ta mandal te winique: —Spisil te' te ay ta awalts'unubile ya xju' ya alo'bey sit,

1 Corintios 15:38

Te Diose ya yac'bey ste'el soc yabenal, jich te bit'il ya sc'an te yo'tane. Te juju-jchajp awalile ya yac'bey ste'el soc yabenal, jich nix te bi yilele.

Génesis 1:12

Jich a ch'i spisil te'etic wamaletic te ya sitinic ta lumq'uinal: te ch'in wamaletic te ya yac' sbaq'ue, soc te'etic te ya yac' site, chican bi yilel sit te juju-jchajbe. Lec ay ta spisil la yil te Diose.

Isaías 61:11

Jich me te bit'il ya xmuc'ub te'etic ta lumq'uinal, soc te ya xpulinic te'etic ta yawil, ja' nix me jich ya xc'ot yu'un Cajwaltic te tsalaw ya spase; ya me xc'ajinic spisil nacionetic yu'un ta yalel wocol.