Génesis 1:10 - Bible in Tzeltal de Oxchuc y Tenejapa

¹⁰ Dios la yac'bey sbiil te q'uinal te taquejemixe, “lumq'uinal” sbiil c'ot yu'un. Te bay la stsob sba te ja'e, “mar” sbiil c'ot yu'un stuquel. Lec la yil te Diose,

Bible in Tzeltal Bachajón

¹⁰ Dios la ya'be sbihil lumq'uinal te q'uinal te taquijemixe. Te banti la stsob sba te ha'e, ‘maretic’ sbihil c'oht yu'un. Lec la yil te Diose.

Génesis 1:10 Referans Kwoze

Deuteronomio 32:4

Ja' Jcanantaywanej cu'untic, mero lec yat'el stuquel, mero toj spisil te bitic ya spase. Ja' Dios te jun yo'tan ta jtojoltic, ma'yuc lo'laywanej ta yo'tan; ¡mero stojil ya x'at'ej, mero lec stuquel!

Salmos 104:31

Te yutsil xojobil Cajwaltic sbajt'el q'uinal ay; bin nax yo'tan yu'un te bitic la xchicnantese.

Génesis 1:4

Dios la yil te bit'il lec te saquil q'uinale, soc cha'q'uejp la yac', jq'uejp c'ot te saquil q'uinale, jq'uejp c'ot te ijc' q'uinale.

Salmos 33:7

Ja' ya stsobey ya'lel mar soc ya yac' ta q'uejel te sna'bilale.

Salmos 95:5

Te mar ja' yu'un, melel ja' la spas stuquel; soc ja' la spas ta sc'ab te taquin lumq'uinale.

Salmos 146:6

Ja' la spas ch'ulchan, balumilal, soc mar, soc spisil te bitic aye. Melel te bila ya yal, ya xc'ot ta pasel.

Jonás 1:9

La sjac' te Jonás: —Te jo'one hebreoon. Ja' quich'oj ta muc' te Cajwaltic te Dios ta ch'ulchan, te la spas te mar soc te lumq'uinale —xi'.